ગરીબ પિતાની બે દીકરીઓની સફળતાની ગાથા! એક IAS તો બીજી IPS બની

Success Story: આ બે બહેનોની જીવનકથાઓ આપણને કહે છે કે આપણે ક્યારેય આપણા સપનાઓ છોડવા ન જોઈએ અને જો આપણે સખત મહેનત કરતા રહીશું, તો આપણે ચોક્કસ સફળતા પ્રાપ્ત કરીશું.

Written by Rakesh Parmar
February 13, 2025 21:24 IST
ગરીબ પિતાની બે દીકરીઓની સફળતાની ગાથા! એક IAS તો બીજી IPS બની
બંને બહેનોએ ગરીબી અને મુશ્કેલ પરિસ્થિતિઓનો સામનો કરવા છતાં UPSC સિવિલ સર્વિસીસ પરીક્ષા પાસ કરી છે. (તસવીર: સોશિયલ મીડિયા)

Success Story: UPSC સિવિલ સર્વિસીસ પરીક્ષા માત્ર દેશમાં જ નહીં પરંતુ વિશ્વની સૌથી અઘરી પરીક્ષાઓમાંની એક માનવામાં આવે છે, કારણ કે દર વર્ષે લાખો ઉમેદવારો આ પરીક્ષા આપે છે, પરંતુ તેમાંથી ફક્ત 1000-1200 ઉમેદવારો જ પસંદ થાય છે. હજારો ઉમેદવારો પ્રિલિમ પરીક્ષામાં જ નાપાસ થાય છે. ત્યાં જ કેટલાક ઉમેદવારો એવા પણ છે જે આ પરીક્ષામાં સફળ થાય છે અને બધા માટે પ્રેરણાસ્ત્રોત બને છે. ઐશ્વર્યા રામનાથન અને સુષ્મિતા રામનાથન પણ તેમાંના એક છે, જેમની વાર્તા દરેકને પ્રેરણા આપે છે. તો ચાલો જાણીએ કે આ બે કોણ છે અને તેમની સફળતાની વાર્તા શું છે…

ઐશ્વર્યા રામનાથન અને સુષ્મિતા રામનાથન એવી બહેનો છે જેમણે ગરીબી અને મુશ્કેલ પરિસ્થિતિઓનો સામનો કરવા છતાં UPSC સિવિલ સર્વિસીસ પરીક્ષા પાસ કરી છે. આ બે બહેનોની જીવનકથાઓ આપણને કહે છે કે આપણે ક્યારેય આપણા સપનાઓ છોડવા ન જોઈએ અને જો આપણે સખત મહેનત કરતા રહીશું, તો આપણે ચોક્કસ સફળતા પ્રાપ્ત કરીશું.

સુનામીથી બેઘર થયા

તમિલનાડુના કુડ્ડલોર જિલ્લામાં જન્મેલા અને ઉછરેલ, ઐશ્વર્યા અને સુષ્મિતા એક ગરીબ પરિવારમાં મોટા થયા હતા. તેમના પરિવારને ગુજરાન ચલાવવા માટે ઘણો સંઘર્ષ કરવો પડ્યો છે. 2004ના હિંદ મહાસાગર સુનામીમાં પોતાનું ઘર ગુમાવ્યા બાદ આ બે બહેનોના પરિવારને ખૂબ જ દુઃખનો સામનો કરવો પડ્યો હતો, પરંતુ આ ભયંકર આફત બંને બહેનોના સપના અને બંધનને તોડી શકી નહીં.

આ પણ વાંચો: અંબાણી પરિવાર માટે ખાસ કાઠિયાવાડી ભોજન બનાવનાર વ્યક્તિ કોણ છે?

ઐશ્વર્યા રામનાથન IAS બન્યા

સૌપ્રથમ નાની બહેન ઐશ્વર્યા રામનાથન UPSC માં સફળ થઈ હતી. તેણીએ 2018 માં યોજાયેલી અખિલ ભારતીય UPSC પરીક્ષામાં 628મો ક્રમ મેળવ્યો હતો, ત્યારબાદ તેણીની રેલ્વે એકાઉન્ટ્સ સર્વિસ (RAS) માટે પસંદગી થઈ હતી. જોકે તે પોતાના રેન્કથી સંતુષ્ટ ન હતી, તેથી તેણે 2019 માં ફરીથી પરીક્ષા આપી અને આ વખતે તે માત્ર 22 વર્ષની ઉંમરે 44મા રેન્ક સાથે IAS અધિકારી બની હતી. તેણીને તમિલનાડુ કેડર મળ્યું છે.

સુષ્મિતા રામનાથન બન્યા IPS

મોટી બહેન સુષ્મિતાએ પણ UPSC માટે સારી તૈયારી કરી હતી પરંતુ તેની તૈયારી પૂરતી ન હતી, તેથી તે તેના પહેલા પાંચ પ્રયાસોમાં નિષ્ફળ ગઈ. જોકે, તેણીએ હાર ન માની અને 2022 માં ફરીથી પરીક્ષા આપી હતી. આ વખતે તેણીએ 528 મા રેન્ક સાથે પરીક્ષા પાસ કરી અને IPS માટે પસંદગી પામી. તેણીને આંધ્ર પ્રદેશ કેડર મળ્યો છે.

Read More
આજના લેટેસ્ટ ગુજરાતી સમાચાર અને ટ્રેન્ડિંગ ન્યૂઝ વાંચો ઈન્ડિયન એક્સપ્રેસ ગુજરાતી પર. અહીં તમને મળશે ગુજરાત, સ્પોર્ટ્સ, ધર્મ, વેપાર, લાઇફ સ્ટાઇલ, મનોરંજન, કરિયર તેમજ ભારત અને વિશ્વભરના દૈનિક સમાચાર અપડેટ્સ ગુજરાતી ભાષામાં.
Loading...
ચેનલ JOIN કરો Follow us Shorts ટોપ ન્યૂઝ