Success Story: જીવનમાં ઘણા લોકો એવા હોય છે જે કંઇક અલગ કરવા માંગે છે અને આખી પરિસ્થિતિને બદલી નાખવા માંગે છે. ઘણા લોકો આ વસ્તુઓ મેળવવા માટે કંઈક શોર્ટકટ શોધે છે. કેટલાક લોકો આ વસ્તુઓ મેળવવા માટે ખૂબ જ મહેનત કરે છે. આજે અમે તમારા માટે એવા જ એક મહેનતુ, સફળ વ્યક્તિની યાત્રા લઇને આવ્યા છીએ.
છત્તીસગઢના મુંગેલી જિલ્લામાં રહેતા એક ભરવાડે દ્રઢ ઈચ્છાશક્તિ અને મહેનતથી પોતાના સ્વપ્નને સાકાર કર્યું છે. મુંગેલી જિલ્લાના પાથરિયા ડેવલપમેન્ટ બ્લોકના બદરા ગામનો રહેવાસી વિશ્વનાથ યાદવ એક સમયે એક સામાન્ય ભરવાડ હતો. પરંતુ સમય જતાં તેમણે પોતાનો બિઝનેસ અને ટેક્નોલોજી બદલી નાખી, જે આજે તેઓ દર મહિને લાખો રૂપિયાની કમાણી કરી રહ્યા છે.
એક સફળ ડેરી ઉદ્યોગસાહસિક તરીકે માન્યતા
વિશ્વનાથ યાદવ આજે જિલ્લામાં એક સફળ ડેરી ઉદ્યોગસાહસિક માનવામાં આવે છે. તેમના મતે 2016-17 માં તેમની પાસે માત્ર 1.5 એકર જમીન હતી. જેમાં તેમના પૂર્વજોનું ઘર પણ હતું. તેઓ પરંપરાગત રીતે 1-2 ગાયોને ઉછેરીને અને તેમના થકી 3-4 લીટર દૂધનું વેચાણ કરીને પોતાના પરિવારનું ગુજરાન ચલાવતા હતા. તેમના અનુસાર, વિશ્વનાશ આનંદે બેંકમાંથી 12 લાખ રૂપિયાની લોન લીધી હતી. લોન લીધા પછી તેમણે ડેરી ખોલી અને પોતાનો વ્યવસાય શરૂ કર્યો.
આ પણ વાંચો: અદાણી ગ્રુપમાં ઊંચા પગારવાળી નોકરી છોડી અને શરૂ કર્યો બિઝનેસ, હવે વાર્ષિક કરોડોની કમાણી
તેમણે ડેરીમાં ગાયોની સાથે ભેંસો પણ સામેલ કરી અને ધીમે-ધીમે દૂધ ઉત્પાદનમાં વધારો કર્યો. આજે તેમની પાસે 26 ગાયો અને 50 ભેંસો છે. જે દરરોજ 150 લીટર દૂધ આપે છે. ભેંસનું દૂધ બજારમાં 100 રૂપિયાના ભાવે વેચાય છે.
યાદવે તેમવી બધી લોન ચૂકવી દીધી છે અને તેમની ડેરી ફાર્મમાંથી મળેલી આવકથી 4.5 એકર જમીન ખરીદી છે. તેના પર તેઓએ ડેરી માટે છત અને સિમેન્ટ-કોંક્રિટનું ઘર બનાવ્યું છે. ખેતી માટે ટ્રેક્ટર ખરીદ્યુ છે અને દૂધના પરિવહન માટે તેમણે મોટરસાઈકલ પણ ખરીદી છે.
ઘણા લોકો માટે પ્રેરણા
વિશ્વનાથ યાદવ એક સમૃદ્ધ ખેડૂત અને પ્રખ્યાત ડેરી ઉદ્યોગસાહસિક બન્યા છે. તેમની સફળતાથી પ્રેરિત થઈને ઘણા અન્ય યુવાનો પણ ડેરી વ્યવસાય તરફ આકર્ષાયા છે.
