Amitabh Bachchan: ટીમ ઈન્ડિયાની જીત પર અમિતાભ બચ્ચનની રમૂજી પોસ્ટ વાયરલ, ચાહકોએ મજાકમાં કહી આ વાત

Amitabh Bachchan Post On Team India Win T20 World Cup: ભારતીય ક્રિકેટ ટીમે આઈસીસી મેન્સ ટી 20 વર્લ્ડ કપ 2026 ટ્રોફી જીતીને સમગ્ર દેશ માટે ઉજવણીનું વાતાવરણ સર્જ્યું છે. ફાઈનલ મેચમાં ભારતે શાનદાર બેટિંગ કરી ન્યુઝીલેન્ડ ટીમને હરાવી હતી. ટી20 વર્લ્ડ કપની જીત પર ટીમ ઈન્ડિયાની સોશિયલ મીડિયા પર અનેક સેલિબ્રિટીઝે અભિનંદન પાઠવ્યા હતા. અમિતાભ બચ્ચન, શાહરૂખ ખાન, કરણ જોહર, અનુષ્કા શર્મા, સની દેઓલ અને વડા પ્રધાન નરેન્દ્ર મોદીએ પણ શુભેચ્છાઓ પાઠવી હતી. ભારતીય ટીમની જીત પર અમિતાભ બચ્ચને જોકિંગ કોમેન્ટ કરી છે, જે બહુ વાયરલ થઇ છે.

અમિતાભ બચ્ચને એક રમુજી ટ્વિટ શેર કરીને લખ્યું, 'કહા થા નહીં દેખુંગા તો જીતે જાયેંગે! ચાહકોએ મજાકમાં જવાબ આપ્યો હતો અને કહ્યું હતુ કે, ભારતની જીત નિશ્ચિત કરવા માટે ક્યારેય મેચ નથી જોતા. એક યુઝરે લખ્યું, 'તેમને લાગે છે કે તેઓ ક્રિકેટ માટે સારા નથી. તો મનીષ જોશી નામના યુઝરે લખ્યું હતું કે તેમણે ક્રિકેટનો આનંદ માણવો જોઈએ. "સર, આ ઉંમરે તમારે તમારી જાતને લાઇવ ગેમ્સની મજા માણવાથી રોકવું જોઈએ નહીં. જો આપણે બીજા પાસા પર નજર કરીએ તો તમને ભારતીય ટીમ અને તેમની ક્ષમતા પર વિશ્વાસ નથી. અને છેલ્લે, અન્યના પ્રયત્નો, કાર્યો અને પરિણામો માટે કોઈ કેવી રીતે જવાબદાર હોઈ શકે?

T 5679 - कहा था नहीं देखूँगा तो जीत जाएँगे ! हो गया ! pic.twitter.com/JHgQyc2v2S

— Amitabh Bachchan (@SrBachchan) March 8, 2026

પીએમ મોદીએ પણ અભિનંદન પાઠવ્યા

સોશિયલ મીડિયા પર મેચની કેટલીક તસવીરો શેર કરતા પ્રધાનમંત્રીએ લખ્યું, "ચેમ્પિયન્સ! આઈસીસી મેન્સ ટી-20 વર્લ્ડ કપ જીતવા બદલ ભારતીય ટીમને હાર્દિક અભિનંદન. આ જબરદસ્ત વિજય અસાધારણ કૌશલ્ય, દૃઢ સંકલ્પ અને ટીમ વર્કનું પ્રતીક છે. તેણે સમગ્ર ટૂર્નામેન્ટમાં ઉત્કૃષ્ટ હિંમત દર્શાવી છે. આ જીતે દરેક ભારતીયના હૃદયને ગર્વ અને ખુશીથી ભરી દીધું છે. શાબાશ, ટીમ ઇન્ડિયા! @indiancricketteam. ”

Champions!

Congratulations to the Indian team on winning the ICC Men’s T20 World Cup!

This remarkable triumph reflects exceptional skills, determination and teamwork. They have shown outstanding grit through the tournament.

This victory has filled every Indian heart with…

— Narendra Modi (@narendramodi) March 8, 2026

શાહરૂખ ખાને ખુશી વ્યક્ત કરી

શાહરૂખ ખાને પણ ટીમ ઈન્ડિયાની મોટી જીત પર ખુશી અને ગર્વ વ્યક્ત કર્યો હતો. અભિનેતાએ ટીમ ઈન્ડિયાની ટ્રોફી ઉપાડતી તસવીર પોસ્ટ કરી અને લખ્યું, "કેટલી મહાન જીત !! વાદળી જર્સીમાં આપણા ખેલાડીઓને અભિનંદન !! તમે લોકો ચેમ્પિયન છો અને તમને મેદાન પર રમતા જોવું અમારા બધા માટે ખૂબ જ ગર્વની વાત છે. તમને સલામ, જય હિન્દ!"

કરણ જોહરે આ પોસ્ટ શેર કરી

ફિલ્મ નિર્માતા કરણ જોહરે પોતાની ઇન્સ્ટાગ્રામ સ્ટોરી પર પોતાની ફિલ્મ 'કભી ખુશી કભી ગમ'નો એક પોપ્યુલર વીડિયો શેર કર્યો છે, જેમાં તે જીતની ઉજવણી કરતો જોવા મળી રહ્યો છે. કરીના કપૂરે પણ સોશિયલ મીડિયા પર આ સિદ્ધિની ઉજવણી કરી હતી. અનુષ્કા શર્માએ ઇન્સ્ટાગ્રામ પર ભારતીય ટીમને અભિનંદન આપ્યા અને લખ્યું, "આ શાનદાર જીત માટે આ પ્રતિભાશાળી ટીમને હૃદયપૂર્વક અભિનંદન. સતત બીજી વખત વર્લ્ડ કપ જીત્યો. 

T20 વર્લ્ડ કપ ફાઇનલમાં તૂટ્યો 17 વર્ષ જૂનો રેકોર્ડ 

ભારત અને ન્યુઝીલેન્ડ વચ્ચે ટી20 વર્લ્ડ કપ 2026 ની ફાઇનલ અમદાવાદના નરેન્દ્ર મોદી સ્ટેડિયમ ખાતે રમાઈ હતી. ટીમ ઈન્ડિયાએ ટોસ હારી ગયા બાદ પ્રથમ બેટિંગ કરવાનો નિર્ણય લીધો. ટીમ ઈન્ડિયા તરફથી અભિષેક શર્મા અને સંજુ સેમસનએ ઇનિંગ્સની શરૂઆત કરી. આ વર્લ્ડ કપમાં અત્યાર સુધી રન બનાવવા માટે સંઘર્ષ કરી રહેલા અભિષેકે ફાઇનલમાં શાનદાર બેટિંગ કરી છે. અભિષેક અને સંજુ સેમસન વચ્ચે 50 રનની ઓપનિંગ ભાગીદારી થઈ છે જે એક મોટો રેકોર્ડ તોડી નાખ્યો છે. વધુ વાંચવા અહીં ક્લિક કરો.