IND vs NZ: ટી20 વર્લ્ડ કપ ફાઇનલમાં અભિષેક શર્મા અને સંજુ સેમસને ઇતિહાસ રચ્યો, 17 વર્ષ જૂનો રેકોર્ડ તોડ્યો

Abhishek Sharma and Sanju Samson: ભારત અને ન્યુઝીલેન્ડ વચ્ચે ટી20 વર્લ્ડ કપ 2026 ની ફાઇનલ અમદાવાદના નરેન્દ્ર મોદી સ્ટેડિયમ ખાતે રમાઈ હતી. ટીમ ઈન્ડિયાએ ટોસ હારી ગયા બાદ પ્રથમ બેટિંગ કરવાનો નિર્ણય લીધો. ટીમ ઈન્ડિયા તરફથી અભિષેક શર્મા અને સંજુ સેમસનએ ઇનિંગ્સની શરૂઆત કરી. આ વર્લ્ડ કપમાં અત્યાર સુધી રન બનાવવા માટે સંઘર્ષ કરી રહેલા અભિષેકે ફાઇનલમાં શાનદાર બેટિંગ કરી છે. અભિષેક અને સંજુ સેમસન વચ્ચે 50 રનની ઓપનિંગ ભાગીદારી થઈ છે જે એક મોટો રેકોર્ડ તોડી નાખ્યો છે.

અભિષેક શર્મા અને સંજુ સેમસને 17 વર્ષ જૂનો રેકોર્ડ તોડ્યો

ટી20 વર્લ્ડ કપના ઇતિહાસમાં પહેલી વાર બે ઓપનિંગ બેટ્સમેનોએ પહેલી વિકેટ માટે 50 રનની ઓપનિંગ ભાગીદારી કરી. અગાઉ ટી20 વર્લ્ડ કપ ફાઇનલમાં સૌથી વધુ ઓપનિંગ ભાગીદારી 48 રનની હતી. આ ભાગીદારી પાકિસ્તાની ઓપનર કામરાન અકમલ અને શાહઝૈબ હસન દ્વારા 2009 ના ટી20 વર્લ્ડ કપ દરમિયાન શેર કરવામાં આવી હતી. હવે 17 વર્ષ પછી અભિષેક શર્મા અને સંજુ સેમસન એ રેકોર્ડ તોડી નાખ્યો છે.

ટીમ ઈન્ડિયાએ વધુ એક રેકોર્ડ બનાવ્યો

આ મેચમાં ટીમ ઈન્ડિયાએ માત્ર 4 ઓવરમાં 50 રનનો આંકડો પાર કર્યો. ટી20 વર્લ્ડ કપના સેમિફાઇનલ અને ફાઇનલમાં કોઈપણ ટીમ દ્વારા આ સૌથી ઝડપી 50 રનનો આંકડો છે. સંજુ સેમસન અને અભિષેક શર્માએ આ મેચની પ્રથમ છ ઓવરમાં શાનદાર બેટિંગ કરી છે. તેઓએ મળીને પ્રથમ છ ઓવરમાં 92 રન બનાવ્યા છે.

સંજુ સેમસનના નામે 3 વર્લ્ડ રેકોર્ડ, T20 વર્લ્ડ કપ ફાઈનલમાં તોફાની 89 રન ફટકારી કોહલીનો રેકોર્ડ તોડ્યો

અભિષેક શર્માએ વધુ એક મોટો રેકોર્ડ બનાવ્યો

ટીમ ઈન્ડિયાના ઓપનિંગ બેટ્સમેન અભિષેક શર્માએ આ ફાઇનલ મેચમાં માત્ર 18 બોલમાં પોતાની અડધી સદી પૂરી કરી. આ T20 વર્લ્ડ કપના નોકઆઉટ મેચમાં સૌથી ઝડપી અડધી સદી છે. આ પહેલા ફિન એલને દક્ષિણ આફ્રિકા સામે 18 બોલમાં અડધી સદી ફટકારી હતી અને જેકબ બેથેલે સેમિફાઇનલમાં ટીમ ઈન્ડિયા સામે 18 બોલમાં અડધી સદી ફટકારી હતી. આ આ T20 વર્લ્ડ કપમાં સૌથી ઝડપી અડધી સદી પણ છે.

ટીમ ઈન્ડિયા ટી20 વિશ્વ વિજેતા

ન્યૂઝીલેન્ડને 96 રનથી હરાવીને ભારત ફરી એકવાર ટી20 વર્લ્ડ ચેમ્પિયન બન્યું છે. પ્રથમ બેટિંગ કરતા ટીમ ઈન્ડિયાએ 5 વિકેટે 255 રન બનાવ્યા. ન્યૂઝીલેન્ડ 19 ઓવરમાં ફક્ત 159 રન જ બનાવી શક્યું. ટીમ ઈન્ડિયાનો આ સતત બીજો ખિતાબ છે.

ભારતીય ટીમે બોલિંગ વિભાગમાં પણ અસાધારણ સારું પ્રદર્શન કર્યું છે. જસપ્રીત બુમરાહ ફરી એકવાર હીરો સાબિત થયો છે, તેણે ચાર ઓવરમાં 15 રન આપીને ચાર વિકેટ લીધી. અક્ષરે ત્રણ ઓવરમાં 27 રન આપીને ત્રણ વિકેટ લીધી. વરુણ ચક્રવર્તી અને અભિષેક શર્મા, હાર્દિક પંડ્યાએ એક-એક વિકેટ લીધી.