Cannes 2025: કાન્સના રેડ કાર્પેટ પર PM મોદીની તસવીરો વાળો નેકલેસ પહેરીને પહોંચી અભિનેત્રી

Cannes 2025: કાન્સ ફિલ્મ ફેસ્ટિવલ ચાલી રહ્યો છે. આ વર્ષે ઘણી ભારતીય હસ્તીઓ પ્રતિષ્ઠિત ફિલ્મ ફેસ્ટિવલમાં ભાગ લેવા માટે પહોંચી છે. ભારતીય અભિનેત્રી રૂચી ગુર્જર પણ કાન્સ ફિલ્મ ફેસ્ટિવલમાં ભાગ લેવા માટે પહોંચી હતી. રુચીએ રેડ કાર્પેટ પર પગ મૂકતાની સાથે જ તેના ગળાના હારને કારણે લોકોનું ધ્યાન ખેંચ્યું. રૂચીએ કાન્સના રેડ કાર્પેટ પર ભારતીય વડા પ્રધાન નરેન્દ્ર મોદીની તસવીરો સાથે ડિઝાઇન કરેલો હાર પહેર્યો હતો. રુચીએ તેને પહેરવાનું કારણ જણાવ્યું છે.

પીએમ મોદી પ્રત્યે આદર વ્યક્ત કર્યો

વર્ષ 2023 માં મિસ હરિયાણાનો ખિતાબ જીતનાર મોડેલ અને અભિનેત્રી રૂચી ગુર્જર કહે છે કે આ હાર પહેરીને તેણે પીએમ મોદી પ્રત્યે આદર વ્યક્ત કર્યો છે. રુચીના મતે તેણે આ હાર પહેરીને ભારતીય ગૌરવની ઉજવણી કરી અને પીએમ મોદીના નેતૃત્વને કેટલું પસંદ છે તે પણ વ્યક્ત કર્યું.

રાજસ્થાની પરંપરા અને સંસ્કૃતિની ઝલક રજૂ કરી

રિપોર્ટ્સ અનુસાર, રુચિ ગુર્જરે કહ્યું કે કાન્સ ફિલ્મ ફેસ્ટિવલમાં આ ગળાનો હાર પહેરીને તે વડા પ્રધાન મોદીને માન આપવા માંગતી હતી, જેમના નેતૃત્વએ ભારતને નવી ઊંચાઈઓ પર પહોંચાડ્યું છે. રૂચિએ પરંપરાગત રાજસ્થાની પોશાકમાં રેડ કાર્પેટ પર ચાલી. તેનો ગળાનો હાર પણ રાજસ્થાની ડિઝાઇનથી શણગારેલો છે. કાન્સમાં રૂચિનો દેખાવ ભારતીય સંસ્કૃતિ અને પરંપરાની ઝલક રજૂ કરી રહ્યો છે.