રણવીર સિંહની 'ધુરંધર 2'માં બડે સાહેબ બનશે 'ઈમરાન હાશ્મી', સોશિયલ મીડિયામાં ચર્ચાનું બજાર ગરમાયું

રણવીર સિંહની આગામી ફિલ્મ "ધુરંધર 2" ને લઈને ચાહકો ઉત્સાહિત છે. પહેલી ફિલ્મે બોક્સ ઓફિસ પર ઘણા રેકોર્ડ તોડી નાખ્યા હતા, અને હવે ફિલ્મના સૌથી રહસ્યમય પાત્ર "બડે સાહબ" ને લઈને મોટા સમાચાર સામે આવ્યા છે. એવી અફવા છે કે આ મહત્વપૂર્ણ ભૂમિકા ભજવનાર અભિનેતાનું નામ આકસ્મિક રીતે લીક થઈ ગયું છે.

Letterboxd દ્વારા નામ લીક

આદિત્ય ધર દ્વારા દિગ્દર્શિત "ધુરંધર: ધ રીવેન્જ" ના નિર્માતાઓએ અત્યાર સુધી "બડે સાહબ" ના પાત્રને ગુપ્ત રાખ્યું છે. પહેલા ભાગમાં બડે સાહબનો ઉલ્લેખ ઘણી વખત કરવામાં આવ્યો હતો, પરંતુ તેમનો ચહેરો ક્યારેય જાહેર કરવામાં આવ્યો ના હતો. જોકે ફિલ્મની રિલીઝ પહેલા Letterboxd ની યાદીએ ચાહકોનું ધ્યાન ખેંચ્યું છે. ફિલ્મની સ્ટાર કાસ્ટમાં એક નવું અને અગ્રણી નામ ઉમેરવામાં આવ્યું છે: ઇમરાન હાશ્મી.

જોકે તેના પાત્રની સત્તાવાર જાહેરાત કરવામાં આવી નથી, અફવાઓ જણાવે છે કે ઇમરાન હાશ્મી એ "બડે સાહબ" છે જે પાકિસ્તાન વિરુદ્ધ કાવતરું ઘડી રહ્યો છે. હાલમાં આ કલાકારોની યાદીએ સોશિયલ મીડિયા પર ખળભળાટ મચાવ્યો છે.

Reddit પર Letterboxdનો સ્ક્રીનશોટ વાયરલ થતાં જ ચાહકો ખૂબ જ ખુશ થઈ ગયા છે. સોશિયલ મીડિયા પર ચાહકો કહી રહ્યા છે કે ઇમરાન હાશ્મીનું કાસ્ટિંગ શાનદાર છે અને તે એક શાનદાર અભિનેતા છે.

વિજય દેવરકોંડા અને રશ્મિકા મંદાના એ તેમના લગ્નની પુષ્ટિ કરી, આ ફિલ્મથી શરૂ થઇ હતી તેમની લવ સ્ટોરી

એક ચાહકે લખ્યું: "એક તરફ આખી દુનિયા, બીજી તરફ ઇમરાન હાશ્મી! હું તેમને 'બડે સાહબ' તરીકે જોવા માટે ખૂબ જ ઉત્સાહિત છું."

'ધુરંધર 2' ની વાર્તા શું હશે?

તાજેતરમાં જ ફિલ્મનું ટીઝર રિલીઝ થયું હતું, જેમાં ખુલાસો થયો હતો કે હમઝા (રણવીર સિંહ) રહેમાન ડાકૈત (અક્ષય ખન્ના) ના મૃત્યુનો બદલો લેવા માટે લ્યારી જઈ રહ્યો છે. અહીં તેનો સામનો મેજર ઇકબાલ (અર્જુન રામપાલ) અને તેના બોસ 'બડે સાહબ' સાથે થશે.

મુખ્ય કલાકાર:

• રણવીર સિંહ હમઝા તરીકે
• અર્જુન રામપાલ મેજર ઇકબાલ તરીકે
• ઇમરાન હાશ્મી (શંભવિત 'બડે સાહબ') તરીકે
• અન્ય કલાકારો: આર. માધવન, સંજય દત્ત, સારા અર્જુન અને રાકેશ બેદી.
• ફિલ્મમાં યામી ગૌતમ અને રાજ ઝુત્શીના કેમિયો હોવાની પણ ચર્ચા છે.

બોક્સ ઓફિસ પર ક્લેશ અને રિલીઝ તારીખ

'ધુરંધર' ના પહેલા ભાગને વિશ્વભરમાં ઐતિહાસિક ₹1300 કરોડની કમાણી કરી હતી, જે તેને અત્યાર સુધીની બીજી સૌથી વધુ કમાણી કરનારી હિન્દી ફિલ્મ બનાવે છે. આ ફિલ્મની સિક્વલ 19 માર્ચે સિનેમાઘરોમાં રિલીઝ થશે. તે બોક્સ ઓફિસ પર યશની એક્શન ડ્રામા ફિલ્મ 'ટોક્સિક' સાથે ટકરાશે.