વર્ષ 2025 ના પ્રથમ અઠવાડિયે આ સિરીઝ અને ફિલ્મો OTT પર થશે રિલીઝ, જાણો પ્લેટફોર્મ અને રિલીઝની તારીખ

નવું વર્ષ મનોરંજનના વિશાળ ડોઝ સાથે શરૂ થવા જઈ રહ્યું છે કારણ કે 2024 ના અંત સુધી ઓટીટી પર શાનદાર કન્ટેન્ટ રિલીઝ થવા જઈ રહ્યું છે. સમીક્ષકો દ્વારા વખાણાયેલી ભારતીય ફિલ્મોથી લઈને આંતરરાષ્ટ્રીય થ્રિલર ફિલ્મો અને વેબ સિરીઝ સુધી બધું જ 2025 ના પ્રથમ સપ્તાહમાં જ ઓટીટી પર રિલીઝ થવાની તૈયારીમાં છે. આ ફિલ્મો અને સિરીઝ દર્શકોને રોમાંચક સફર પર લઈ જશે. જો તમે 2025 શરૂ કરવા માટે કોઈ મૂવી અથવા સિરીઝ શોધી રહ્યાં છો તો આ અઠવાડિયેની OTT રિલીઝનું લિસ્ટ અહીં છે.

ઓલ વી ઇમેજિન એઝ લાઇટ

પાયલ કાપડિયાની વિવેચકો દ્વારા વખાણાયેલી ફિલ્મ ઓલ વી ઇમેજિન એઝ લાઇટ એક નર્સ પ્રભાસ અને તેની ફ્લેટમેટ અનુ પર કેન્દ્રિત છે. આ ફિલ્મમાં દિવ્યા પ્રભા, કની કુસરુતિ, હૃદુ હારૂન, છાયા કદમ અને ટીન્ટુમોલ જોસેફ મુખ્ય ભૂમિકામાં છે. 'ઓલ વી ઇમેજિન એઝ લાઇટ' 3 જાન્યુઆરી, 2025ના રોજ ડિઝની+હોટસ્ટાર પર સ્ટ્રીમ થશે.

ગુનાહ સીઝન 2

પાવર-પેક્ડ મનોરંજક શો 'ગુનાહ' બીજી સિઝન સાથે પાછી ફરી છે. હિન્દી સિરીઝમાં ગશ્મીર મહાજાની, સુરભી જ્યોતિ, દર્શન પંડ્યા અને શશાંક કેતકર મુખ્ય ભૂમિકામાં છે. ગુનાહ સીઝન 2 3 જાન્યુઆરી, 2025 ના રોજ Disney+Hotstar પર રિલીઝ થશે.

આ પણ વાંચો: ગેમ ચેન્જર ફિલ્મના પાંચ ગીતો છે ખાસ, સેટ પાછળ ખર્ચાયા કરોડો રૂપિયા

એવિસી - આઈ એમ ટીમ

'Avicii - I'm Tim' ડોક્યુમેન્ટરી ટિમ બર્ગલિંગની વાર્તા પર ધ્યાન કેન્દ્રિત કરે છે, જે એક શરમાળ અને અસુરક્ષિત કલાકારને જન્મ આપ્યો, જે વિશ્વના સૌથી પ્રિય કલાકારોમાંના એક છે. ડોક્યુમેન્ટરીમાં એવિસી, એલો બ્લેક, ક્રિસ માર્ટિન, નાઇલ રોજર્સ, ડેવિડ ગુએટા અને એશ પોર્નૌરી જેવા કલાકારો છે. 'Avicii-I'm Tim' નેટફ્લિક્સ પર 31 ડિસેમ્બર, 2024ના રોજ રિલીઝ થશે.

રિયૂનિયન

અમેરિકન કોમેડી-મિસ્ટ્રી ફિલ્મ 'રિયુનિયન' હાઈસ્કૂલના મિત્રોના રિયુનિયનની વાર્તાની આસપાસ ફરે છે. ભૂતપૂર્વ સહપાઠીઓ એક હત્યાનો પર્દાફાશ કરે છે અને તેમની વચ્ચે હત્યારાને ઓળખવાનો પ્રયાસ કરે છે. આ ફિલ્મમાં નીના ડોબ્રેવ, જેમી ચુંગ, ચેસ ક્રોફોર્ડ, બિલી મેગ્ન્યુસન અને સિઓભાન મર્ફી મુખ્ય ભૂમિકામાં છે. રિયુનિયન 1 જાન્યુઆરી, 2025 ના રોજ Netflix પર સ્ટ્રીમ થશે.

મિસિંગ યૂ

સિરીઝ 'મિસિંગ યુ' એક ડિટેક્ટીવ ઈન્સ્પેક્ટરની આસપાસ ફરે છે જે ગુમ વ્યક્તિઓના કેસોમાં નિષ્ણાત છે. જ્યારે તેને ખબર પડે છે કે તેની મંગેતર, જે અગિયાર વર્ષ પહેલા ગાયબ થઈ ગઈ હતી, તે ડેટિંગ એપ્લિકેશન પર સક્રિય છે ત્યારે તેનું જીવન પલટાઈ જાય છે. આ શોમાં રોઝાલિન્ડ એલેઝાર, રિચાર્ડ આર્મિટેજ, જેમ્સ નેસ્બિટ અને એશ્લે વોલ્ટર્સ છે. Missing You 1 જાન્યુઆરી, 2025 ના રોજ Netflix પર સ્ટ્રીમ થશે.