Naagin 6: ટીવી એક્ટ્રેસ તેજસ્વી પ્રકાશ આ દિવસોમાં ટીવી પર નાગિન સિઝન 6 (Naggin Season 6) માં જોવા મળે છે. નાગિન એ ટેલિવિઝનનો સૌથી લોકપ્રિય શો છે. સીરીયલ ઘણીવાર રેટિંગ ચાર્ટમાં ટોચ પર રહે છે. સ્ટોરી એકદમ મનોરંજક છે અને તે દર્શકોને ટેલિવિઝન સ્ક્રીન પર જકડી રાખે છે.
ટીઆરપી રેટિંગમાં શો તળિયે
બિગ બોસ 15ના સ્પર્ધકો તેજસ્વી પ્રકાશ, સિમ્બા નાગપાલ, ઉર્વશી ધોળકિયા અને મહક ચહલ આ શોમાં મુખ્ય ભૂમિકામાં છે. શરૂઆતના દિવસોમાં આ શોએ ટીઆરપી રેટિંગમાં ખૂબ સારું પ્રદર્શન કર્યું હતું અને તે ટોપ 10 શોમાંનો એક હતો, પરંતુ હવેથી શો સારો દેખાવ કરી રહ્યો નથી અને ટીઆરપી રેટિંગની વાત કરીએ તો તે નીચે આવી ગયો છે.
તેજસ્વી ઘરે ઘરે લોકપ્રિય
આ શોએ તેજસ્વી પ્રકાશ (Tejassvi prakash) ને ઘરે-ઘરે લોકપ્રિયતા અપાવી છે. આજે તેની ફેન ફોલોઈંગ ખૂબ જ મોટી છે. જો કે આ શો ઓફ-એર થવાની ચર્ચાએ જોર પકડ્યું છે પરંતુ મીડિયા રિપોર્ટ્સ અનુસાર, શોનો ગ્રાન્ડ ફિનાલે એપિસોડ ફેબ્રુઆરીના મધ્યમાં ટેલિકાસ્ટ કરવામાં આવશે.
આ શો ફેબ્રુઆરીમાં ઓફ એર થઈ જશે
રિપોર્ટ અનુસાર, શો ફેબ્રુઆરીમાં બંધ થઇ જશે. તેજસ્વીના ચાહકો આ સમાચારથી નિરાશ થશે કારણ કે તેઓ ટેલિવિઝન પર તેમના મનપસંદ સ્ટાર્સને જોઈ શકશે નહીં.એવા અહેવાલો છે કે શો નાગિન 7 ના નિર્માતાઓ મોટા ભાગના બિગ બોસ 16 સ્પર્ધકોને કાસ્ટ કરવા માંગે છે. કહેવામાં આવી રહ્યું છે કે મેકર્સ અર્ચના ગૌતમને શોમાં લેવાનું વિચારી રહ્યા છે.
