Allu Arjun Movie: સાઉથ સુપરસ્ટાર અલ્લુ અર્જુનની ફિલ્મ પુષ્પા ધ રાઇઝ બોક્સઓફિસ સહિત વિશ્વભરમાં તાબડતોડ કમાણી કરી હતી. આ ફિલ્મમાં અલ્લુ અર્જુનનો લુક્સ, તેના ડાયલોગ્સ ફેન્સને ખૂબ જ પસંદ આવ્યા હતા. ઈન્ડિયા લેવલ પર રિલીઝ થયેલી આ ફિલ્મને દુનિયાના ખૂણે ખૂણેથી પ્રેક્ષકો તરફથી અપાર પ્રેમ મળ્યો હતો. ત્યારે હવે દર્શકો આ ફિલ્મના બીજા ભાગની આતુરતાથી રાહ જોઈ રહ્યા છે. ત્યારે પુષ્પાની બીજા ભાગ પુષ્પા 2 સંબંઘિત મોટા સમાચાર સામે આવ્યાં છે. જે સાંભળીને દર્શકોને શોક લાગ્શે.
બીજા ભાગ માટે ચાહકોને લાંબી રાહ જોવી પડશે
ફિલ્મ સાથે જોડાયેલા એક સમાચાર ચાહકોને નિરાશ કરી શકે છે. પ્રાપ્ત વિગત અનુસાર, ‘પુષ્પા 2’નું શૂટિંગ 3 મહિનાથી અટકેલું છે. મીડિયા રિપોર્ટ્સ અનુસાર, ‘પુષ્પા 2’નું શૂટિંગ થોડા મહિના પહેલા શરૂ થયું હતું અને મેકર્સે ફિલ્મનો મોટો હિસ્સો શૂટ કર્યો હતો. એક મહિના પહેલા વિઝાગમાં આ ફિલ્મનું મોટા પાયે શૂટિંગ થયું હતું. જોકે, હવે શૂટિંગ બંધ કરી દેવામાં આવ્યું છે.
અલ્લુ અર્જુનના જન્મદિવસ પર ટીઝર રિલીઝ થશે
ડિરેક્ટર સુકુમાર હાલમાં ‘પુષ્પા 2’ના ટીઝર પર કામ કરી રહ્યા છે. આ ટીઝર અલ્લુ અર્જુનના જન્મદિવસ પર રિલીઝ થવાની શક્યતા છે. પરંતુ મીડિયા રિપોર્ટ્સ અનુસાર, સુકુમાર અત્યાર સુધી શૂટ થયેલા સીનથી નાખુશ છે. એવું કહેવામાં આવી રહ્યું છે કે તે ‘પુષ્પા 2’ના તમામ ભાગોને કાઢી નાખવાની યોજના બનાવી રહ્યા છે અને ફરીથી સીન શૂટ કરવામાં આવશે.
દ્રશ્યો અસરકારક દેખાતા નથી
ફિલ્મ સાથે જોડાયેલા એક સૂત્રના જણાવ્યા અનુસાર, સુકુમાર અત્યાર સુધી જે પણ શૂટ કરવામાં આવ્યું છે તેના પર કામ કરવા માંગે છે. તે કલાકારોને ફરીથી તે કન્ટેન્ટ શૂટ કરવા માટે મેળવશે, પરંતુ તે પહેલાં તે વિચારશે કે શું કમી છે, જેના કારણે ફિલ્મના દ્રશ્યો અસરકારક દેખાતા નથી. સુકુમારે આ કામ માટે 3 મહિનાનો સમય લીધો છે. એટલે કે અલ્લુ અર્જુને ‘પુષ્પા 2’ના શૂટિંગ માટે હજુ થોડા મહિના રાહ જોવી પડશે.
આ દરમિયાન, અલ્લુ અર્જુન તેના આગામી પ્રોજેક્ટના શૂટિંગ પર ધ્યાન કેન્દ્રિત કરી શકે છે. સાથે જ રશ્મિકા મંદન્નાએ 2 ફિલ્મો પણ સાઈન કરી છે. હવે ટૂંક સમયમાં તે તેમના માટે શૂટિંગ પણ શરૂ કરશે. ખરેખર, ‘પુષ્પા 2’ ફરી શરૂ થવામાં હજુ 3 મહિનાનો સમય છે અને આ દરમિયાન રશ્મિકા નિષ્ક્રિય બેસી રહેવા માંગતી નથી. હવે અનુમાન લગાવવામાં આવી રહ્યું છે કે જો ‘પુષ્પા 2’ના શૂટિંગમાં વિલંબ થશે તો રિલીઝ પણ આગળ વધી શકે છે.
