ગુજરાતમાં 'સાયબર ક્રાઇમ સિન્ડિકેટ'ના 6 સભ્યોની ધરપકડ, 100 બેંક ખાતાથી 200 કરોડ મોકલ્યા

ગુજરાત પોલીસે સોમવારે જણાવ્યું હતું કે તેમણે સાયબર ક્રાઇમ સિન્ડિકેટમાં કથિત સંડોવણી બદલ ત્રણ અલગ-અલગ જિલ્લાઓમાંથી છ વ્યક્તિઓની ધરપકડ કરી છે, જેમણે 386 કિસ્સાઓમાં 200 કરોડ રૂપિયાની છેતરપિંડી આચરી હતી. આરોપીઓ પર ડિજિટલ ધરપકડ, નાણાકીય છેતરપિંડી અને નોકરી કૌભાંડ સહિતના ગુનાઓ નોંધાયેલા છે.

પોલીસના જણાવ્યા અનુસાર, આ ગ્રુપે કથિત રીતે પૈસા સંગ્રહિત કરવા માટે અનેક ડમી બેંક ખાતાઓ ચલાવ્યા હતા અને તેને દુબઈ, યુએઈમાં લોન્ડરિંગ કર્યું હતું. આ પૈસા કથિત રીતે આંગડિયા ચેનલો દ્વારા ખસેડવામાં આવ્યા હતા અથવા ક્રિપ્ટોકરન્સીમાં રૂપાંતરિત કરવામાં આવ્યા હતા.

સાયબર સેન્ટર ઓફ એક્સેલન્સે મોરબીના મહેન્દ્ર શામજી સોલંકી અને રૂપેન પ્રાણજીવન ભાટિયા, સુરેન્દ્રનગરના રાકેશ કાંતિ લાણીયા અને રાકેશકુમાર ચમન દેકડિયા તેમજ સુરત જિલ્લાના વિજય નાથા ખંભાળિયા અને પંકજ બાબુ કથીરિયાની ધરપકડ કરી હતી. પોલીસે જણાવ્યું કે તેમની પાસેથી 12 મોબાઈલ ફોન અને બે સિમ કાર્ડ પણ જપ્ત કર્યા છે.

આ પણ વાંચો: સુરતમાં લાવારિસ બેગમાં મળ્યો મહિલાનો મૃતદેહ, બંને પગ દોરડાથી બાંધેલા, હાથમાં S નામનું ટેટૂ અને…

પીઆઈ એચજે પરમારે જણાવ્યું હતું કે, છ લોકોએ છેતરપિંડી કરવા માટે લગભગ 100 ડમી બેંક ખાતાઓનો ઉપયોગ કર્યો હોવાનો આરોપ છે. સાયબર સેન્ટર ઓફ એક્સેલન્સના તપાસકર્તાઓએ અનેક સાયબર ક્રાઇમ કેસોના મની ટ્રેલ શોધી કાઢ્યા ત્યારે સિન્ડિકેટની કામગીરીનો "આખો ખેલ" સામે આવ્યો.

તપાસ દરમિયાન તપાસકર્તાઓને જાણવા મળ્યું કે આરોપીઓએ સુરેન્દ્રનગરના લખતરમાં કૃષિ ઉત્પાદન બજાર સમિતિ (APMC) ખાતે એક દુકાન નોંધાવી હતી.