આમ આદમી પાર્ટી (AAP) એ ગુરુવારે એક વીડિયો જાહેર કર્યો જેમાં દિલ્હીના મુખ્યમંત્રી અને પાર્ટીના સુપ્રીમો અરવિંદ કેજરીવાલ ગુજરાતમાં કોંગ્રેસના મતદારોને જૂની પાર્ટીને મત ન આપવા વિનંતી કરતા જોવા મળે છે.
વીડિયોમાં ગુજરાતી કોંગ્રેસ સમર્થકોને કેજરીવાલ ગુજરાતીમાં સંબોધતા બતાવાયા છે: “નમસ્કાર! તમે કેમ છો? માજા મા? શું તમે કોંગ્રેસના સમર્થક છો? તમે હંમેશા કોંગ્રેસને મત આપતા આવો છો, તો મારી તમને એક વિનંતી છે, આ વખતે કોંગ્રેસને મત ન આપો, આમ આદમી પાર્ટીને આપો.
ગુજરાતમાં શાસક ભાજપના મુખ્ય હરીફ તરીકે કોંગ્રેસને બદલવાની માંગ કરતી, AAP રાજ્યના લોકોને કોંગ્રેસને ટેકો આપીને તેમના મતોને “બગાડ” ન કરવા વિનંતી કરી રહી છે, એવો આક્ષેપ છે કે બાદમાં કોંગ્રેસના ધારાસભ્યો ચૂંટાયા પછી પલટી મારશે, અને ભાજપમાં જોડાઈ જશે.
પંજાબના સીએમ અને AAP નેતા, ભગવંત માન, પણ કથિત રીતે કોંગ્રેસ પર પ્રહાર કર્યા હતા, અને કહ્યું પોતાના ધારાસભ્યો ભાજપને વેંચી દેવામાં આવે છે.
આ પણ વાંચો – ગુજરાત ચૂંટણીમાં બળવાખોરોમાં ભાજપના 19 પૂર્વ ધારાસભ્ય, શું BJPની બાજી બગાડશે?
કેજરીવાલ અને માન જેવા AAP ના સ્ટાર પ્રચારકો, જેઓ છેલ્લા ઘણા અઠવાડિયાથી નિયમિતપણે ગુજરાતના પ્રવાસે છે, તેઓએ અત્યાર સુધી “કેમ છો? માજા મા? (તમે કેમ છો? સારા?)” અથવા “તમને ચિંતા કરવાનુ જરુરત નાથી, તમારો ભાઈ આવી ગયો છે, જેવા વન-લાઈનર્સ ગુજરાતી શબ્દોનો પ્રયોગ કરી ગુજરાતીઓને આકર્ષવાનો પ્રયાસ કર્યો છે.
