કચ્છમાં ગમખ્વાર અકસ્માત, ટ્રક સાથે અથડાતા બસનો ભુક્કો બોલાયો, પાંચથી વધુના મોત, 38 ઘાયલ

Kutch Road Accident: શુક્રવારે સવારે કચ્છમાં એક ખાનગી બસ અને ટ્રેલર વચ્ચે ગમખ્વાર સર્જાયો હતો. આ અકસ્માત એટલો ગંભીર હતો કે, બસના ભુક્કા બોલાઈ ગયા હતા. આ ગંભીર માર્ગ અકસ્માતમાં ઘટના સ્થળે જ પાંચથી વધુ લોકોના મોત નિપજ્યા હતા. ત્યાં આ અકસ્માતમાં મૃતકોના શરીરના કેટલાક ભાગ રસ્તા પર જ વિખેરાય ગયા હતા.

પ્રાપ્ત માહિતી અનુસાર, ભુજ પાસે આવેલા માનકુવાના મુન્દ્રા - કેરા રોડ ઉપર બાબીયા ગામ પાસે એક ખાનગી બસ અને ટ્રેલર વચ્ચે ટક્કર થવાને લીધે ગમખ્વાર અકસ્માત સર્જાયો હતો. અકસ્માત બાદ ખાનગી બસનો કુચ્ચો વળી ગયો હતો ત્યાં જ બસમાં સવાર લોકોના શરીરના અંગો રસ્તા પર વેરાયેલા જોવા મળ્યા હતા. હાલમાં પાંચથી વધુ લોકોના મોતના સમાચાર સામે આવી રહ્યા તો આ મૃત્યુઆંકની સંખ્યા વધી પણ શકે છે. હાલમાં પોલીસ અને વહીવટી તંત્ર દ્વારા તાબડતોડ કાર્યવાહી કરવામાં આવી રહી છે.

અકસ્માતમાં ઘાયલો થયેલા લોકરોને હાલમાં ભુજની જી.કે. જનરલ હોસ્પિટલમાં ખસેડવામાં આવી રહ્યા છે. જો કે મૃત્યુ આંક વિષે હજુ સુધી કોઈ સત્તાવાર જાહેરાત કરવામાં આવી નથી. અકસ્માતમાં ઘાયલ થયેલા 38 લોકોને સારવાર માટે હોસ્પિટલમાં ખસેડવામાં આવ્યા છે. આ ઘટનાની જાણ પોલીસ અને 108 ટીમને કરવામાં આવી હતી. જે બાદ એમ્બ્યુલન્સ અને પોલીસનો કાફલો ઘટનાસ્થળે પહોંચી ગયો હતો અને તપાસ આદરી હતી.