ગુજરાત વિધાનસભા ચૂંટણી: આમ આદમી પાર્ટીએ વધુ 12 ઉમેદવારોના નામ જાહેર કર્યા, કોને-કોને મળી ટિકિટ

Gujarat Assembly Elections: આપ દ્વારા અત્યાર સુધીમાં 41 ઉમેદવારોના નામની જાહેરાત કરી દેવામાં આવી છે

Written by Ashish Goyal
October 06, 2022 18:09 IST
ગુજરાત વિધાનસભા ચૂંટણી: આમ આદમી પાર્ટીએ વધુ 12 ઉમેદવારોના નામ જાહેર કર્યા, કોને-કોને મળી ટિકિટ
ગુજરાત આમ આદમી પાર્ટીના પ્રદેશ પ્રમુખ ગોપાલ ઇટાલિયાએ આ યાદી જાહેર કરી

Gujarat Assembly Elections: ગુજરાતમાં વિધાનસભાની ચૂંટણીમાં આમ આદમી પાર્ટીએ તડામાર તૈયારી શરુ કરી દીધી છે. આમ આદમી પાર્ટી દ્વારા આજે વધુ 12 ઉમેદવારોના નામની ઘોષણા કરવામાં આવી છે. ગુજરાત આમ આદમી પાર્ટીના પ્રદેશ પ્રમુખ ગોપાલ ઇટાલિયાએ આ યાદી જાહેર કરી હતી. આ સાથે આપ દ્વારા અત્યાર સુધીમાં 41 ઉમેદવારોના નામની જાહેરાત કરી દેવામાં આવી છે.

ઉમેદવારોની ચોથી યાદી જાહેર કરતાં આપના પ્રદેશ પ્રમુખ ગોપાલ ઈટાલિયાએ કહ્યું કે આ પાર્ટીનું ઐતિહાસિક પગલું છે જેણે ચૂંટણીના મહિનાઓ પહેલા પોતાના ઉમેદવારો જાહેર કર્યા છે. બતાવે છે કે પક્ષ આક્રમક છે અને નિર્ણય લેવામાં સક્ષમ છે. પાર્ટીએ રાજ્યમાં તેની મજબૂત હાજરી નોંધાવી છે, જ્યાં એક તરફ ભ્રષ્ટ ભાજપ છે અને બીજી બાજુ પતન થયેલ કોંગ્રેસ છે.

આ પણ વાંચો – બાપ રે, આટલો ડર, અરવિંદ કેજરીવાલે કર્યો બીજેપી પર પ્રહાર

આ 12 ઉમેદવારોને મળી ટિકિટ

હિંમતનગરથી નિર્મલસિંહ પરમાર, ગાંધીનગર સાઉથથી દોલત પટેલ, સાણંદથી કુલદીપ વાઘેલા, વટવાથી બિપીન પટેલ, અમરાઈવાડીથી ભરતભાઈ પટેલ, કેશોદથી રામજીભાઈ ચુડાસમા, ઠાસરાથી નટવરસિંહ રાઠોડ, શેહરાથી તખ્તસિંગ સોલંકી, કાલોલથી (પંચમહાલ) દિનેશ બારીયા, ગરબાડાથી શૈલેશ કનુભાઈ ભાભોર, લિંબાયતથી પંકજ તાયડે અને ગણદેવીથી પંકજ પટેલના નામની જાહેરાત કરવામાં આવી છે.

આ 12 ઉમેદવારો સાથે આમ આદમી પાર્ટી દ્વારા અત્યાર સુધીમાં 41 ઉમેદવારોના નામની જાહેરાત કરી દેવામાં આવી છે.

Read More
આજના લેટેસ્ટ ગુજરાતી સમાચાર અને ટ્રેન્ડિંગ ન્યૂઝ વાંચો ઈન્ડિયન એક્સપ્રેસ ગુજરાતી પર. અહીં તમને મળશે ગુજરાત, સ્પોર્ટ્સ, ધર્મ, વેપાર, લાઇફ સ્ટાઇલ, મનોરંજન, કરિયર તેમજ ભારત અને વિશ્વભરના દૈનિક સમાચાર અપડેટ્સ ગુજરાતી ભાષામાં.
Loading...
ચેનલ JOIN કરો Follow us Shorts ટોપ ન્યૂઝ