Gujarat Road Accidents: ગુજરાતમાં સતત માર્ગ અકસ્માતની ઘટનાઓ સમાચારોમાં આવતી રહે છે. ક્યાંક બેફામ કારચાલકો હીટ એન્ડ રન કરી ફરાર થઈ જાય છે તો ક્યાંક વાહનાલકોની બેદરકારીના કારણે માસુમ લોકોના મોત થાય છે. ગુજરાત પોલીસ સતત વાહનચાલકોને સુરક્ષાના માપદંડોથી અવગત કરાવે છે છતા રાજ્યમાં અકસ્માતોની હારમાળા સર્જાતી રહે છે ત્યારે ગુજરાત સરકાર તરફથી વર્ષ 2018 થી 2022 દરમિયાન થયેલા માર્ગ અકસ્માતના અંકડા જાહેર કર્યા છે.
ગુજરાતમાં સર્તાજા અકસ્માતોની વાત કરીએ તો રાજ્યમાં વર્ષ 2018 થી 2022 દરમિયાનનાં 5 વર્ષમાં 36,626 વ્યક્તિએ માર્ગ અકસ્માતમાં જીવ ગુમાવ્યો છે. જેમાંથી 10,801 લોકોએ હેલ્મેટ અને 5,177 લોકોએ કારમાં સીટ બેલ્ટ નહીં પહેર્યો હોવાનું સામે આવ્યું છે.
રાજ્યમાં માર્ગ અકસ્માતોના કેસ સતત વધી રહ્યા છે. એવામાં સરકાર તરફથી આપવામાં આવેલા માર્ગ અકસ્માતના આ અંકડા સૌ કોઈને ચોંકાવી રહ્યા છે. ગુજરાતમાં પાંચ વર્ષમાં 80,150 માર્ગ અકસ્માત થયા છે અને તેમાં 36626 વ્યક્તિના મૃત્યુ થયા છે. માર્ગ અકસ્માત બાદ મૃત્યુ માટે હેલ્મેટ, સીટ બેલ્ટ ન પહેરવું તે મુખ્ય કારણ સામે આવ્યું છે. હેલ્મેટ-સીટ બેલ્ટ નહીં પહેરવાથી પાંચ વર્ષમાં 15,978 લોકોના મોત થયા છે. આ ઉપરાંત ઓવરસ્પીડથી પણ માર્ગ અકસ્માતના કેસ વધી રહ્યા છે.
આ પણ વાંચો: ખેડામાં મેઘાની ધબધબાટી, નડિયાદમાં 10.43 ઈંચ ખાબક્યો
2 હજારથી વધુ લોકો ઓવરસ્પીડના કારણે મોતને ભેટ્યા
ઓવરસ્પીડથી 4,685 અકસ્માત થયા છે અને તેમાં 2,342 વ્યક્તિએ જીવ ગુમાવ્યો છે. આ ઉપરાંત પાંચ વર્ષમાં માર્ગ અકસ્માત થયો ત્યારે 4,915 લોકો પાસે લાયસન્સ જ નહીં હોવાનું સામે આવ્યું છે. ત્યાં જ ઓવરલોડથી પાંચ વર્ષમાં 2,342 લોકોના મોત થયા છે. માર્ગ અકસ્માતના આ તમામ આંકડાં 2018 થી 2022 સુધીના છે. ત્યારબાદ સરકાર દ્વારા માર્ગ અકસ્માત કે એનસીઆરબીના આંકડા જાહેર કરવાની કોઈ તસ્દી લેવામાં આવી નથી.
