સુરતમાં મહિલાએ વારંવાર ડોરબેલ વગાડીને ભાગી જનારા બાળકને થપ્પડો માર્યા, મામલો પોલીસ સ્ટેશન પહોંચતા માફી માંગી

શનિવારે સાંજે એક મહિલાએ એક સગીર બાળકને થપ્પડ મારવા અને તેના એપાર્ટમેન્ટ બિલ્ડિંગના પાર્કિંગ એરિયાના ફ્લોર પર લઈ જવા બદલ તેની ધરપકડ કરવામાં આવી હતી. સુરત પોલીસના જણાવ્યા અનુસાર, મહિલાની ધરપકડ એટલા માટે કરવામાં આવી હતી કારણ કે તેણે એક સગીર છોકરાને એટલા માટે માર માર્યો હતો કે તે ફ્લેટની ડોરબેલ ઘણી વખત દબાવીને ભાગી જતો હતો .

એક વીડિયો જેમાં મહિલા કથિત રીતે છોકરાને ખેંચીને લઈ જતી જોવા મળે છે તે ઓનલાઈન સામે આવ્યો હતો અને તેના પિતાએ બાદમાં પોલીસ ફરિયાદ નોંધાવી હતી.

સૂત્રોના જણાવ્યા અનુસાર, આરોપી તેના એપાર્ટમેન્ટ બિલ્ડિંગના પહેલા માળે રહે છે. રવિવારે સાંજે તે તેના ફ્લેટમાં એકલી હતી અને ઘરના કામમાં વ્યસ્ત હતી ત્યારે તેણે ડોરબેલનો અવાજ સાંભળ્યો. જ્યારે તેણે દરવાજો ખોલ્યો ત્યારે તેને બહાર કોઈ નહોતું. થોડીવાર પછી ફરીથી કોઈએ તેના ફ્લેટની ડોરબેલ દબાવી અને તેણે ફરીથી દરવાજો ખોલ્યો પણ કોઈ નોહતું. આવું પાંચ વખત થયું અને પછી તે દરવાજા પાસે રહી અને એક સગીર છોકરાને ડોરબેલ દબાવતો અને પાર્કિંગ એરિયા તરફ દોડતો જોયો હતો.

સૂત્રોએ જણાવ્યું હતું કે તેણીએ પાર્કિંગ એરિયામાં અન્ય છોકરાઓ સાથે રમતા છોકરાને પકડી લીધો હતો. તેણીએ કથિત રીતે છોકરાને પાર્કિંગ એરિયાના ફ્લોર પર ખેંચી લીધો અને તેને ઘણી વાર થપ્પડો માર્યા અને બાદમાં ત્યાં રમતા બધા બાળકોને ડોરબેલ ના વગાડવા ચેતવણી આપી હતી.

આ દિગ્ગજ કંપની ગુજરાતમાં ખરીદશે ₹4,960 કરોડની જમીન, બોર્ડે આપી મંજૂરી; જાણો તમામ વિગતો

રવિવારે મોડી રાત્રે છોકરાના પિતા ઘરે પાછા ફર્યા અને તેમને ઘટનાની જાણ થઈ. તેમણે પાર્કિંગ એરિયાના સીસીટીવી ફૂટેજ તપાસ્યા અને આ મુદ્દા પર મહિલા સાથે રકઝક કરી હતી. જોકે બાદમાં મહિલા તેમના પુત્રને સારવાર માટે નજીકની હોસ્પિટલમાં પણ લઈ ગઈ હતી. જે બાદ રવિવારે છોકરાના પિતાએ પોલીસ ફરિયાદ નોંધાવી હતી.

એક વરિષ્ઠ પોલીસ અધિકારીએ જણાવ્યું કે, "છોકરાની હાલત સ્થિર છે... તેના શરીર પર ઉઝરડા છે." તેમણે ઉમેર્યું કે, "મહિલાએ અમારી સમક્ષ માફી માંગી અને અમે સોશિયલ મીડિયા પ્લેટફોર્મ પર એક વીડિયો અપલોડ કર્યો છે. તેમાં તેણીએ લોકોને આવું કૃત્યો ન કરવાની અપીલ કરી છે, અને કહ્યું કે તે આવી ભૂલો ફરીથી નહીં કરે."