રાહુલ ગાંધી મિશન 2027 માટે ગુજરાતમાં, અમદાવાદ પહોંચતા જ ધડાધડ મિટિંગો કરી

Rahul Gandhi Gujarat Visit: કોંગ્રેસ નેતા રાહુલ ગાંધી શુક્રવારથી અમદાવાદની બે દિવસની મુલાકાતે આવી પહોંચ્યા છે. આ દરમિયાન તેઓ 2027ની ગુજરાત વિધાનસભા ચૂંટણીને ધ્યાનમાં રાખીને પાર્ટીના નેતાઓ અને અધિકારીઓ સાથે બેઠકો કરી રહ્યા છે. કોંગ્રેસે એક નિવેદન બહાર પાડીને કહ્યું કે રાહુલ ગાંધીએ અગાઉ કહ્યું હતું કે પાર્ટી 2027ની ગુજરાત વિધાનસભા ચૂંટણી જીતશે અને તેઓ આગામી વિધાનસભા ચૂંટણી લડવાનું કામ શરૂ કરવા માટે રાજ્યમાં આવ્યા છે.

રાહુલ ગાંધીનો સંપૂર્ણ કાર્યક્રમ

પાર્ટી દ્વારા જાહેર કરાયેલા રાહુલના પ્રવાસ કાર્યક્રમ મુજબ, તેઓ શુક્રવારે સવારે પાર્ટીના ભૂતપૂર્વ પ્રદેશ પ્રમુખો અને ભૂતપૂર્વ વિપક્ષી નેતાઓ સાથે બેઠક કરશે. તેઓ રાજ્ય રાજકીય બાબતો સમિતિ (પક્ષ સંબંધિત) સાથે પણ બેઠક કરી છે. પ્રવાસ કાર્યક્રમ મુજબ, લોકસભામાં વિરોધ પક્ષના નેતા ગાંધી સાંજે કોંગ્રેસના જિલ્લા અને શહેર પ્રમુખો તેમજ તાલુકા અને નગરપાલિકાના વડાઓને મળ્યા હતા અને તેમની સાથે ચર્ચા કરી હતી. ત્યાં જ આજના એક દિવસમાં રાહુલ ગાંધીએ રાજ્યની પોલિટિકલ અફેર કમિટીમાં ચર્ચા કરી હતી. જે પહેલા તેમણે ગુજરાત પ્રદેશ કોંગ્રેસ સમિતિના વરિષ્ઠ નેતાઓ સાથે મહત્વપૂર્ણ બેઠક યોજી હતી. તેઓ સાંજે 5 થી 7 વાગ્યા સુધી સામાજિક સંગઠનોના પ્રતિનિધિઓ સાથે વાર્તાલાપ કરશે.

8 માર્ચનો કાર્યક્ર

સવારે 10:30 થી 12:30 વાગ્યા સુધી પાર્ટીના નેતાઓ સાથે બેઠક કરશે. સ્થાનિક સંસ્થા ચૂંટણી કાર્યકરો અને ભૂતપૂર્વ ઉમેદવારો સાથે પણ બેઠકો કરશે. ત્યારબાદ બપોરે 1:45 વાગ્યે, અમદાવાદથી દિલ્હી જવા રવાના થશે.

8-9 એપ્રિલે અમદાવાદમાં કોંગ્રેસની બેઠક

કોંગ્રેસ 8 અને 9 એપ્રિલના રોજ અમદાવાદમાં એક બેઠક યોજશે. આ બેઠકની તૈયારીઓની સમીક્ષા કરવા માટે પાર્ટીના મહાસચિવ કે.સી. વેણુગોપાલ ગયા મંગળવારે ગુજરાતની મુલાકાતે આવ્યા હતા. ગુજરાતમાં 2022ની વિધાનસભા ચૂંટણીમાં કોંગ્રેસે કુલ 182 બેઠકોમાંથી 17 બેઠકો જીતી હતી. પરંતુ પાંચ ધારાસભ્યોના રાજીનામા બાદ ગૃહમાં પાર્ટીના ધારાસભ્યોની સંખ્યા ઘટીને 12 થઈ ગઈ.