તેજસ્વી યાદવની પત્નીની 'જર્સી ગાય' સાથે સરખામણી કરી, RJD ધારાસભ્યના પતિના નિવેદનને લઈ વિવાદ

Bihar Politics: બિહાર વિધાનસભા ચૂંટણી પહેલા નેતાઓ રાજકીય નિવેદનબાજીમાં સતત ભાષાકીય મર્યાદા ઓળંગી રહ્યા છે અને હવે ભૂતપૂર્વ ધારાસભ્ય અને RJD નેતા રાજવલ્લભ યાદવે તેજસ્વી યાદવની પત્ની વિશે વિવાદાસ્પદ નિવેદન આપ્યું છે. તેમણે તેજસ્વી યાદવની પત્નીની સરખામણી જર્સી ગાય સાથે કરી છે. તમને જણાવી દઈએ કે રાજવલ્લભ યાદવ પણ RJD ધારાસભ્યના પતિ પણ છે, જેના કારણે વિવાદ વધ્યો છે.

તમને જણાવી દઈએ કે રાજવલ્લભ યાદવે નારદીગંજમાં એક જાહેર સભાને સંબોધતી વખતે વિવાદાસ્પદ નિવેદન આપ્યું હતું. તેમણે તેજસ્વીના લગ્ન અંગે પ્રશ્નો ઉઠાવ્યા હતા અને તેમની પત્નીની સરખામણી 'જર્સી ગાય' સાથે કરી હતી. તેમના નિવેદનથી માત્ર નવાદામાં જ નહીં પરંતુ સમગ્ર બિહારમાં રાજકીય હોબાળો મચી ગયો છે. RJD નેતાઓએ તેને મહિલા સમાજનું અપમાન ગણાવીને આકરી પ્રતિક્રિયા આપી છે અને રાજવલ્લભ યાદવને ફરીથી જેલમાં મોકલવાની માંગ કરી છે.

તેજસ્વી પર મોટો હુમલો

રાજવલ્લભ યાદવે પોતાની સભામાં કહ્યું હતું કે તેજસ્વી યાદવ હંમેશા જાતિ વિશે વાત કરે છે પરંતુ તેમણે પોતે યાદવ છોકરી સાથે લગ્ન કર્યા નથી. જો તેમણે આવું કર્યું હોત તો યાદવ સમુદાયની પુત્રીને ફાયદો થયો હોત. પૂર્વ આરજેડી ધારાસભ્યએ એમ પણ કહ્યું હતું કે તેજસ્વી યાદવ હરિયાણા-પંજાબથી 'જર્સી ગાય' લાવ્યા છે. રાજવલ્લભ યાદવના આ નિવેદનથી રાજકીય ગલિયારામાં ખળભળાટ મચી ગયો છે.

આ પણ વાંચો: રાજ્યમાં 221 તાલુકામાં મેઘમહેર, બનાસકાંઠાના સૂઈગામમાં સૌથી વધુ 11.93 ઇંચ

તેજપ્રતાપ યાદવ વિશે પણ આવું કહ્યું

રાજવલ્લભ યાદવે કહ્યું હતું કે તેજસ્વી યાદવ ફક્ત યાદવ મતો માટે જાતિ વિશે વાત કરે છે. તેમણે તેજસ્વીની પત્ની રાજશ્રી હરિયાણાની હોવાનો ઉલ્લેખ કરીને વાંધાજનક ટિપ્પણી કરી હતી. આ સાથે રાજવલ્લભે તેજપ્રતાપ યાદવના છૂટાછેડાનો પણ ઉલ્લેખ કર્યો હતો. તેજપ્રતાપનું નામ લીધા વિના તેમણે કહ્યું હતું કે જો કોઈએ કર્યું હોય તો તેને ભગાડી દેવામાં આવે છે.

આરજેડી નેતાએ નિવેદનની નિંદા કરી હતી

આરજેડીના પૂર્વ ધારાસભ્ય કૌશલ યાદવે વિભા દેવીના પતિ અને પૂર્વ રાજ્યમંત્રી રાજવલ્લભ યાદવના વિવાદાસ્પદ નિવેદન પર તીવ્ર પ્રતિક્રિયા આપી હતી. કૌશલ યાદવે કહ્યું કે રાજવલ્લભ યાદવે લાલુ પરિવાર અંગે આપેલું વાંધાજનક નિવેદન યોગ્ય નથી. રાજવલ્લભ યાદવે તેજસ્વી યાદવની પત્ની પર અયોગ્ય ટિપ્પણીઓ કરી છે.