અરે વાહ! ગુજરાતના દરિયામાં ડોલ્ફિનની સંખ્યા વધી, દેશી-વિદેશી પ્રવાસીઓ માટે બની આકર્ષણનું કેન્દ્ર

Gujarat Tourism: ગુજરાતના દરિયાકાંઠે ડોલ્ફિનની વસ્તી 680 નોંધાઈ છે. ગુજરાત ફોરેસ્ટ ડિપાર્ટમેન્ટ દ્વારા કરવામાં આવેલી ગણતરી મુજબ, રાજ્યના 4,087 ચોરસ કિલોમીટરના દરિયાઈ વિસ્તારમાં લગભગ 680 ડોલ્ફિન નોંધાઈ છે.

જેમાં સૌથી વધુ 498 ડોલ્ફિન ઓખાથી નવલખી સુધી વિસ્તરેલા મરીન નેશનલ પાર્ક અને મરીન સેન્ચ્યુરી વિસ્તારમાં હોવાની શક્યતા છે. દર વર્ષની જેમ આ વર્ષે પણ ગુજરાતના દરિયામાં ડોલ્ફિનની ગણતરી કરવામાં આવી હતી.

ગુજરાતનો દરિયો ડોલ્ફિનનું 'ઘર' છે.

• ગુજરાતના 4,087 ચોરસ કિલોમીટરના દરિયાઈ વિસ્તારમાં લગભગ 680 ડોલ્ફિન નોંધાઈ છે.
• ભારતના અને વિદેશી પ્રવાસીઓ માટે ડોલ્ફિન એક નવું આકર્ષણ બની ગયું છે.
• વૈજ્ઞાનિકો, નિરીક્ષકો, ક્ષેત્ર સહાયકો સહિત 47 નિષ્ણાતો ગણતરી કરવામાં સામેલ રહ્યા હતા.

અન્ય વિસ્તારોની વાત કરીએ તો, કચ્છના અખાતના ઉત્તર ભાગમાં, કચ્છ વર્તુળ હેઠળના 1,821 ચોરસ કિલોમીટરમાં 168 ડોલ્ફિન, ભાવનગરમાં 10 અને મોરબીના દરિયાકાંઠાના વિસ્તારોમાં 4 ડોલ્ફિન જોવા મળી છે. તે દેશી-વિદેશી પ્રવાસીઓ માટે આકર્ષણનું કેન્દ્ર બની રહ્યું છે. વન વિભાગ અને વિવિધ સંસ્થાઓ દ્વારા હાથ ધરાયેલી આ વસ્તી ગણતરીમાં વૈજ્ઞાનિકો, નિરીક્ષકો, ક્ષેત્ર સહાયકો સહિત 47 નિષ્ણાતોએ ભાગ લીધો હતો.

ગુજરાતના આ દરિયામાં ડોલ્ફિનની સૌથી વધુ સંખ્યા છે

ઓખાથી નવલખી સુધી વિસ્તરેલા મરીન નેશનલ પાર્ક અને દરિયાઈ અભયારણ્યના વિસ્તારમાં 498ની વસ્તી સાથે ડોલ્ફિનની સૌથી વધુ સંખ્યા હોવાનું માનવામાં આવે છે. કચ્છના અખાતના ઉત્તર ભાગમાં, કચ્છ વર્તુળ હેઠળના 1,821 ચોરસ કિલોમીટરના વિસ્તારમાં 168 વિસ્તારોમાં ડોલ્ફિન મળી આવી હતી. ભાવનગરમાં 10 અને મોરબીમાં 4 ડોલ્ફીન જોવા મળી હતી.