VIDEO: વલસાડમાં બની ભયાક ઘટના; લિફ્ટમાં ટેકનિકલ ખામી સર્જાતા વ્યક્તિને થયો મોતનો અનુભવ

વલસાડથી એક ભયાનક વીડિયો સામે આવ્યો છે. શહેરના એક પોશ વિસ્તારમાં આવેલી રહેણાંક ઇમારતની લિફ્ટના સીસીટીવી ફૂટેજમાં એક માણસ લિફ્ટમાં ચઢતો દેખાય છે. પોતાના ફ્લોર પર પહોંચતાની સાથે જ વ્યક્તિ બહાર નીકળવાનો પ્રયાસ કરે છે. જોકે જેવો વ્યક્તિ પોતાનો પગ લિફ્ટમાંથી બહાર નીકાળે છે, તે અચાનક હલવા લાગે છે અને તે વ્યક્તિ પોતાને સંભાળવા માટે નીચે નમી જાય છે, પરંતુ શું થઈ રહ્યું છે તે સમજાય તે પહેલાં જ લિફ્ટમાંથી બહાર નીકળી જાય છે. આ ઘટના એટલી ઝડપથી બને છે કે વીડિયો જોતા પણ વિશ્વાસ કરવો મુશ્કેલ બનશે. જોકે તે વ્યક્તિ ચમત્કારિક રીતે અકસ્માતમાંથી બચી ગયો.

અહેવાલો અનુસાર, આ ઘટના મંગળવારે બપોરે વલસાડ શહેરના પોશ વિસ્તાર તિથલ રોડ પર સરદાર હાઇટ્સની સાબરમતી બિલ્ડિંગમાં બની હતી. આ સમય દરમિયાન ટેકનિકલ ખામીને કારણે બિલ્ડિંગની લિફ્ટ અચાનક ઉપર તરફ જવા લાગે છે, અને એક પગ દરવાજાની બહાર હોવાથી તે વ્યક્તિનો જીવ જોખમમાં મુકાઈ જાય છે. જોકે સદનસીબે તેનો જીવ બચી ગયો છે.

https://x.com/DRakesh1011/status/2028986320731947344

લિફ્ટના સીસીટીવી ફૂટેજમાં શું દેખાયું?

આ ઘટનાના સીસીટીવી ફૂટેજમાં એક વ્યક્તિ સવારે 7:22 વાગ્યે લિફ્ટમાં પ્રવેશ કરે છે અને પછી લિફ્ટનું બટન દબાવતો દેખાય છે. ત્યારબાદ તે લિફ્ટના દરવાજા પાસે ઉભો રહે છે, તેના ફ્લોરની રાહ જુએ છે. 7:23:24 વાગ્યે તેના ફ્લોર પર પહોંચતાની સાથે જ લિફ્ટનો દરવાજો ખુલે છે અને તે તરત જ બહાર નીકળવા માટે પોતાનો પગ લંબાવે છે. જોકે દરવાજો ખુલ્યાના એક સેકન્ડ કરતાં પણ ઓછા સમયમાં લિફ્ટ ખૂબ જ ઝડપથી ઉપર તરફ જવાનું શરૂ કરે છે, જે માણસનું માથું ઉપરના માળે અથડાય છે, જેના કારણે તે ફ્લોર પર પડી જાય છે. ત્રણ સેકન્ડ પછી લિફ્ટ ઉપરના માળે અટકી જાય છે.

ઇરાન-ઇઝરાયેલ યુદ્ધના કારણે દુબઈમાં ફસાયા 200થી વધુ ગુજરાતીઓ, વિમાનના ભાડા 28,000 થી વધીને 1 લાખ રૂપિયા થયું

વલસાડના તિથલ રોડ પર મુખ્યમંત્રી આવાસ યોજના હેઠળ બનેલી સરદાર હાઇટ્સ બિલ્ડિંગમાં આ ઘટના બની હતી. આ અંગે માહિતી આપતા સોસાયટીના ચેરમેને મીડિયાને જણાવ્યું હતું કે આ બિલ્ડિંગમાં કુલ 14 માળ છે, જેના માટે હાઇ-ટેક લિફ્ટ લગાવવામાં આવી છે. તેનું જાળવણીનું કામ ઓમેગા કંપની દ્વારા કરવામાં આવે છે. બે દિવસ પહેલા ઓમેગા કંપનીના લોકો આ લિફ્ટમાં લાઇટ અને પંખા સાથે સમસ્યા દૂર કરવા આવ્યા હતા અને તેને ઠીક કરી હતી. આજે અચાનક ટેકનિકલ ખામી સર્જાઈ હતી જેના કારણે આ અકસ્માત થયો હતો. તેમણે કહ્યું કે દરવાજો ખુલ્લો હોવા છતાં લિફ્ટ ચાલવા લાગી.