નવસારી: ખેતરમાં મધમાખીઓએ 62 વર્ષીય મહિલા પર હુમલો કર્યો; ડોક્ટરોએ લગભગ 200 કાંટા કાઢ્યા

ગુજરાતના નવસારી જિલ્લાના વાંસદા તાલુકામાં રવિવારે મધમાખીઓના ટોળાએ ખેતરમાં કામ કરતી 62 વર્ષીય મહિલા પર હુમલો કર્યો હતો. જે બાદ ડોક્ટરોએ તેમના શરીરમાંથી મધમાખીના ડંખના 200 જેટલા કાંટા કાઢ્યા હકા.

વાંસદા તાલુકાના રૂપવેલ ગામના પટેલ ફળીયામાં રહેતા શાંતાબેન વેંજી કુનબી નામની મહિલા પર મધમાખીઓએ હુમલો કર્યો હતો, જ્યારે તે ગામની સીમમાં પોતાના ખેતરોમાં ઝાડીઓ કાપી રહ્યા હતા. તેમણે મદદ માટે બૂમો પાડી, લગભગ 200 મીટર દૂર દોડ્યા અને નજીકના ખેતરમાં પહોંચ્યા. ત્યાં કામદારોએ તેમના શરીરમાંથી મધમાખીઓ કાઢવામાં મદદ કરી અને તેને કપડાથી ઢાંકી દીધા. ગામના સરપંચ અને અન્ય લોકો તેમને નજીકના પ્રતાપગઢ ગામની એક ખાનગી હોસ્પિટલમાં લઈ ગયા, જ્યાં ડોક્ટરોની એક ટીમે તેમના શરીરમાંથી ડંખ દૂર કર્યા.

શ્રી હોસ્પિટલના ડૉ. લોચન શાસ્ત્રીએ ધ ઇન્ડિયન એક્સપ્રેસ સાથે વાત કરતા જણાવ્યું હતું કે, "શાંતાબેનની હાલત હવે સ્થિર છે, પરંતુ તેમની સારવાર હજુ પણ ચાલી રહી છે. અમે તેમના શરીરમાંથી કાંટા કાઢી નાખ્યા છે. તેમના માથા સહિત શરીરના દરેક ભાગમાં ડંખની ઇજા થઈ હતી."

આ પણ વાંચો: આ નવરાત્રી ગરબામાં ડેનિમ જીન્સ પર ગુજરાતી ભરતકામનો નવો ટ્રેન્ડ અજમાવો

શાસ્ત્રીએ જણાવ્યું હતું કે જો મધમાખીના હુમલા પછી સમયસર સારવાર ન આપવામાં આવે તો અસરગ્રસ્ત વ્યક્તિનું મૃત્યુ થઈ શકે છે. "ડંખને કારણે તેમનું શરીર સૂજી ગયું હતું. આ વર્ષની પાંચમી ઘટના છે જેમાં રૂપવેલ ગામથી કોઈ વ્યક્તિ ડંખની સારવાર માટે અમારી પાસે આવ્યા છે. ખેતરોની સીમમાં ઝાડ પર ઘણા મધમાખીના પુડા છે."