રાત્રે ચેહરા પર આ રીતે લગાવો બદામનું તેલ, સવારે ચમકી ઉઠશે તમારી ત્વચા

Skin Care Oil: બદામનું તેલ વિટામીન ઇથી ભરપૂર હોય છે જે ત્વચાને નુકસાન પહોંચાડતા ફ્રી રેડિકલ્સને દૂર કરે છે. આ સિવાય બદામના તેલમાં રહેલુ ફેટી એસિડ ત્વચાની ડ્રાયનેસ દૂર કરે છે. અસંખ્ય ગુણધર્મોથી ભરપૂર, બદામ ખાવામાં સ્વાદિષ્ટ જ નથી, પણ ત્વચા માટે પણ ઉપયોગી છે. શિયાળો હોય કે ઉનાળો હોય કે વરસાદ, દરરોજ સૂતા પહેલા બદામના તેલથી ચેહરા પર માલિશ કરવાથી ત્વચાની ઘણી સમસ્યાઓ દૂર થાય છે. તે ત્વચાના ડાઘ દૂર કરે છે સાથે-સાથે ચહેરાને ચમકદાર બનાવે છે.

બદામના તેલમાં જોવા મળતા તત્વો

બદામના તેલમાં વિટામિન A, E, D, કેલ્શિયમ, પોટેશિયમ, ઝિંક, આયર્ન, મેંગેનીઝ, ફોસ્ફરસ અને ઓમેગા-3 ફેટી એસિડ ભરપૂર માત્રામાં હોય છે. બદામના તેલના આ બધા ગુણો ત્વચાની સમસ્યાઓ માટે ઉત્તમ ઉપચાર છે.

આ 2 રીતે ઉપયોગ કરો

પ્રથમ રીત - બદામના તેલને કોઈપણ મોઇશ્ચરાઇઝિંગ લોશન સાથે મિક્સ કરો અને તેને ચહેરા પર લગાવો. રાત્રે સૂતા પહેલા બદામનું તેલ લગાવવાથી ત્વચા ચમકદાર બને છે.

આ પણ વાંચો: જાણો ફાલસા અને જાંબુ ખાવાના ફાયદા, સ્વાસ્થ્ય માટે વધુ ફાયદાકાર કયું ફળ?

બીજી રીત - રાત્રે સૂતા પહેલા બદામના તેલથી ચેહરા પર માલિશ કરો. તમારા હાથ પર તેલના થોડા ટીપાં લો અને તમારા હથેળીઓને એકબીજા સાથે ઘસો જેથી તેલ થોડું ગરમ ​​થઈ જાય. હવે તેને તમારા આખા ચહેરા પર લગાવો અને હળવા હાથે માલિશ કરો.

આ પણ વાંચો: જાણો ફાલસા અને જાંબુ ખાવાના ફાયદા, સ્વાસ્થ્ય માટે વધુ ફાયદાકાર કયું ફળ?

બદામનું તેલ ચહેરા પર લગાવવાના ફાયદા

ફાયદો 1 - કરચલીઓ દૂર કરે છે

બદામનું તેલ ત્વચા પરથી કરચલીઓ દૂર કરવામાં મદદરૂપ થાય છે, કારણ કે આ તેલમાં હાજર વિટામિન E ત્વચા પરની કરચલીઓ દૂર કરે છે. આ જ કારણ છે કે તે વધતી ઉંમરને છુપાવવામાં મહત્વપૂર્ણ ભૂમિકા ભજવે છે.

ફાયદો 2 - સુંદરતા વધારવામાં અસરકારક

બદામનું તેલ એક કુદરતી મોઇશ્ચરાઇઝર છે જે શુષ્ક અને સંવેદનશીલ ત્વચાને હાઇડ્રેટેડ રાખે છે, ખાસ કરીને શિયાળાની સૂકી હવામાં, તે ત્વચાને નુકસાન થવા દેતું નથી.