દાઢી અને મૂછની યોગ્ય સફાઇ કેવી રીતે કરવી? આ 3 સરળ ટિપ્સથી મળશે પરફેક્ટ લુક

best way to clean your beard and mustache : આજના સમયમાં દાઢી અને મૂછો રાખવી એ ફેશન અને પર્સનાલિટીનો એક મહત્વપૂર્ણ ભાગ બની ગયો છે. જોકે માત્ર દાઢી વધારે દેવી પૂરતી નથી. એટલું જ મહત્વનું તેની યોગ્ય સફાઈ અને સંભાળ છે. ઘણી વખત જો તેની યોગ્ય કાળજી લેવામાં ન આવે તો દાઢી નિર્જીવ, શુષ્ક અને ખરાબ દેખાવવા લાગે છે, જેનાથી આખો લૂક ખરાબ થઇ શકે છે.

આવી સ્થિતિમાં જો તમે પણ દાઢી અને મૂછો રાખી રહ્યા છો અથવા બિયર્ડ દાઢી કરવાનું વિચારી રહ્યા છો તો કેટલીક સરળ આદતો અપનાવીને તમે તમારી દાઢીને ક્લિન, સોફ્ટ અને સ્ટાઇલિશ બનાવી શકો છો.

યોગ્ય શેમ્પૂનો ઉપયોગ કરો

દાઢી સાફ કરવા માટે સૌથી અગત્યની બાબત એ છે કે યોગ્ય શેમ્પૂ પસંદ કરો. દાઢીમાં ધૂળ, પરસેવો અને ઓઈલ ઝડપથી જમા થઇ જાય છે, જેના કારણે ખંજવાળ અને દુર્ગંધની સમસ્યા થાય છે. આ કિસ્સામાં અઠવાડિયામાં 2-3 વખત શેમ્પૂથી દાઢી સાફ કરવી જરૂરી છે. જો તમે બહાર કામ કરો છો અથવા ખૂબ પરસેવો પાડો છો તો તમે દર બીજા દિવસે શેમ્પૂ કરી શકો છો. જોકે દાઢીમાં માથાના વાળવાળા શેમ્પૂનો ઉપયોગ ન કરવો જોઈએ.

કન્ડિશનર લગાવો

શેમ્પૂ કર્યા પછી દાઢી પર કન્ડિશનર લગાવવું ખૂબ જ જરૂરી છે. દાઢીના વાળ સામાન્ય રીતે જાડા અને રફ હોય છે, તેથી કન્ડિશનર તેને નરમ બનાવે છે. કન્ડિશનર લગાવવાથી દાઢી સરળતાથી સેટ થઈ જાય છે અને ગૂંચવાઈ જતી નથી. દાઢી પર કન્ડિશનર લગાવ્યા બાદ તેને 2-3 મિનિટ સુધી આ રીતે રહેવા દો. આ પછી ચોખ્ખા પાણીથી ધોઈ લો.

આ પણ વાંચો - બાયસેપ્સ બનાવવા અને મસલ્સ ગ્રોથ માટે શું ખાવું જોઈએ? 

દાઢીના પીળા દાગ કેવી રીતે દૂર કરવા?

ઘણી વખત ધૂમ્રપાન અથવા ખાવા-પીવાના કારણે દાઢીમાં પીળા અથવા કાળા ડાઘ દેખાય છે. આવા ડાઘ કેટલીકવાર સરળતાથી દૂર પણ થતા નથી. તમે તેને દૂર કરવા માટે બેકિંગ સોડાનો ઉપયોગ કરી શકો છો. આ માટે 4 ચમચી નવશેકા પાણીમાં 2 ચમચી બેકિંગ સોડા મિક્સ કરી પેસ્ટ બનાવો. આ પેસ્ટને દાઢી પર લગાવો અને તેને લગભગ અડધો કલાક માટે છોડી દો અને પછી તેને સ્વચ્છ પાણીથી ધોઈ લો.