તમે વ્યક્તિઓને ગુરુદ્વારામાં પણ જોયા જ હશે, જે કાળઝાળ ગરમીમાં ‘છબીલ’, એક તાજું ગુલાબી રંગનું શરબત અથવા પીણું આપે છે. પરંતુ શું તમે ક્યારેય તેના મહત્વ વિશે વિચાર્યું છે અને તે ઉનાળાના મહિનાઓમાં શા માટે પીરસવામાં આવે છે ?
‘છબીલ’ શું છે અને તે કેવી રીતે બનાવવામાં આવે છે?
ચબીલ એ પરંપરાગત પંજાબી ડ્રિન્ક છે જે ઉનાળાના મહિનાઓમાં ગરમીથી રાહત મેળવવા માટે પીરસવામાં આવે છે. તેને ઠંડક અને ફ્રેશનેસ આપતું પીણું કહેવાય છે જે પાણી અને/અથવા દૂધને ગુલાબની ચાસણી સાથે ભેળવીને બનાવવામાં આવે છે.
શ્રી બાલાજી એક્શન મેડિકલ ઇન્સ્ટિટ્યૂટના ડાયટિશિયન જયા જ્યોત્સનાએ જણાવ્યું હતું કે, “આ પીણું સામાન્ય રીતે પાણી, દૂધ, ખાંડ અને રોઝ એસેન્સ અથવા કેવરા પાણી જેવા ફ્લેવરિંગ એજન્ટનો ઉપયોગ કરીને તૈયાર કરવામાં આવે છે. કેટલીકવાર, સ્વાદ અને ઠંડકની અસરને વધારવા માટે લીંબુનો રસ અથવા બરફનો ભૂકો જેવા વધારાના ઘટકો ઉમેરવામાં આવી શકે છે.”
ઉનાળાની ગરમીના સમયમાં શહેરો અને નગરોમાં રસ્તાની બાજુના કેટલાક સ્ટોલ પણ આ શરબત પીરસે છે, જેને ઉત્તર ભારતના ઘણા ભાગોમાં ‘કચ્ચી લસ્સી’ તરીકે પણ ઓળખવામાં આવે છે, તેમ નોંધાયેલા આહાર નિષ્ણાત ગરિમા ગોયલે જણાવ્યું હતું.
‘છબીલ’ થી કેવી રીતે ફાયદો થાય છે?
છબીલનો મુખ્ય હેતુ ડીહાઇડ્રેશન સામે લડવામાં અને ગરમ હવામાનમાં શરીરને ઠંડુ કરવામાં મદદ કરવાનો છે, એમ જયાએ જણાવ્યું હતું.
આ પણ વાંચો: Heatstroke Tips : ઉનાળામાં હીટસ્ટ્રોકથી બચવા અજમાવો આ ઘરગથ્થુ ઉપાયો, જે થશે ફાયદાકારક સાબિત
જયાએ indianexpress.com ને જણાવ્યું હતું કે, “છબીલ તરસ છીપાવવા અને શરીરમાં પ્રવાહી ભરવામાં મદદ કરે છે. તે મીઠાશ અને ઠંડકની અનુભૂતિ પ્રદાન કરે છે, જે ઉનાળાના ગરમ દિવસોમાં ખૂબ જ શાંત થઈ શકે છે. છબીલમાં રહેલી સુગરનું પ્રમાણ ઝડપી ઉર્જા પ્રદાન કરે છે, જ્યારે પાણી શરીરને હાઇડ્રેટ કરવામાં અને ડિહાઇડ્રેશનને રોકવામાં મદદ કરે છે.”
ગોયલે ઉમેર્યું હતું કે, “આ ડ્રિન્ક આદર્શ શરીરનું તાપમાન જાળવવામાં મદદ કરે છે અને પાચનતંત્રને ઠંડુ કરવામાં પણ મદદ કરે છે.”
‘છબીલ’ નું મહત્વ શું છે?
છબીલ એ “ઠંડા, બિન-આલ્કોહોલિક મીઠા પીણા” માટે પંજાબી શબ્દ છે તે શેર કરતા, ડાયેટિશિયન લવલીન કૌરે ફેસબુક પર લખ્યું હતું કે , “તે માત્ર તડકા અને ગરમીથી રાહત આપતું નથી પણ તેનો ઊંડો અર્થ પણ છે. તે શાશ્વત આશાવાદનો મેસેજ આપે છે.”
મુઘલ સમ્રાટ જહાંગીરના આદેશ મુજબ શીખ ધર્મગ્રંથોને બદલવાનો ઇનકાર કરવા બદલ 1606માં પ્રથમ શીખ સેવા આપી અને શહીદ બનેલા ગુરુ અર્જન દેવજીની શહાદતની યાદ અને શ્રદ્ધાંજલિમાં, શહીદી દિવસ મનાવવામાં આવે છે, અને તે આ અવસર પર છબીલ પીરસવામાં આવે છે.”
આ પણ વાંચો: Diabetes Complications In Summer : ડાયાબિટીસના દર્દીઓ માટે ઉનાળાની ઋતુ બની શકે ‘પડકારરૂપ’,અહીં જાણો કેમ?
કૌરે આગળ લખ્યું હતું કે, “શીખોએ તેમના પરના હુમલાને બીજાની સેવા કરવાની તકમાં ફેરવીને નકારાત્મકતાને સકારાત્મકતામાં બદલી હતી. ચાર્ડી કાલા સૂચવે છે કે પ્રતિકૂળ સમયે પણ, ઈશ્વરની ઈચ્છા સાથે તેમની સંતોષની નિશાની તરીકે વ્યક્તિએ કાયમ માટે આશાવાદી રહેવું જોઈએ, હે ભગવાન, તમારી ઇચ્છા સારી છે; હું એકલો તમારા નામની ભેટ શોધું છું. “
ગોયલે માહિતી આપી હતી કે, “શીખ ગુરુ અર્જન દેવ જીના દહન પર શોક કરવાને બદલે, ચાર્દી કલા (ઉચ્ચ આત્માઓ) માં રહેવા માટે છબીલને શીતક તરીકે ઓફર કરવામાં આવે છે.”
ડિક્લેઈમર : આ આર્ટિકલ ઇન્ડિયન એક્સપ્રેસ પરથી અનુવાદીત છે, વધુ માહિતી માટે અહીં ક્લિક કરો
