રમઝાન સ્પેશિયલ: આ સ્વાદિષ્ટ અને અત્યંત પૌષ્ટિક ચિયા સીડ પુડિંગ સુહુર માટે છે યોગ્ય

વિશ્વભરના મુસ્લિમો,પવિત્ર રમઝાન માસ દરમિયાન સવારથી સાંજ સુધી ઉપવાસ કરે છે. જેમ કે, ઉપવાસ દરમિયાન આખો દિવસ એકટીવ અને એનર્જેટિક રહેવા માટે, સેહરી (સવારનું ભોજન) અને ઇફ્તાર (ઉપવાસ તોડતી વખતે સાંજના સમયે ખાવામાં આવતું ભોજન) દરમિયાન સ્વસ્થ અને પૌષ્ટિક ખોરાક લેવો મહત્વપૂર્ણ છે. તેથી, જો તમે તમારા ઉપવાસને તોડવા અથવા શરૂ કરવા માટેની વાનગીઓ સર્ચ કરી રહ્યા છો, તો સેલિબ્રિટી ફિટનેસ નિષ્ણાત યાસ્મીન કરાચીવાલાએ શેર કરેલી એક સરળ, સ્વાદિષ્ટ અને પૌષ્ટિક ચિયા પુડિંગ રેસીપી છે જેને તમે સરળતાથી સેહરી માટે તૈયાર કરી શકો છો.

કરીચાવાલાએ એક ઇન્સ્ટાગ્રામ પોસ્ટમાં લખ્યું હતું કે, “દરેકને રમઝાન કરીમ! સેહરી માટે શું ખાવું તે અંગે આપણે સતત સંઘર્ષ કરતા હોઈએ છીએ. તો આજે, હું તમારી સાથે મારું મનપસંદ ગો-ટુ - ચિયા પુડિંગની રેસિપી શેર કરવા જઈ રહ્યો છું. તે જરૂરી પોષક તત્ત્વોથી ભરપૂર છે જેથી તમે દિવસભર સંપૂર્ણ અને સંતુષ્ટ અનુભવી શકો.''

સામગ્રી (4 ફ્લેવર બનાવવા માટે - કેરી, ચોકલેટ, પીનટ બટર અને બ્લુબેરી પુડિંગ)

આ પણ વાંચો: હેલ્થ ટિપ્સ: બ્રેસ્ટની લેફ્ટ સાઇડે ‘તીક્ષ્ણ’ દુખાવાનું કારણ માત્ર હૃદય સંબંધિત નથી, જાણો અહીં

કેરીની પુડિંગ માટે

• 1/2 કપ કેરી
• 1/2 કપ પસંદગીનું દૂધ
• 2 ચમચી ચિયા સીડ્સ
• 2 ચમચી મેપલ સીરપ
• 1/2 ટીસ્પૂન વેનીલા અર્ક
• ટોપિંગ્સ
• ગ્રીક દહીં
• કેરીના ટુકડા

પીનટ બટર માટે

કેરીને બદલે 1 ચમચી પીનટ બટર એડ કરો.બાકી કેરી પુડિંગ જેવી જ રહે છે)
ટોપિંગ્સ: ગ્રીક દહીં, પીનટ બટર, બ્રશ કરેલા નટ્સ

ચોકલેટ ચિયા પુડિંગ

કેરીને બદલે 1 ચમચી કોકો પાવડર એડ કરો
ટોપિંગ્સ: ગ્રીક દહીં, ચોકો ચિપ્સ, સીડ્સ

બ્લુબેરી ચિયા પુડિંગ માટે

કેરીને બદલે 1/2 કપ બ્લુબેરી એડ કરો
ટોપિંગ્સ: ગ્રીક દહીં, બ્લુબેરી

રેસીપી

બ્લેન્ડરમાં અડધો કપ દૂધ અને અડધો કપ કેરી ઉમેરો. સ્મૂધ થાય ત્યાં સુધી બ્લેન્ડ કરો
મેસન જારમાં 2 ચમચી ચિયા સીડ, 2 ચમચી મેપલ સીરપ અને ½ ટીસ્પૂન વેનીલા અર્ક સાથે બ્લુબેરી મિક્સ ઉમેરો
એકસાથે મિક્સ કરો અને ઓછામાં ઓછા 3 કલાક માટે ફ્રીજમાં રહેવા દો,
એકસાથે હલાવો, પછી સાદા ગ્રીક દહીં અને તાજા કેરીના ટુકડા જેવા ટોપિંગ ઉમેરો અને સર્વ કરો.

સુહુર માટે ચિયા પુડિંગ્સના ફાયદા

ચિયા પુડિંગ એ સુહૂર માટે શ્રેષ્ઠ વિકલ્પ હોઈ શકે છે, કારણ કે તેમાં ફાઈબર, પ્રોટીન અને હેલ્થી ફેટ વધુ હોય છે. indianexpress.com સાથે વાત કરતાં, સમીના અંસારી જે વરિષ્ઠ આહાર નિષ્ણાત અને ન્યુટ્રિશનિસ્ટ, કેર હોસ્પિટલ્સ, હાઇ-ટેક સિટી, હૈદરાબાદ, એ કહ્યું હતું કે, “ચિયા સીડ્સમાં રહેલા ફાઇબર અને પ્રોટીન તમને દિવસભર સંપૂર્ણ અને સંતુષ્ટ રહેવામાં મદદ કરી શકે છે, જે આખા દિવસ દરમિયાન સંતુષ્ટ થઈ શકે છે. ખાસ કરીને રમઝાન દરમિયાન મદદરૂપ થાય છે, જ્યારે ભોજન મર્યાદિત હોય છે. ચિયા સીડ્સ પણ ઓમેગા-3 ફેટી એસિડનો સારો સ્ત્રોત છે, જે બળતરા ઘટાડવામાં મદદ કરી શકે છે અને એકંદર આરોગ્ય માટે ફાયદાકારક છે.”

આ પણ વાંચો: રેસ્ટિંગ હાર્ટ રેટ : જો પ્રતિ મિનિટ 100 થી વધુ ધબકારા રેકોર્ડ થાય તો શું હાર્ટ એટેકનું જોખમ વધે છે?

અન્સારીએ શેર કર્યા મુજબ 100 ગ્રામ ચિયા બીજનું પોષક મૂલ્ય..

ચિયા બીજ (100 ગ્રામ)
કેલરી - 490 કેલરી
કાર્બોહાઇડ્રેટ - 43.8 ગ્રામ
પ્રોટીન - 15.6 ગ્રામ
ફાઇબર - 37.7 ગ્રામ
કેલ્શિયમ - 631 મિલિગ્રામ
ફોસ્ફરસ - 948 મિલિગ્રામ
પોટેશિયમ - 160 મિલિગ્રામ

ધ્યાનમાં રાખવા જેવી બાબતો

જ્યારે ચિયા પુડિંગ સુહુર માટે હેલ્થી અને અનુકૂળ વિકલ્પ હોઈ શકે છે, ત્યારે કેટલીક બાબતો ધ્યાનમાં રાખવી જરૂરી છે.

• ચિયાના બીજ ઘણાં બધાં પ્રવાહીને શોષી લે છે, તેથી ચિયા સીડ્સના પ્રવાહીમાં યોગ્ય માત્રામાં ઉપયોગ કરવો મહત્વપૂર્ણ છે.
• ચિયાના બીજ જો યોગ્ય રીતે પલાળી અને હાઇડ્રેટેડ ન હોય તો તે ગૂંગળામણનું જોખમ બની શકે છે, તેથી તેનું કાળજીપૂર્વક સેવન કરો.
• જ્યારે ચિયા પુડિંગ તમારા સુહુર ભોજનમાં એક આરોગ્યપ્રદ ઉમેરો હોઈ શકે છે, ત્યારે તેને અન્ય પૌષ્ટિક ખોરાક સાથે સંતુલિત કરવું મહત્વપૂર્ણ છે કે જેથી તમારા શરીરને જરૂરી તમામ પોષક તત્વો મળી રહે.