Ear Wax Clean Tips: કાનમાં મેલ જમા થઇ ગયો છે? ઘરે કાન સાફ કરવાની સુરક્ષિત રીત જાણો

Ear Wax Removal Tips At Home : કાન શરીરનું મહત્વપૂર્ણ અંગ છે. શરીરના અન્ય અંગોની જેમ કાન સાફ રાખવા જરૂરી છે.  શિયાળામાં, આછા પીળાથી ભૂરા મીણ જેવા દેખાતા ગંદકી ઘણીવાર કાનમાં જમા થાય છે. મેલ જમા થવો એ તબીબી સમસ્યા નથી, જ્યાં સુધી તે કોઈ લક્ષણોનું કારણ ન બને. ઘણી વખત તેનાથી કાનમાં દુખાવો, કાનથી સાંભળવાની સમસ્યા, કાનમાં ભણકારા થવાની સમસ્યા થઈ શકે છે. કેટલીકવાર ચેપ પણ લાગી શકે છે. કાનમાં કંઇક ભરાયેલું હોવાનો અનુભવ થાય છે.

ધૂળવાળી જગ્યાએ કામ કરતા લોકોને આ સમસ્યા વધુ હોઈ શકે છે. કોઈપણ પ્રકારની સમસ્યાના કિસ્સામાં તમારે કાન, નાક અને ગળા (ઇએનટી) નિષ્ણાંતનો સંપર્ક કરવો જોઈએ. પરંતુ જો કોઈ દુખાવો કે અગવડતા ન હોય, તો તમે તેને ઘરે કાળજીપૂર્વક સાફ કરી શકો છો. આ માટે, તમારે જાણવું જોઈએ કે કાનનો મેલ સાફ કરવાની સલામત રીત શું છે, તેમજ શું કાળજી લેવી જોઈએ.

કાનનો મેલ સાફ કરવાની સરળ રીત

ઘરમાં ઇયરબડ્સ અથવા કોઈ પણ ચીજ વડે કાનનો મેલ સાફ કાઢતી વખતે, ઘણી વખત તે બહાર આવવાને બદલે અંદર જાય છે. આવી સ્થિતિમાં, તમારે કાનનો મેલ સાફ કરતી વખતે કેટલીક બાબતોનું વિશેષ ધ્યાન રાખવું જોઈએ. કાનમાં જમા થયેલી ગંદકીને દૂર કરવા માટે તમારે ડોક્ટરની સલાહ અનુસાર કાનના ટીપાં લાવવા જોઈએ. 

કાનનો મેલ કેટલીકવાર કાનની અંદર ઊંડે જમા થાય છે. આ કિસ્સામાં, કાનના અંદરના ભાગમાં ચોંટેલો હોવાથી તે સાફ કરવામાં મુશ્કેલી પડી શકે છે. આવી સ્થિતિમાં ઇયર ડ્રોપ વડે કાનનો મેલ સાફ કરવામાં મદદ મળે છે.

ઘરે કાન સાફ કરતી વખતે આ બાબતોનું ધ્યાન રાખો

જો તમે ઘરમાં કાન સાફ કરો છો, તો બહુ ઉતાવળ કરવાની જરૂર નથી. જો તમે તમારા કાનમાં જિદ્દી મેલ જમા ન થાય તો રોજિંદા જીવનમાં કેટલીક સારી આદતો મૂકો. આમ કરવાથી તમારા કાનમાં વધારે મેલ જમા નહીં થાય. આ માટે દરરોજ નહાયા બાદ ટુવાલની કિનારી વડે કાન સાફ કરી લો. ટુવાલની કિનારને કાનની અંદર ફેરવો. સ્નાન કર્યા પછી, મેલ નરમ થઈ જાય છે જે સરળતાથી બહાર આવી શકે છે. આ સાથે જ તમારે સ્નાન કર્યા પછી ભીના કપડાથી કાન સાફ કરવો જોઈએ.

આ પણ વાંચો | શિયાળામાં મુલતાની માટી ચહેરા પર કેવી રીતે લગાવવી? જાણો ફેસ પેક બનાવવાની સાચી રીત

Disclaimer : આ લેખમાં આપેલી સલાહ અને સૂચનો માત્ર સામાન્ય માહિતી છે. કોઈપણ પ્રકારની સમસ્યા અથવા પ્રશ્ન માટે નિષ્ણાતની સલાહ લો.