તમાકુ અને ગુટખા ખાવાથી દાંત થઇ ગયા છે લાલ-પીળા, તો સાફ કરવા માટે અજમાવો આ ઘરેલું ઉપાય

Teeth Whitening : દરેક વ્યક્તિ ઇચ્છે છે કે તેમના દાંત સફેદ મોતી જેવા દેખાય. ચમકતા દાંત ચહેરાની સુંદરતા વધારવાનું કામ કરે છે. ગંદા દાંત આખું વ્યક્તિત્વ બગાડે છે. તમાકુ-ગુટખાને કારણે દાંત ગંદા અને લાલ-પીળા દેખાય છે. આવા લોકો ખુલીને હસી પણ શકતા નથી. લોકોના ટોળામાં ઘણી વખત શરમ અનુભવે છે.

ઘણી વખત વધુ પડતી કોફી-ટી, આલ્કોહોલ અને ધૂમ્રપાનને કારણે દાંત પીળા થઈ જાય છે. આ સિવાય ઓરલ હાઇજીનનું ધ્યાન ના રાખવાના કારણે અથવા વધતી ઉંમરને કારણે દાંતનો રંગ પીળો થવા લાગે છે. દરેક વખતે મેડિકલ ટ્રીટમેટ મેળવવી શક્ય નથી. આવી સ્થિતિમાં તમારે કેટલાક ઘરેલું ઉપાય અજમાવવા જોઈએ. આયુર્વેદિક નિષ્ણાત અને ગુરુ સ્વામી ધ્યાન નીરવજીએ લાલ-પીળા દાંતને સાફ કરવા માટે કેટલીક કુદરતી અને સરળ રીતો જણાવી છે. ચાલો તેના વિશે જાણીએ.

પીળા દાંત સાફ કરવાની આયુર્વેદિક રીત

આયુર્વેદિક નિષ્ણાતોના જણાવ્યા અનુસાર તમે બેકિંગ સોડાનો ઉપયોગ કરીને તમારા દાંત સાફ કરી શકો છો. કારણ કે બેકિંગ સોડામાં કુદરતી રીતે સફેદ કરવાના ગુણ હોય છે. તે દાંત પરના હઠીલા ડાઘને સાફ કરવા માટે ઘર્ષક તરીકે કામ કરે છે. બેકિંગ સોડામાં એન્ટિબેક્ટેરિયલ ગુણ હોય છે જે બેક્ટેરિયાને દૂર કરે છે. તેનો ઉપયોગ કરવાથી મોઢાના બેક્ટેરિયાને નિયંત્રિત કરવામાં આવે છે અને મોઢાની દુર્ગંધ બંધ થઈ જાય છે.

કેવી રીતે ઉપયોગ કરવો

તમાકુ-ગુટકાના લાલ-પીળા દાંતને સાફ કરવા માટે બેકિંગ સોડા લો. તેમાં થોડી માત્રામાં પાણી ઉમેરો. અઠવાડિયામાં એક કે બે વાર તેને હળવા હાથથી બ્રશ કરો.

નાળિયેર તેલ

દરરોજ 10-15 મિનિટ સુધી તમારા મોંમાં નાળિયેર તેલ ફેરવવાથી હાનિકારક બેક્ટેરિયા અને પ્લાક ઓછી થાય છે. આમ કરવાથી દાંત ચમકદાર અને સ્વસ્થ દેખાય છે.

આ પણ વાંચો - બાફેલો ખોરાક એક વર્ષ સુધી ખાવામાં આવે તો સ્વાસ્થ્ય પર કેવી અસર પડે, જાણો

ઓઇલ પુલિંગ

લીંબુમાં કુદરતી રીતે બ્લીચિંગ ગુણ હોય છે. તેની સાથે ઓઇલ પુલિંગ કરવાથી દાંત સાફ રહે છે અને પેઢાને સ્વસ્થ રાખવામાં મદદ મળે છે. તેનો ઉપયોગ કરવા માટે પાણીમાં લીંબુનો રસના થોડા ટીપાં ઉમેરો. પછી કોગળા કરો. ત્યારબાદ પાણીથી ધોઈ લો. ઇનેમલને સુરક્ષિત રાખવા માટે વધુ પડતો ઉપયોગ ટાળો.

એક્ટિવેટેડ ચારકોલ ટ્રીક

એસીવી કુદરતી રીતે સફેદ કરવાના ગુણ ધરાવે છે. તમે તમારા દાંત સાફ કરવા માટે આ યુક્તિનો ઉપયોગ કરી શકો છો. આ માટે એક્ટિવેટેડ ચારકોલને પાણીમાં ઓગાળીને 30 સેકંડ સુધી કોગળા કરી લો. દરરોજ તેનો ઉપયોગ ન કરો. આ સમય જતાં ઇનેમલને નુકસાન પહોંચાડી શકે છે. અઠવાડિયામાં 2 વખત આવું કરો.

એપલ સાઇડર વિનેગરથી કોગળા કરો

કોફી અને ચા જેવા ડાર્ક ડ્રિંક્સ હઠીલા ડાઘનું કારણ બને છે. તેને પીધા પછી બ્રશ કરવું અથવા ઓછામાં ઓછું તેમને કોગળા કરવાથી રંગ બગડવાથી રોકવામાં મદદ મળે છે. દાંત પર ગંદકીનું સ્તર દૂર કરવા માટે તમે એપલ સાઇડર વિનેગરથી કોગળા કરી શકો છો.

ડિસ્ક્લેમર : લેખમાં લખેલી સલાહ અને સૂચનો માત્ર સામાન્ય માહિતી છે. કોઈપણ પ્રકારની સમસ્યા અથવા પ્રશ્ન માટે ડોક્ટરની સલાહ લો.