શું તમે બનાવી છે જામફળની ચટણી? સ્વાદ લાજવાબ અને ફાયદા પણ ઘણા છે

Guava Chutney Recipe : જામફળ સ્વાસ્થ્ય માટે ખૂબ ફાયદાકારક છે. જો કે સામાન્ય રીતે લોકો આ ફળને કાપીને ખાવાનું પસંદ કરે છે, પરંતુ તમે તેમાંથી સ્વાદિષ્ટ ચટણી પણ બનાવી શકો છો. તમને તેનો સ્વાદ ખૂબ જ પસંદ પડશે. આ ઉપરાંત તેને ખાવાથી ઘણા સ્વાસ્થ્ય લાભો પણ મળશે. જામફળમાં વિટામિન સી, ફાઇબર, એન્ટીઓકિસડન્ટ અને મિનરલ્સ હોય છે, જે તમારા માટે ફાયદાકારક સાબિત થઈ શકે છે.

આવી સ્થિતિમાં બહારનું કંઇક અનહેલ્ધી ખાવાને બદલે તમે જામફળની ચટણી બનાવી ખાઇ શકો છો. તેમાં ફાઇબર હોય છે જે પેટ સાથે જોડાયેલી સમસ્યાઓ દૂર કરે છે. વિટામિન સી થી ભરપૂર જામફળની ચટણી ખાવાથી રોગપ્રતિકારક શક્તિ વધે છે. પ્રોટીન, વિટામિન અને ફાઇબરના કારણે તે વજનને કંટ્રોલ કરવામાં મદદ કરી શકે છે. ચાલો જામફળની ચટણી બનાવવાની રીત જાણીએ.

જામફળની ચટણી બનાવવા માટે સામગ્રી

• 300 ગ્રામ જામફળ
• 3-4 લીલા મરચાં
• 1/2 ઇંચ આદુ
• 1 લીંબુનો રસ
• 1/2 ચમચી કોથમીર પાઉડર
• 1/2 ચમચી જીરું પાઉડર
• 1/2 ચમચી કાળા મરી પાઉડર
• 1/2 ચમચી હીંગ
• 1/2 ચમચી કાળું મીઠું
• 1/2 ચમચી મીઠું
• 1/2 ચમચી ખાંડ અથવા ગોળ
• પાણી

જામફળ ચટણી રેસીપી 

જામફળની ચટણી બનાવવા માટે પહેલા જામફળ લો અને તેને સારી રીતે ધોઈને સાફ કરો. પછી જામફળને નાના-નાના ટુકડાઓમાં કાપી લો. જામફળના બીજ ખૂબ સખત હોય તો તમે મધ્ય બીજનો ભાગ પણ કાઢી શકો છો. 

આ પણ વાંચો - વસંત પંચમી પર મલાઇ રબડી બનાવો, એકદમ ટેસ્ટી બનશે

એક મિક્સર જારમાં જામફળ, લીલા કોથમીર, લીલા મરચાં, આદુ, ધાણા પાવડર, જીરું પાવડર, કાળા મરી, હીંગ, કાળું મીઠું, મીઠું અને લીંબુ નીચોડીને નાખો. તેમાં થોડું પાણી ઉમેરો. આ પછી તેને બરછટ અથવા તમારી ઇચ્છા મુજબ પીસી લો. 

તૈયાર ચટણીને એક બાઉલમાં બહાર કાઢો. તેની ઉપર થોડું લીલું કોથમીર અથવા કરી પત્તા મૂકીને તેને ગાર્નિશ કરો. તમે આ ચટણીને ફ્રિજમાં 2-3 દિવસ સુધી સ્ટોર કરી શકો છો.