Benefits of green chili: ભારતીય વાનગીઓમાં લીલા મરચાનો વ્યાપકપણે ઉપયોગ થાય છે. મરચું ખોરાકને મસાલેદાર અને સ્વાદિષ્ટ બનાવવામાં મદદ કરે છે. લીલા મરચાંનું સેવન સ્વાસ્થ્ય માટે પણ સારું માનવામાં આવે છે. લીલા મરચાં માત્ર ખોરાકનો સ્વાદ જ નથી વધારતા પરંતુ ઘણા સ્વાસ્થ્ય લાભો પણ આપે છે. લીલા મરચામાં વિટામિન A, B6, C, આયર્ન, કોપર, પોટેશિયમ, પ્રોટીન અને કાર્બોહાઇડ્રેટ્સ, બીટા-કેરોટીન, ક્રિપ્ટોક્સાન્થિન, લ્યુટીન અને ઝેક્સાન્થિન જેવા પોષક તત્વો હોય છે, જે શરીરને ઘણા ફાયદા પહોંચાડવામાં મદદ કરે છે.
લીલા મરચાના ફાયદા
- એન્ટી-ઓક્સિડન્ટથી ભરપૂર હોય છે.
- રક્ત પરિભ્રમણ વધે છે.
- રોગપ્રતિકારક શક્તિ મજબૂત બને છે.
- કેન્સરનું જોખમ ઘટાડે છે.
- બેક્ટેરિયાના ચેપથી રક્ષણ આપે છે.
- દુખાવો ઘટાડે છે, અસ્થમા, સાઇનસમાં રાહત આપે છે.
લીલા મરચા ખાવાના ફાયદા
લીલા મરચામાં વિટામિન A હોય છે, જે આંખની રોશની સુધારવામાં અને આંખોને સ્વસ્થ રાખવામાં મદદ કરે છે. લીલા મરચાં એન્ટીઑકિસડન્ટનો સારો સ્ત્રોત છે. લીલા મરચાંમાં ડાયેટરી ફાઇબર ભરપૂર માત્રામાં હોય છે, જે પાચન માટે ફાયદાકારક હોઈ શકે છે.લીલા મરચાં એન્ટીઑકિસડન્ટ ગુણોથી ભરપૂર હોય છે અને કેલરી-મુક્ત હોય છે, જે વજન ઘટાડવામાં મદદ કરે છે. ઉપરાંત હૃદયને સ્વસ્થ રાખવા માટે સંતુલિત આહાર લેવો ખૂબ જ મહત્વપૂર્ણ છે. દરરોજ લીલા મરચાંનું સેવન કરવાથી હૃદય સ્વસ્થ રહે છે.
આ પણ વાંચો: શાહી કાજુ જલેબીની રેસીપી, સ્વાદ એવો કે દાઢે વળગે
મરચાંમાં જોવા મળતું કેપ્સેસીન નામનું સંયોજન શરીરમાં દુખાવો ઘટાડી શકે છે. આ સંયોજન આપણા ચેતાતંત્રમાં પ્રવેશ કરે છે અને પીડામાં રાહત આપે છે. લીલા મરચાં ખાવાથી એસિડ રિફ્લક્સને કારણે થતી બળતરામાં પણ રાહત મળે છે. લીલા મરચાં ખાવાથી હૃદયના સ્વાસ્થ્ય માટે પણ ખૂબ ફાયદાકારક છે. ઘણા અભ્યાસો દર્શાવે છે કે લીલા મરચાં ખાવાથી શરીરમાં જમા થતા ખરાબ કોલેસ્ટ્રોલનું પ્રમાણ ઓછું થઈ શકે છે.
ડાયાબિટીસના દર્દીઓ માટે પણ લીલા મરચાં ચમત્કારિક ગણી શકાય. લીલા મરચાંનું સેવન કરવાથી બ્લડ સુગરનું સ્તર ઓછું થાય છે. શરીરની રોગપ્રતિકારક શક્તિ વધારવામાં પણ લીલા મરચાં અસરકારક ગણી શકાય. લીલા મરચામાં બીટા-કેરોટીન અને વિટામિન સી ભરપૂર માત્રામાં હોય છે.
