ઓવન, મેંદો કે ખાંડ વગર બનાવો ઘરેજ હેલ્ધી અને ટેસ્ટી ખજૂર કોફી કેક બનાવો, આ રહી સરળ રેસીપી

 જીવનશૈલી | કેકનું નામ આવે બધાના મોઢામાં પાણી આવે ! બર્થ ડે હોય કે એનિવર્સરી હોય કે કોઈ બીજું સેલિબ્રેશન હોય કેક વગર તે અધૂરું લાગે છે, મોટાભાગે કેક બેકરીમાંથી ઓર્ડર કરવામાં આવે છે, પરંતુ તમે બેકરી સ્ટાઇલ ટેસ્ટી, સ્પોન્જી અને હેલ્ધી કેક ઘરે પણ બનાવી શકો છો.

કેક બનાવવા માટે તમારે ઓવન, ઈંડા, મેંદો કે ખાંડ આમાંથી કોઈ વસ્તુની જરૂર નહિ પડે! માત્ર ખજૂર નાખી તમે સ્વાદિષ્ટ કેક બનાવી શકો છો, અહીં જાણો ખજૂર કોફી કેક રેસીપી 

ખજૂર કોફી કેક રેસીપી 

સામગ્રી 

18 20 બીજ વગરની ખજૂર
2 કપ દૂધ
2 ચમચી કોફી
1/2 કપ તેલ
1+1/4 કપ ઘઉંનો લોટ
1 ચમચી બેકિંગ સોડા
1/2 ચમચી બેકિંગ પાવડર
1/4 કપ સમારેલી બદામ

તમે કદી નહિ ટ્રાય કરી હોય આ ખાટી મીઠી ચટણી! આમલી ડુંગળીમાંથી આ રીતે બનાવો

ખજૂર કોફી કેક બનાવાની રીત 

1 કપ ગરમ દૂધ અને ઇન્સ્ટન્ટ કોફી પાવડર ભેળવીને બીજ વગરની ખજૂર પલાળો. તેને 15-20 મિનિટ માટે અથવા ખજૂર નરમ અને ચીકણું થાય ત્યાં સુધી રહેવા દો.
દૂધ અને ખજૂરને એકસાથે ભેળવીને એક સરળ મિશ્રણ બનાવો. મિશ્રણને એક બાઉલમાં ખસેડો, બાકીનું ½ કપ દૂધ અને તેલ ઉમેરો, અને સારી રીતે મિક્સ કરો જ્યાં સુધી તે ભેળવી ન જાય.
ઘઉંનો લોટ, બેકિંગ સોડા અને બેકિંગ પાવડર ચાળી લો. ધીમે ધીમે મિક્સ કરો જેથી ગઠ્ઠો ન બને. વધુ પડતું મિક્સ ન કરો. તેલથી ગ્રીસ કરેલા અને ગોળ પેનમાં બેટર રેડો, ઉપર સમારેલા બદામ નાખો.
એક કૂકર લો, તેને મધ્યમ તાપ પર સેટ કરો અને તળિયે મીઠાનું સ્તર ફેલાવો.
વચ્ચે એક સ્ટેન્ડ મૂકો અને 10 મિનિટ માટે પહેલાથી ગરમ કરો. કેક પેનને કુકરની અંદર કાળજીપૂર્વક મૂકો અને 40 મિનિટ સુધી કુક કરો.
કેકને પેનમાંથી કાઢતા પહેલા ઓરડાના તાપમાને નોર્મલ થવા દો અને પછી ખજૂર કોફી કેક સર્વ કરો.