દિવસમાં કેટલી ચા પીવી જોઈએ? જાણો ક્યા સમયે ચા પીવાથી થાય છે નુક્સાન?

ચા ફક્ત એક પીણું નથી ભારતમાં આપણે આપણા દિવસની શરૂઆત ચા પીવાથી જ કરીએ છીએ. સવારના નાસ્તાથી લઈને સાંજના થાક સુધી એક કપ ચા તરત જ આપણા મૂડને સુધારે છે અને આપણા શરીરને ઉર્જા આપે છે. કેટલાક લોકોને ચા પીવાની એટલી ઇચ્છા થાય છે કે તેમને દર બે થી ત્રણ કલાકે તેની જરૂર પડે છે. પરંતુ શું તમે ક્યારેય વિચાર્યું છે કે દિવસમાં કેટલી ચા પીવી જોઈએ? અને ચા નું વધુ પડતું સેવન ક્યારે તમારા સ્વાસ્થ્ય માટે હાનિકારક હોઈ શકે છે? ચાલો તમને જણાવીએ.

તમારે દરરોજ કેટલી ચા પીવી જોઈએ?

સ્વસ્થ પુખ્ત વયના લોકો માટે દિવસમાં 2 થી 3 કપ ચા પીવી સલામત માનવામાં આવે છે. ધ્યાન રાખો કે કેફીનનું કુલ સેવન દરરોજ 200-300 મિલિગ્રામથી વધુ ના હોવું જોઈએ. સ્વાદ અને સ્વાસ્થ્ય બંને જાળવવા માટે તમારી જાતને દિવસમાં 2-3 કપ સુધી મર્યાદિત રાખો અને ખાલી પેટે અથવા મોડી રાત્રે ચા ના પીવાનો પ્રયાસ કરો.

ચા ક્યારે હાનિકારક બને છે?

જો તમે દિવસમાં ચાર થી પાંચ કપથી વધુ ચા પીતા હોવ તો તે તમારા સ્વાસ્થ્ય માટે સારૂ નથી. ચાલો જાણીએ કે જો તમે વધારે પડતી ચા પીશો તો શું થઈ શકે છે.

કેફીનનું પ્રમાણ 

4-5 કપ કે તેથી વધુ ચા પીવાથી શરીરમાં કેફીનનું પ્રમાણ વધે છે, જે ગભરાટ, હૃદયના ધબકારા વધવા અને ઊંઘની સમસ્યાઓનું કારણ બની શકે છે.

પિસ્તા ખાવાના સ્વાસ્થ્ય લાભ, ડાયાબિટીસ નિયંત્રિત કરવાથી લઈને વજન ઘટાડવામાં મદદરૂપ

એસિડિટી, ગેસ અને હાર્ટબર્ન 

સવારે ખાલી પેટ ચા પીવાથી એસિડિટી, ગેસ અને હાર્ટબર્ન થઈ શકે છે.

આયર્નનું શોષણ 

જમ્યા પછી તરત જ ચા પીવાથી આયર્નનું શોષણ ઓછું થઈ શકે છે, જેનાથી એનિમિયાનું જોખમ વધી શકે છે.

અનિદ્રા 

સાંજે કે રાત્રે વધુ પડતી ચા પીવાથી અનિદ્રા થઈ શકે છે.

ચા કેવી રીતે પીવી?

દિવસમાં 2-3 કપથી વધુ ચા ના પીઓ. જમ્યા પછી તરત જ ચા પીવાનું ટાળો. સૂવાના 3-4 કલાક પહેલા ચા ના પીઓ. જો તમને ગમે તો તમે વિકલ્પ તરીકે ગ્રીન ટી અથવા હર્બલ ટી પસંદ કરી શકો છો.