વિટામિન D3 અને K2 ની 'બેટમેન અને રોબિન અસર' શું છે? આ બન્ને વિટામિનનું શરીર માટે ખાસ મહત્વ

જીવનશૈલી | મોટાભાગના લોકો જાણતા હશે કે, વિટામિન D3 અને K2, બંને ફેટ સોલ્યુબલ (ચરબી દ્રાવ્ય) અને શરીર માટે અત્યંત મહત્વપૂર્ણ છે. "જ્યારે વિટામિન D3 કેલ્શિયમ શોષણમાં સુધારો કરે છે, વિટામિન K2 તે કેલ્શિયમનો ઉપયોગ કયા કરી શકાય ત્યાં ફાળવે છે". પરંતુ શું તમે જાણો છો કે આ બંને એકસાથે બેસ્ટ રીતે કામ કરે છે અને હકીકતમાં પૂરક કાર્યો પણ કરે છે? 

ન્યુટ્રિશનિસ્ટ પૂજા માખીજાએ તેના ઇન્સ્ટાગ્રામ પોસ્ટમાં લખ્યું કે વિટામિન ડી અને વિટામિન K2 સપ્લીમેન્ટ અસરોને કારણે આ બે મહત્વપૂર્ણ વિટામિન્સ તાજેતરમાં વૈજ્ઞાનિક ધ્યાન ખેંચી રહ્યા છે, તેમણે ઉમેર્યું કે તેમાં 'બેટમેન અને રોબિન' અસર છે: " જ્યારે આ બન્ને વિટામિન સાથે કામ કરે છે ત્યારે શરીર ગજબ ફાયદા થાય છે."

હાડકા માટે વિટામિન ડી અને વિટામિન K2 નું મહત્વ

તેણે સમજાવ્યું કે "બંને વિટામિન ચરબીમાં દ્રાવ્ય છે અને મદદરૂપ પ્રોટીનને સક્રિય કરીને તમારા શરીરમાં કેલ્શિયમનું ચયાપચય કરવા માટે એકસાથે કામ કરે છે. જ્યારે તમને તમારા આહાર અથવા પૂરક ખોરાકમાંથી પૂરતું કેલ્શિયમ મળતું નથી, ત્યારે વિટામિન ડી તમારા હાડકાંમાંથી જરૂરી કેલ્શિયમ મેળવી શકે છે. 

હાડકાંને નબળા પડતા અટકાવવા માટે, વિટામિન K2 તમારા હાડકાંના કેલ્સિફિકેશનને પ્રોત્સાહન આપવામાં મદદ કરે છે, જ્યારે નરમ પેશીઓ (જેમ કે રક્ત વાહિનીઓની દિવાલો અથવા મુખ્ય અવયવોની આસપાસ) ના કેલ્સિફિકેશન અને સખ્તાઇના પ્રભાવને નિયંત્રિત અને ઘટાડે છે.''

જિંદાલ નેચરક્યોર ઇન્સ્ટિટ્યૂટના ચીફ મેડિકલ ઓફિસર ડૉ. બબીના એનએમએ indianexpress.com ને જણાવ્યું કે, "આ બે વિટામિન્સ સૌથી વધુ એકસાથે કામ કરે છે. જ્યારે વિટામિન D3 તમારા આંતરડામાંથી લોહીમાં કેલ્શિયમના શોષણને દિશામાન કરે છે, ત્યારે વિટામિન K2 તેને ત્યાંથી લઈ જાય છે, જે કેલ્શિયમને તમારા હાડકાંમાં દિશામાન કરે છે."

નિષ્ણાતે ઉમેર્યું કે વિટામિન K2 મજબૂત હાડકાં અને દાંત વિકસાવવા અને જાળવવામાં પણ મદદ કરે છે. તેણે ઉમેર્યું કે "શરીરમાં પૂરતા પ્રમાણમાં વિટામિન K2 વિના, શરીર કેલ્શિયમનો યોગ્ય રીતે ઉપયોગ કરી શકશે નહીં, જે ઓસ્ટીયોપોરોસિસ જેવી સ્વાસ્થ્ય સમસ્યાઓ તરફ દોરી જશે.''

View this post on Instagram

વિટામિન D3 અને K2 એકસાથે લેવાથી શું થાય?

માખીજાના મતે એવા કેટલાક પુરાવા છે જે સૂચવે છે કે બે વિટામિન્સ એકસાથે લેવાથી ઓસ્ટીયોપોરોસિસ અથવા કિડની અથવા હૃદય રોગ જેવા અન્ય ક્રોનિક રોગો થવાનું જોખમ ઘટાડવામાં મદદ મળી શકે છે, જોકે આ ક્ષેત્રમાં વધુ સંશોધનની જરૂર છે.

વિટામિન K2 નો સ્ત્રોત

વિટામિન K સામાન્ય રીતે નોન વેજ ફૂડ, કેટલાક આથોવાળા ખોરાક અને ઘાટા, પાંદડાવાળા લીલા શાકભાજીમાં જોવા મળે છે. અભ્યાસોએ દર્શાવ્યું છે કે શરીરને સ્વસ્થ રક્તવાહિની તંત્ર અને હાડકાંને ટેકો આપવા માટે પ્રમાણમાં વધુ પ્રમાણમાં વિટામિન K ની જરૂર પડે છે. જે લોકો આ ખોરાકનું સેવન કરતા નથી તેઓ નિષ્ણાત સાથે સલાહ લીધા પછી વિટામિન K2 સપ્લિમેન્ટ (K2 ના બે પેટા પ્રકારોમાં MK-7 શ્રેષ્ઠ છે) લેવાનું વિચારી શકે છે.

વિટામિન K2 સપ્લિમેન્ટેશન કેટલા પ્રમાણમાં લેવું?

જ્યારે એવા અભ્યાસો છે જે સૂચવે છે કે દરરોજ 50mcg થી 200mcg ની માત્રા અસરકારક છે, માખીજાએ સૂચવ્યું કે "મારા પોતાના સંશોધન અને સમજણ મુજબ, દરરોજ 90-100mcg ની માત્રા શરૂઆતમાં સારી માત્રા છે.''

પીળી હળદર વિશે બધા જાણે છે, પરંતુ શું તમે ક્યારેય બ્લ્યુ હળદર વિશે સાંભળ્યું છે?

સાવચેતી

 ડૉ. બબીનાએ શેર કર્યું કે "જોકે એ નોંધવું અગત્યનું છે કે વિટામિન K કેટલીક દવાઓ સાથે ક્રિયાપ્રતિક્રિયા કરી શકે છે, જેમ કે લોહી પાતળું કરનાર, એસ્પિરિન, અને કેન્સર, હુમલા, ઉચ્ચ કોલેસ્ટ્રોલ અને અન્ય સ્થિતિઓ માટેની દવાઓ. તેથી, પ્રિસ્ક્રિપ્શન દવાઓ લેતા લોકો માટે આહાર પૂરવણી શરૂ કરતા પહેલા તેમના ડૉક્ટર સાથે વાત કરવી મહત્વપૂર્ણ છે.''