આંતરરાષ્ટ્રીય મહિલા દિવસ 2026 । મહિલા દિવસનો ઇતિહાસ અને મહત્વ

જીવનશૈલી | દર વર્ષે 8 માર્ચે ઉજવવામાં આવતો મહિલા દિવસ (International Women's Day) એ ઐતિહાસિક યાત્રાનું પ્રતીક છે જે વિશ્વભરની મહિલાઓએ તેમના જીવનને સુધારવા માટે લીધી છે. આ દિવસ એ યાદ અપાવે છે કે ઘણું બધું પ્રાપ્ત થયું છે, પરંતુ આ જર્ની ઘણી લાંબી છે અને હજુ ઘણું કરવાનું બાકી છે.

આંતરરાષ્ટ્રીય મહિલા દિવસ ઇતિહાસ અને મહત્વ

આંતરરાષ્ટ્રીય મહિલા દિવસ એક સદીથી વધુ સમયથી ઉજવવામાં આવે છે. ઘણા લોકો તેને નારીવાદી મુદ્દો માને છે, પરંતુ તેના મૂળ મજૂર ચળવળમાં છે. આ દિવસનું આયોજન સૌપ્રથમ 1911 માં 20મી સદીની શરૂઆતમાં જર્મનીના માર્ક્સવાદી ક્લેરા ઝેટકીન દ્વારા કરવામાં આવ્યું હતું.

ઝેટકીનનો જન્મ 1857 માં જર્મનીના વેઇડેરાઉમાં થયો હતો. શિક્ષક તરીકે તાલીમ પામેલા, તેઓ સોશિયલ ડેમોક્રેટિક પાર્ટી (SPD) સાથે સંકળાયેલા હતા, જે આજે દેશના બે મુખ્ય રાજકીય પક્ષોમાંનો એક છે. તેઓ મજૂર ચળવળ અને મહિલા ચળવળનો ભાગ હતા.

1880 ના દાયકામાં જ્યારે જર્મન નેતા ઓટ્ટો વોન બિસ્માર્કે સમાજવાદ વિરોધી કાયદાઓ લાગુ કર્યા, ત્યારે ઝેટકીનને સ્વિટ્ઝર્લૅન્ડ અને ફ્રાન્સમાં સ્વ-નિર્વાસની ફરજ પડી. આ સમય દરમિયાન, તેણીએ પ્રતિબંધિત સાહિત્ય લખ્યું અને તેનું વિતરણ કર્યું અને તે સમયના અગ્રણી સમાજવાદીઓ સાથે મુલાકાત કરી. ઝેટકીને સમાજવાદી આંતરરાષ્ટ્રીયની રચનામાં પણ મુખ્ય ભૂમિકા ભજવી હતી.

જર્મની પરત ફર્યા પછી તેઓ 1892 થી 1917 સુધી એસપીડીના મહિલાઓ માટેના દૈનિક અખબાર, ડાઇ ગ્લેઇચાઇટ ('સમાનતા') ના સંપાદક બન્યા હતા. એસપીડીમાં, ઝેટકીનના કટ્ટરપંથી ડાબેરી વિચારક અને ક્રાંતિકારી રોઝા લક્ઝમબર્ગ સાથે ગાઢ સંબંધો હતા. ત્રણ વર્ષ પછી, તેમણે આંતરરાષ્ટ્રીય સમાજવાદી મહિલા કોંગ્રેસની સહ-સ્થાપના કરી, જેના 1910 માં થયેલા પરિષદમાં તેમણે ૨૮ ફેબ્રુઆરીને બધા દેશોમાં મહિલા દિવસ તરીકે ઉજવવાનો પ્રસ્તાવ મૂક્યો હતો.

મહિલાઓ 30 વર્ષની ઉંમર શું ધ્યાન રાખવું? ક્યા ખાસ ટેસ્ટ કરાવવા જરૂરી?

આ પરિષદમાં 17 દેશોની 100 મહિલાઓનો સમાવેશ થતો હતો, જેમાં યુનિયનો, સમાજવાદી પક્ષો, કાર્યકારી મહિલા ક્લબ અને મહિલા ધારાસભ્યોના પ્રતિનિધિઓએ હાજરી આપી હતી. તેમણે સર્વાનુમતે મહિલા દિવસ ઉજવવાના પ્રસ્તાવને મંજૂરી આપી હતી. પ્રથમ મહિલા દિવસ 1911 માં ઉજવવામાં આવ્યો હતો. બે વર્ષ પછી, 1913 માં  તારીખ બદલીને 8 માર્ચ કરવામાં આવી હતી. દર વર્ષે તે તારીખે મહિલા દિવસ ઉજવવામાં આવે છે.