કિચનના એક્ઝોસ્ટ ફેનની ગંદકીથી પરેશાન છો, આ 3 રીતો અપનાવો, એકદમ ચમકી ઉઠશે

kitchen exhaust fan cleaning tips : રસોઈ બનાવતી વખતે ધુમાડો, તેલ અને મસાલાની વરાળને કારણે રસોડામાં એક્ઝોસ્ટ ફેન ઝડપથી ગંદા થઈ જાય છે. ચીકણા અને કાળા મેલનું પરત તેના પર જામી જાય છે, જેના કારણે તે દેખાવમાં ખરાબ લાગે છે. જો તમારા રસોડાના એક્ઝોસ્ટ ફેન પર પણ આવી ગંદકી જમા થઈ ગઈ છે, તો ચિંતા કરવાની જરૂર નથી. તમે કેટલાક સરળ ઘરેલું ઉપાય અપનાવીને તેને સરળતાથી સાફ કરી શકો છો.

ડિશવોશ લિક્વિડ અને ગરમ પાણીથી સાફ કરો

એક્ઝોસ્ટ ફેન પર જામી ગયેલી કાળાશને દૂર કરવામાં ડિશવોશ લિક્વિડ અને ગરમ પાણી ખૂબ અસરકારક છે. એક વાસણમાં ગરમ પાણી લો અને તેમાં થોડો લિક્વિડ સાબુ ઉમેરો. હવે આ દ્રાવણમાં કપડું અથવા સ્પોન્જ ડુબાડીને પંખાને સારી રીતે લૂછી લો. થોડી મિનિટોમાં જમા થયેલી ગંદકી ઢીલી થઇને સાફ થઈ જશે.

બેકિંગ સોડા અને લીંબુનો ઉપયોગ કરો

બેકિંગ સોડા અને લીંબુ પણ હઠીલા ડાઘ દૂર કરવામાં મદદગાર છે. એક બાઉલમાં બેકિંગ સોડા લો અને તેમાં લીંબુનો રસ મિક્સ કરીને પેસ્ટ તૈયાર કરો. આ પેસ્ટને એક્ઝોસ્ટ ફેન પર લગાવો અને તેને 10-15 મિનિટ માટે છોડી દો. પછી ભીના કપડાથી લૂછી લો. તેનાથી જૂના ડાઘ પણ હળવા થાય છે અને પંખો ચમકવા લાગે છે.

આ પણ વાંચો - આદુ અને લીલા મરચાંની પેસ્ટ લાંબા સમય સુધી ખરાબ નહીં થાય, આ 4 રીતથી સ્ટોર કરો

વિનેગરથી સાફ કરો

વિનેગર કુદરતી ક્લીનરની જેમ કામ કરે છે. તેને સ્પ્રે બોટલમાં ભરી એક્ઝોસ્ટ ફેન પર છંટકાવ કરો અને થોડી વાર માટે છોડી દો. ત્યારબાદ માઇક્રોફાઇબર કપડાથી સારી રીતે સાફ કરો. તેનાથી ચીકાશ અને ગંદકી સરળતાથી દૂર થઇ જશે.