રેગ્યુલર ફરાળી મોરૈયા ખીચડીને અલગ ટચ આપો, મહાશિવરાત્રી ઉપવાસમાં આપશે એનર્જી આ રેસીપી

જીવનશૈલી | મહાશિવરાત્રી આ વખતે 15 ફેબ્રુઆરી રવિવારના રોજ મનાવામાં આવશે, આ દિવસે ભાવુક ભક્તો ભગવાન શિવની પૂજા અર્ચના કરશે અને ઉપવાસ રાખે છે, આ પવિત્ર દિવસે ઉપવાસનું ખુબજ મહત્વ છે ઘણા ભક્તો ઉપવાસ કરે છે જો તમે પણ આ દિવસે ઉપવાસ કરો છો આ યુનિક રેસીપી ટ્રાય કરી શકો છો.

મોરૈયાની ખીચડી ઉપવાસમાં ખવાઈ છે, પરંતુ તમે આ ઉપવાસ દરમિયાન રેગ્યુલર ફરાળી ખીચડી ખાઈને કંટાળી ગયા છો તો ગ્રીન મોરૈયાની ખીચડી ટ્રાય કરી શકો છો

ગ્રીન મોરૈયા ખીચડી રેસીપી 

ગ્રીન પેસ્ટ માટે

સામગ્રી 

½ કપ તાજા કોથમીર 
3-4 લીલા મરચાં
1 ઇંચ આદુ
¼ કપ મગફળી
2 ચમચી સફેદ તલ
ફરાળી સ્વાદ મુજબ
જરૂર મુજબ પાણી

ખીચડી માટે

1 વાટકી મોરૈયો
પાણી જરૂર મુજબ
2 ચમચી તેલ
1 ચમચી જીરું 
10-12 મીઠો લીમડો
1 ચમચી બારીક સમારેલા લીલા મરચાં
1 કપ બટાકા
સ્વાદ મુજબ ફરાળી મીઠું
1 ચમચી ધાણા પાવડર
1 ચમચી જીરું પાવડર વધારે માટે 

વઘાર માટે 

1 ચમચી ઘી
2 ચમચી કાજુ
2 ચમચી સમારેલી બદામ
2 ચમચી કિસમિસ

મોરૈયા ખીચડી સાથે ખવાઈ એવી ખાટી મીઠી કઢી, ઉપવાસમાં આ રીતે બનાવો

ફરાળી ગ્રીન મોરૈયા ખીચડી રેસીપી 

સૌ પ્રથમ મિક્સર ગ્રાઇન્ડરમાં, કોથમીર, લીલા મરચાં, આદુ, મગફળી, તલ, ફરાળી  મીઠું અને પાણી ઉમેરો. થોડી ચંકી પેસ્ટ બનાવો. મોરૈયાને સારી રીતે ધોઈને સંપૂર્ણપણે નિતારી લો.
પ્રેશર કૂકરમાં તેલ ગરમ કરો. જીરું, મીઠો લીમડો અને સમારેલા લીલા મરચાં ઉમેરો. થોડું સાંતળો. કાપેલા બટાકા ઉમેરો અને 1-2 મિનિટ માટે સાંતળો. મોરૈયાને ઉમેરો અને સારી રીતે મિક્સ કરો.
ગ્રીન પેસ્ટ, જરૂરી પાણી, ગુલાબી સિંધવ મીઠું, ધાણા પાવડર અને જીરું પાવડર ઉમેરો. સારી રીતે મિક્સ કરો. ઢાંકણ બંધ કરો અને મધ્યમ આંચ પર 2-3 સીટી સુધી કુક કરો. પ્રેશર કુદરતી રીતે છૂટું થવા દો.
એક પેનમાં ઘી ગરમ કરો. કાજુ, બદામ અને કિસમિસ ઉમેરો. સોનેરી થાય ત્યાં સુધી શેકો. આ વઘારને ખીચડીમાં ઉમેરો. ધીમે ધીમે મિક્સ કરો. ફ્રેશ કોથમીરના પાનથી સજાવીને ગરમા ગરમ પીરસો.