ઘરે જ બનાવો બહારથી ક્રિસ્પી અને અંદરથી સોફ્ટ મૈસુર મસાલા ઢોસા, નોંધી લો ઝટપટ રેસીપી

જીવનશૈલી | ઢોસા (Dosa) એક એવી વાનગી છે જે લગભગ બધાને ગમે છે. તમે કદાચ ઘણા પ્રકારના ઢોસા ખાધા હશે, પણ શું તમે ક્યારેય ઘરના સાઉથ ઇન્ડિયન રેસ્ટોરન્ટ પણ ટક્કર મારે એવા મૈસુર મસાલા ઢોસાનો સ્વાદ ચાખ્યો છે? આ એક અનોખી વાનગી છે જેની સુગંધ એટલી મનમોહક છે કે તે મોંમાં પાણી લાવી દે છે. 

બહારથી સોનેરી અને ક્રિસ્પી, ઢોસા અંદરથી નરમ અને તીવ્ર મસાલેદાર છે. આ વાનગીનો સિગ્નેચર સ્વાદ તેના મસાલેદાર બટાકાની ભરણ અને ઉપર તીખી મૈસુર લાલ ચટણી છે. તમે પહેલી બાઈટમાં જ તેના ચાહક બની જશો. અહીં જાણો મૈસુર મસાલા ઢોસા રેસીપી 

મૈસુર મસાલા ઢોસા રેસીપી 

બેટર માટે સામગ્રી 

3 કપ ચોખા
1 કપ અડદ દાળ
1 ચમચી મેથીના દાણા
મીઠું - સ્વાદ મુજબ

મસાલા માટે સામગ્રી

3 થી 4 - સારી રીતે છૂંદેલા બાફેલા બટાકા
1 બારીક સમારેલી ડુંગળી
1 થી 2 લીલા મરચાં
1 ચમચી રાઈ 
અડધી ચમચી હળદર
મીઠું - સ્વાદ મુજબ

ચટણી માટે સામગ્રી 

6 થી 7 સૂકા લાલ મરચાં 
5 થી 6 કળી લસણ 
અડધો કપ નાળિયેર
થોડી આમલી
સ્વાદ મુજબ મીઠું

લસણ ડુંગળી વગર પણ બનશે ચટાકેદાર કાશ્મીરી દમ આલુ, માત્ર આટલી ટિપ્સ અનુસરો

મૈસુર મસાલા ઢોસા બનાવાની રીત 

સૌ પ્રથમ મૈસુર મસાલા ઢોસા બનાવવા માટે, પહેલા ચોખા, અડદની દાળ અને મેથીના દાણાને 6 થી 7 કલાક માટે પલાળી રાખો. પછી, તેમને એક સોફ્ટ ખીરું બનાવીને આખી રાત અથવા 8 થી 10 કલાક માટે આથો આવવા દો. પછી સ્વાદ પ્રમાણે મીઠું નાખો.
એક કડાઈમાં તેલ ગરમ કરો અને તેમાં રાઈ,મીઠો લીમડો, લીલા મરચાં અને ડુંગળી નાખો અને સાંતળો. હળદર અને છૂંદેલા બટાકા ઉમેરો, મીઠું નાખો અને 2 થી 3 મિનિટ સુધી લુક કરો.
હવે તમારે ચટણી તૈયાર કરવાની જરૂર છે. ચટણી તૈયાર કરવા માટે બધી સામગ્રીને મિક્સરમાં પીસી લો. ચટણી જાડી અને મસાલેદાર હોવી જોઈએ.
એક નોન-સ્ટીક તવાને ગરમ કરો અને તેના પર થોડું ખીરું રેડો, તેને પાતળું ફેલાવો. પછી, ઢોસા પર મૈસુર ચટણીનું પાતળું પડ ફેલાવો. ઢોસા પર થોડું તેલ છાંટો. ઢોસા ક્રિસ્પી થઈ જાય પછી, બટાકાનો મસાલો મધ્યમાં મૂકો અને તેને ફોલ્ડ કરો.
મૈસુર મસાલા ઢોસાને નારિયેળની ચટણી અને સાંભાર સાથે ગરમાગરમ પીરસો.