નાસ્તા માટે ઘરમાં બનાવો બટાકા લોલીપોપ, એકદમ હટકે રેસીપી આવી રીતે તૈયાર કરો

potato lollipop recipe : શિયાળાની ઠંડીની સિઝનમાં ભૂખ કકડીને લાગે છે. સાંજે નાસ્તો ખાવાની પણ ઇચ્છા થાય છે. આ સંજોગોમાં તમારે અલગ અને સ્વાદિષ્ટ નાસ્તો બનાવવો હોય તો અમે કઇંક અલગ રેસીપી જણાવી રહ્યા છીએ. આ રેસીપીનું નામ બટાકા લોલીપોપ છે. જે એકદમ ટેસ્ટી બને છે. આવો તેની સ્વાદિષ્ટ રેસીપી વિશે જાણીએ.

બટકા લોલીપોપ બનાવવાની સામગ્રી

1 કપ - બાફેલા અને છીણેલા બટાકા 
1 - નાની કાપેલી ડુંગળી
1/4 કપ - તાજા બ્રેડના ટુકડા
1 મોટી ચમચી - આદુ-લસણની પેસ્ટ
1/4 ચમચી - લાલ મરચું પાવડર
1 ચમચી - કોથમીર પાઉડર
1 ચમચી - શેકેલું જીરું પાવડર 
1 ચમચી - ચાટ મસાલા મીઠું
મીઠું સ્વાદ મુજબ 
1 મોટી ચમચી લીંબુનો રસ

બહારના પરત માટે

1 મોટી ચમચી મેંદો
3 મોટી ચમચી પાણી
1/2 કપ બ્રેડ ક્રમ્સ
ટૂથપીક્સ/પાતળી બ્રેડસ્ટિક્સ

બટાકા લોલીપોપ બનાવવાની રીત

સૌ પ્રથમ એક બાઉલ લો. તેમાં બટાકા, ડુંગળી, લીલા મરચાં, લાલ મરચું પાવડર, જીરું પાવડર, કોથમીર પાવડર, ચાટ મસાલા, લીંબુનો રસ, આદુ-લસણની પેસ્ટ, મેંદો, બ્રેડક્રમ્સ અને મીઠું મેળવી સારી રીતે મિક્સ કરી લો. ધ્યાનમાં રહે કે તેમાં કોઈ ગઠ્ઠો ના રહી જાય. આ સમયે તમે તેમાં થોડો મેંદો પણ ઉમેરી શકો છો. આ પછી થોડા બ્રેડક્રમ્સ ઉમેરો.

આ પણ વાંચો - નવા વર્ષે બનાવો ડ્રાયફ્રુટ હલવો રેસીપી, એકદમ પૌષ્ટિક

 ત્યારબાદ મિશ્રણના નાના-નાના બોલ બનાવો અને તેને હળવા રોલ કરો. તેમને ક્રિસ્પી અને સ્વાદિષ્ટ બનાવવા માટે, તળતા પહેલા બટાકાના બોલને ફરી એકવાર બ્રેડક્રમ્સમાં લપેટી લો. પછી એક વાસણમાં થોડું તેલ ગરમ કરો. હવે તમારે બોલને તેજ ફ્લેમ પર તળવાના છે. તળતી વખતે તેને વચ્ચે-વચ્ચે હલાવતા રહો. 

જ્યારે તે ગોલ્ડન બ્રાઉન થાય ત્યારે તેને બહાર કાઢો અને તેને ટિશ્યુ પેપર પર રાખો. તેમને લોલીપોપ્સ જેવા દેખાવા માટે પીરસતા પહેલા તેમને ટૂથપીકથી છેદ કરી દો. તમારો ક્રિસ્પી સાંજનો નાસ્તો તૈયાર છે.