Protein Rich Soup For Winter | શિયાળામાં પીવો આ પ્રોટીનથી ભરપુર સૂપ, વજન ઘટાડવાથી લઈને આયર્ન ઉણપ દૂર કરવામાં કરશે મદદ

Protein Rich Soup Recipe In Gujarati | કાળા ચણાનો સૂપ સૌથી સ્વાદિષ્ટ સૂપમાંથી એક છે. તે ફક્ત સ્વાદને જ નહીં પરંતુ તમારા શરીરને હૂંફ પણ આપશે. આપણામાંથી મોટાભાગના લોકો ચણાને શાક બનાવી ખાય છે. પરંતુ સૂપના રૂપમાં ચણા ખાવા ખરેખર રસપ્રદ છે. ચણા વજન ઘટાડવા અને તમારી એનર્જી વધારવા માટે યોગ્ય છે. ફક્ત તમને જ નહીં પરંતુ તમારા બાળકોને પણ સુપમાં ભાવશે.

કાળા ચણા સૂપમાં આયર્નનો સમૃદ્ધ સ્ત્રોત છે અને તેમાં ઓછી ચરબી હોય છે જે વજન ઘટાડવામાં પણ મદદ કરે છે. વધુમાં તે તમારા હિમોગ્લોબિન લેવલને  જાળવવામાં મદદ કરે છે. કાળા ચણામાં સોડિયમ અને કાર્બોહાઇડ્રેટ્સ પણ હોય છે. તે પાચનમાં મદદ કરી શકે છે. ચણાના ફાયદાઓમાં મોંના ચાંદા અટકાવવાનો પણ સમાવેશ થાય છે અને તે રોગપ્રતિકારક શક્તિ વધારવા માટે ઉત્તમ છે.

જો તમે તમારા ડાયટમાં કાળા ચણા ઉમેરો છો તો તે ખરેખર સારું અને ફાયદાકારક રહેશે. તમારા સારા સ્વાસ્થ્યને જાળવવા માટે અઠવાડિયામાં એક કે બે વાર કાળા ચણાનું સેવન કરવાનો પ્રયાસ કરો.

કાળા ચણા સૂપ રેસીપી 

સામગ્રી:

1 કપ કાળા ચણા 
4 કપ પાણી પલાળી/ઉકાળવા માટે
મીઠું સ્વાદ મુજબ
3-4 કળી લસણ
1 ઇંચ આદુ
1 તમાલપત્ર
1 ડુંગળી 
1 ચમચી કાળા મરી
મીઠું સ્વાદ મુજબ
1 ચમચી ચાટ મસાલો
1 ચમચી ઘી
1 ચમચી જીરું

ઇન્સ્ટન્ટ કેરેટ કેક રેસીપી, ન્યુ યર સેલિબ્રેશન માટે બનાવો, ઝટપટ નોંધી લો રેસીપી

કાળા ચણા સૂપ બનાવાની રીત 

સૌ પ્રથમ કાળા ચણાને ધોઈને 5-6 કલાક/રાતભર પલાળી રાખો.
કાળા ચણાને પાણી, મીઠું, આદુ, લસણ, તમાલપત્ર અને ડુંગળી સાથે 4-5 સીટી સુધી પ્રેશર કુક કરો.
ઠંડુ થવા દો. તમાલપત્ર કાઢી લો.
ચણાના પાણીના સૂપ સાથે બ્લેન્ડરમાં ટ્રાન્સફર કરો.
કઢાઈમાં પાછો બ્લેન્ડ કરેલ સૂપ નાખો, કાળા મરી, મીઠું અને ચાટ મસાલો ઉમેરો.
ઘી અને જીરું નાખીને મિક્સ કરો અને ગરમ ગરમ સૂપ સર્વ કરો.