26 મી જાન્યુઆરી પર બનાવો ટેસ્ટી ત્રિરંગી પુલાવ, જાણો સિક્રેટ રેસીપી

પ્રજાસત્તાક દિવસ (Republic Day) એ આપણા બધા માટે એક ખાસ દિવસ છે, આ દિવસ આપણા દેશની સ્વતંત્રતા અને બંધારણના મહત્વ સમજાવે છે. આ દિવસને ખાસ બનાવવા માટે તમે તમારા ઘરમાં એક ખાસ અને રંગબેરંગી રેસીપી  બનાવી શકો છો,જે દેશભક્તિનો અહેસાસ કરાવશે, ટ્રાઇ કલર પુલાવ (Tri Color Pulao) એક એવી સ્વાદિષ્ટ અને કલરફુલ રેસીપી છે, અહીં જાણો સ્વાદિષ્ટ ટ્રાઇ કલર પુલાવ રેસીપી 

ટ્રાઇ કલર પુલાવ રેસીપી 

સામગ્રી 

1 કપ  બાસમતી ચોખા 
2 કપ પાણી
 2 ચમચી તેલ
½ કપ ગાજર (છીણેલું)
1 ઇંચ આદુ (છીણેલું)
½ કપ કેપ્સીકમ (બારીક સમારેલ)
½ કપ પાલક (પેસ્ટ બનાવી),
½ કપ લીલા વટાણા
1 ચમચી જીરું
2-3 તજ, 
એલચી
લવિંગ (આખા)
½ ટીસ્પૂન હળદર પાવડર
½ ટીસ્પૂન લાલ મરચું પાવડર
સ્વાદ માટે મીઠું
થોડી કોથમીર

ટામેટા વટાણા ઓળો રેસીપી, ઓછી મહેનતે બનશે ધાબા સ્ટાઇલ, બધાને ભાવશે !

ત્રિરંગી પુલાવ રેસીપી 

સૌ પ્રથમ બાસમતી ચોખાને સારી રીતે ધોઈ લો અને તેને 15-20 મિનિટ માટે પલાળી રાખો, જેથી ચોખા નરમ થઈ જાય. પાલકના પાનને સારી રીતે ધોઈ લો, તેને ઉકાળો અને પછી તેને મિક્સરમાં પીસીને પેસ્ટ બનાવો. આનો ઉપયોગ ત્રિ-રંગી લીલો પડ આપવા માટે થશે.
ગાજરને છીણીને એક અલગ બાઉલમાં રાખો. આ ત્રિ-રંગી ઓરેન્જ લેયર બનાવશે. હવે એક પેનમાં તેલ ગરમ કરો અને તેમાં જીરું, તજ, એલચી અને લવિંગ ઉમેરો. જ્યારે સુગંધ આવવા લાગે ત્યારે તેમાં આદુ અને લીલા વટાણા નાખીને થોડી સેકંડ માટે સાંતળો.
હવે તેમાં મીઠું, હળદર અને લાલ મરચું પાવડર ઉમેરીને બરાબર મિક્ષ કરી લો. ચોખા ઉમેરો અને તેને 2-3 મિનિટ માટે ફ્રાય કરો જેથી મસાલો ચોખામાં સારી રીતે ઓગળી જાય. હવે 2 કપ પાણી ઉમેરો અને ચોખાને રાંધવા માટે છોડી દો.
ચોખા કુક કર્યા પછી, તેને ત્રણ ભાગમાં વહેંચો. એક ભાગમાં છીણેલું ગાજર ઉમેરો અને થોડું મિક્સ કરો. બીજો ભાગ જેમ છે તેમ રહેવા દો (વાઈટ રાઈસ), ત્રીજા ભાગમાં પાલકની પેસ્ટ ઉમેરો અને સારી રીતે મિક્સ કરો.
હવે ત્રણેય રંગના ચોખાને એક વાસણમાં એકસાથે રાખો. સૌપ્રથમ ગાજર ચોખા, પછી પાલક અને પછી સફેદ ચોખા ઉમેરો અને હળવા હાથે મિક્સ કરો. ઉપર તાજા કોથમીરથી ગાર્નિશ કરો. હવે તમારો ટ્રાય કલર પુલાવ તૈયાર છે.