Google ની નવી શોપિંગ ટેકનોલોજી: ઘર બેઠા AI સાથે ચેટ કરીને કરો શોપિંગ, Amazon અને Flipkart ને ટક્કર આપશે Gemini

Google ની નવી શોપિંગ ટેકનોલોજી: આર્ટિફિશિયલ ઇન્ટેલિજન્સ (AI) ની દુનિયામાં ગૂગલે એક મોટું ડગલું ભર્યું છે. રવિવાર, 11 January ના રોજ ગૂગલે તેના Gemini AI ચેટબોટ માટે નવા શોપિંગ ટૂલ્સ જાહેર કર્યા છે. હવે યુઝર્સ ગૂગલ સર્ચ કે Gemini એપમાં પ્રોડક્ટ વિશે રિસર્ચ કરવાની સાથે જ ત્યાંથી સીધી ખરીદી કરી શકશે. આ માટે ગૂગલે Google Pay સાથે ઇન્ટિગ્રેશન કર્યું છે.

Universal Commerce Protocol (UCP): શોપિંગની નવી ભાષા

ગૂગલે આ આખી સિસ્ટમ 'Universal Commerce Protocol' (UCP) નામના નવા ઓપન સ્ટાન્ડર્ડ પર બનાવી છે. આ પ્રોટોકોલ AI એજન્ટ્સ અને પેમેન્ટ પ્લેટફોર્મ્સ વચ્ચે એક કોમન લેંગ્વેજ તરીકે કામ કરશે. આનાથી પ્રોડક્ટ શોધવાથી લઈને પેમેન્ટ અને ડિલિવરી સુધીની તમામ પ્રક્રિયા એક જ વિન્ડોમાં પૂર્ણ થશે. આ ફીચર હાલમાં US-આધારિત પસંદગીના રિટેલર્સ માટે ઉપલબ્ધ કરાયું છે.

ગૂગલ દ્વારા કરવામાં આવેલી અન્ય મહત્વની જાહેરાતો

Business Agent (વર્ચ્યુઅલ સેલ્સ આસિસ્ટન્ટ)

યુઝર્સ હવે ગૂગલ સર્ચમાં જ કોઈ બ્રાન્ડના AI ચેટબોટ સાથે વાત કરી શકશે. આ એજન્ટ બ્રાન્ડના અવાજમાં પ્રોડક્ટ સંબંધિત પ્રશ્નોના જવાબ આપશે અને ગ્રાહકને ખરીદી કરવામાં મદદ કરશે.

Direct Offers (સીધી ડિસ્કાઉન્ટ ઓફર)

રિટેલર્સ હવે AI મોડમાં યુઝર્સને સીધી જ એક્સક્લુઝિવ ઓફર્સ (જેમ કે 20% ડિસ્કાઉન્ટ) બતાવી શકશે. ગૂગલનું AI નક્કી કરશે કે કયા યુઝરને કયા સમયે કઈ ઓફર બતાવવી સૌથી વધુ સુસંગત રહેશે.

Gemini Enterprise for CX

આ ટૂલ રિટેલર્સને એવા AI એજન્ટ્સ તૈયાર કરવામાં મદદ કરશે જે આખી કસ્ટમર સાયકલ સંભાળી શકે. ઉદાહરણ તરીકે, કોઈ રેસ્ટોરન્ટ માટેનો AI એજન્ટ મોબાઈલ, કિઓસ્ક કે કારની સિસ્ટમ દ્વારા ઓર્ડર લઈ શકશે અને મેનુને રિયલ ટાઈમમાં અપડેટ કરશે.

AI શોપિંગમાં વધતી સ્પર્ધા

ગૂગલની આ જાહેરાત Amazon, OpenAI અને Perplexity જેવી કંપનીઓ સાથેની તેની સ્પર્ધાને વધુ તેજ બનાવશે. તમામ દિગ્ગજ ટેક કંપનીઓ હવે ચેટબોટને 'વન-સ્ટોપ શોપિંગ ડેસ્ટિનેશન' બનાવવાની રેસમાં છે.

એમેઝોન ગ્રેટ રિપબ્લિક ડે સેલની જાહેરાત, સ્માર્ટફોન, લેપટોપ, ટીવી, ફ્રિઝ પર મળશે બમ્પર છૂટ

ગૂગલ એડ્સ અને કોમર્સના વાઈસ પ્રેસિડેન્ટ વિદ્યા શ્રીનિવાસને જણાવ્યું હતું કે, "અમે એવા ભવિષ્યમાં માનીએ છીએ જ્યાં કોમર્સ ઓપન અને સહયોગી હોય, જેથી દરેક વ્યવસાય સફળ થઈ શકે.