21 દિવસ સુધી રોજ રાત્રે અજમાનું પાણી પીવાથી શરીરને કેટલા ફાયદા અને નુકસાન થાય?

લાઇફ સ્ટાઇલ | સૂતા પહેલા અજમાનું પાણી પીવું એ ઘણા ભારતીય ઘરોમાં સામાન્ય છે. ખાસ કરીને પાચનતંત્રની તકલીફ માટે. પેટનું ફૂલવું, ગેસ અને એસિડિટી જેવી સમસ્યાઓ માટે ઘણીવાર તેની ભલામણ કરવામાં આવે છે. આ સરળ આદત ખરેખર કામ કરે છે કે કેમ તે જોવા માટે એક વ્યક્તિએ 21 દિવસ સુધી દરરોજ રાત્રે અજમાનું પાણી પીવાનું નક્કી કર્યું હતું.

ત્રણ અઠવાડિયાની રૂટિન દરમિયાન દરરોજ અજમાનું પાણી પીવાનો અનુભવ

અજમાનું પાણી બનાવાની રીત 

અજમાનું પાણી બનાવવું સરળ હતું અને તેમાં ખૂબ જ ઓછી મહેનતની જરૂર પડે છે. એક કપ પાણીમાં એક ચમચી અજમો થોડી મિનિટો માટે ઉકાળો. પછી તેને દરરોજ રાત્રે સૂતા પહેલા લગભગ 30 મિનિટ પહેલાં પીવો. 

Diabetes Tips : ડાયાબિટીસ દવા વગર કન્ટ્રોલ થશે, સવારે આ 3 ચીજ ખાઓ, કુદરતી ઇન્સ્યુલિન જેમ કામ કરશે

21 દિવસ પછી શું થાય?

પહેલા અઠવાડિયામાં પાચનમાં સ્પષ્ટ સુધારો થાય છે. જે વ્યકિતએ 21 દિવસ આ પાણી પીધું તે રાજેશ સોની કહે છે, 'રાત્રે ભોજન પછી મને સામાન્ય રીતે જે ભારેપણું લાગતું હતું તે ઓછું થયું, અને પેટનું ફૂલવું અને ગેસ થવાનું પણ ઓછું થયું. જેમ જેમ દિવસો પસાર થતા ગયા, રાત્રિના સમયે એસિડિટી પણ ઓછી થઈ, જેનાથી ઊંઘ વધુ આરામદાયક બની હતી. અજમાનું પાણી ઊંઘનો ઉપાય નથી, પણ પાચનતંત્રની તકલીફમાંથી રાહત મળવાથી મારા શરીરને સૂતા પહેલા આરામ મળ્યો હતો. ઊંઘ આવવાનું સરળ લાગ્યું, અને અપચો જેવું લાગતું ન હતું.'

હૃદયરોગનો હુમલો આવે તો સૌથી પહેલા શું કરવું? પહેલી એક કલાકનું મહત્વ

બીજો એક નોંધપાત્ર ફેરફાર એ હતો કે મોડી રાત્રે નાસ્તો ઓછો થયો. અજમાનું પાણી પીવાથી પેટ ભરેલું હોવાની હળવી લાગણી થઈ, જેનાથી સૂતા પહેલા બિનજરૂરી ક્રેવિંગને નિયંત્રિત કરવામાં મદદ મળી હતી. વજનમાં કોઈ ડ્રામા  ઘટાડો થયો નહીં, પરંતુ પેટનું ફૂલવું ઓછું થવાથી મારું પેટ હળવું લાગતું હતું.

આડઅસરો અને કોણે સાવધ રહેવું જોઈએ? 

જે દિવસોમાં મેં અજમાની ભલામણ કરેલ માત્રા કરતાં વધુ માત્રામાં ઉપયોગ કર્યો હતો તે દિવસોમાં તેનો સ્વાદ ખૂબ જ તીવ્ર અને થોડો બળતરાકારક લાગતો હતો. આનાથી સ્પષ્ટ થયું કે સંયમિતતા મહત્વપૂર્ણ છે. અજમાનું પાણી દરેકને અનુકૂળ ન પણ આવે ખાસ કરીને અલ્સર, ગંભીર એસિડિટીની સમસ્યાઓ ધરાવતા લોકો અથવા ગર્ભવતી લોકો માટે. તેને રોજિંદા આદત બનાવતા પહેલા ડૉક્ટરની સલાહ લેવી સલાહભર્યું છે.

એકંદરે 21 દિવસ સુધી સૂતા પહેલા અજમાનું પાણી પીવાથી પાચનમાં સુધારો થાય છે અને રાત્રિની અગવડતા ઓછી થાય છે. આ એક સરળ સસ્તી આદત છે જે હળવી પાચન સમસ્યાઓથી પીડાતા લોકો માટે સારી રીતે કામ કરી શકે છે, જો તે કાળજીપૂર્વક પીવામાં આવે તો.

(ડિસ્ક્લેમર : લેખમાં લખેલી સલાહ અને સૂચનો માત્ર સામાન્ય માહિતી છે. કોઈપણ પ્રકારની સમસ્યા અથવા પ્રશ્ન માટે, ચોક્કસપણે નિષ્ણાતની સલાહ લો.)