સ્થૂળતાથી પરેશાન લોકો અનેક પ્રકારના ઉપાય અજમાવતા હોય છે પરંતુ કોઈ ફાયદો થતો નથી. જીમમાં કલાકો સુધી પરસેવો પાડ્યા પછી અને ખાવામાં ઘણી વસ્તુઓ ટાળ્યા પછી પણ જો તમારું વજન નથી ઘટતું તો આ થોડા નિયમોનું પાલન કરીને તમે ઝડપથી વજન ઘટાડી શકો છો. તમારે આ નિયમનું પાલન કરવાની ઉંમર કેટલી છે તેના પર કોઈ બંધન નથી. આ 80/20 નિયમથી તમે ઝડપથી વજન ઘટાડી શકો છો.
80/20 આહાર નિયમ શું છે?
તેને ફોલો કરતા પહેલા જાણી લો કે 80/20 ડાયટનો નિયમ શું છે? આ નિયમ અનુસાર, તમને 80% સમય પૌષ્ટિક ખોરાક ખાવા માટે કહેવામાં આવે છે જ્યારે તમે 20% સમય માટે તમારી મનપસંદ વાનગી ખાઈ શકો છો. આરોગ્ય નિષ્ણાતોના મતે, કેલરી અને કાર્બોહાઇડ્રેટ્સની ગણતરી કરવાની પણ જરૂર નથી. ઉપરાંત, આહારનું પાલન કરવાથી વધતા કોલેસ્ટ્રોલને કંટ્રોલ કરવામાં મદદ મળે છે.
આ પણ વાંચો: અભ્યાસ : સેકન્ડહેન્ડ સ્મોક અને COVID-19 વચ્ચે ગંભીર સબંધ, જાણો અહીં
80/20 આહાર નિયમનું પાલન કરો
આહારના આ નિયમ અનુસાર તમારા આહારમાં વિવિધ રંગોની શાકભાજીની માત્રા વધારવી. વધુ ફળો અને શાકભાજી ખાઓ જે તમારા પાચનને સુધારવા કરવા માટે એન્ટીઑકિસડન્ટો પ્રદાન કરે છે. તમે મોસમી શાકભાજીને તમારી પસંદગી પ્રમાણે બાફીને અને શેકીને તેનું સેવન કરી શકો છો, પરંતુ તેમાં મીઠું અને તેલનું ધ્યાન રાખવું ખૂબ જ જરૂરી છે.
આહારમાં ડેરી ઉત્પાદનો અને પ્રોટીનનો સમાવેશ કરો
જ્યારે આપણે વજન ઘટાડવાનું વિચારીએ છીએ ત્યારે સૌપ્રથમ આપણે ડેરી ઉત્પાદનોમાંથી પોતાને દૂર કરવાનું વિચારીએ છીએ, જે એક ખોટી માન્યતા છે. 80/20 મુજબ, એવું કહેવાય છે કે ડેરી ઉત્પાદનો વજન ઘટાડવામાં ઘણી મદદ કરે છે. આ કિસ્સામાં, તમે વજન ઘટાડવા માટે ચરબી રહિત દૂધનો ઉપયોગ કરી શકો છો. આ સાથે, તમારી પ્લેટમાં પ્રોટીનની માત્રા લેવાનું ભૂલશો નહીં.
આ પણ વાંચો: સુષ્મિતા સેન: જીમ જવું રહ્યું ફાયદાકારક, હાર્ટ એટેકથી બચવામાં મળી મદદ
પ્લેટમાં તમારી મનપસંદ વસ્તુઓ શામેલ કરો
આ ગોલ્ડન રુલની સૌથી સારી વાત એ છે કે તમે તેમાં તમારું મનપસંદ ખોરાક પણ લઈ શકો છો. જો તમને રાત્રે મીઠાઈ ખાવાનું મન થાય તો તમે ખાઈ શકો છો. તમે તમારી પ્લેટમાં આવી 20% વસ્તુઓનો સમાવેશ કરી શકો છો, જે તમને ખૂબ ગમે છે. જો કે, તે ધ્યાનમાં રાખવું ખૂબ જ મહત્વપૂર્ણ છે કે તમારે તેની માત્રા ખુબજ મર્યાદિત રાખવી જોઈએ.
