હલવો ભૂલી જશો! ઠંડુ ઠંડુ ગાજર દૂધ બનાવાની ઝટપટ રેસીપી નોંધી લો

જીવનશૈલી | ગાજર દૂધ (Carrot milk) એક ઇન્ડિયન ડ્રિંક છે જે ખાસ કરીને શિયાળામાં બનાવવામાં આવે છે જ્યારે બજારમાં ફ્રેશ લાલ ગાજર ઉપલબ્ધ હોય છે. ગાજર દૂધ એક સ્વાદિષ્ટ પીણું છે જે મોટાભાગે ભારતીય રસોડામાં ઉપલબ્ધ ઘટકોનો ઉપયોગ કરીને 30 મિનિટથી ઓછા સમયમાં બનાવી શકાય છે.

ગાજર દૂધ રસદાર અને મીઠા લાલ ગાજરનો ઉપયોગ કરીને બનાવવામાં આવે ત્યારે તેનો સ્વાદ બેસ્ટ લાગે છે પરંતુ જો લાલ ગાજર ઉપલબ્ધ ન હોય તો તમે ઓરેન્જ કલરના ગાજરનો ઉપયોગ કરીને પણ બનાવી શકો છો.

ગાજર દૂધ મોટે ભાગે ગરમ પીરસવામાં આવે છે પરંતુ જો તમે ઇચ્છો તો, તમે તેને થોડા કલાકો માટે ઠંડુ કરી શકો છો અને તેને બદામના દૂધની જેમ ઠંડુ કરીને પીરસી શકો છો. તમે તેને નાસ્તામાં સાંજના નાસ્તામાં અથવા સૂતા પહેલા પીરસી શકો છો.

ગાજર દૂધ રેસીપી 

સામગ્રી:

750 દૂધ મિલી
2 છીણેલા ગાજર
5-6 ખજૂર
7-8 પલાળેલી બદામ
1 ચમચી હળદર
1/2 ચમચી એલચી પાવડર
1/2 ચમચી કાળા મરી

ઓવન, મેંદો કે ખાંડ વગર બનાવો ઘરેજ હેલ્ધી અને ટેસ્ટી ખજૂર કોફી કેક બનાવો, આ રહી સરળ રેસીપી

ગાજર દૂધ બનાવવાની રીત

સૌ પ્રથમ ગાજરને છીણી લો, તેને ખજૂર, પલાળેલી બદામ અને દૂધ સાથે બ્લેન્ડરમાં ઉમેરો. એક સોફ્ટ મિશ્રણ બનાવો.
મિશ્રણને એક કડાઈમાં નાખો, તેમાં હળદર પાવડર, ઈલાયચી પાવડર, કાળા મરી ઉમેરો. સારી રીતે મિક્સ કરો, ધીમા તાપે ઉકળવા દો અને 10-15 મિનિટ સુધી ઉકળવા દો અને ઠંડુ કરીને પીવો.