પ્રોટીનથી ભરપૂર ભુરજી, પનીર વગર પણ બનશે મટર ભુરજી ટેસ્ટી અને હેલ્ધી, જાણો સિક્રેટ રેસીપી

 જીવનશૈલી | શિયાળા (winter) માં માર્કેટમાં લીલા વટાણા ભરપૂર જોવા મળે છે, અને આપણે હંમેશા તેને વિવિધ વાનગીઓમાં ઉમેરીએ છીએ જે ડીશની સ્વાદ વધારે છે. આપણે ઘણીવાર પુલાવ અથવા શાકની વાનગીઓમાં વટાણાનો ઉપયોગ કરીએ છીએ, પરંતુ શું તમે ક્યારેય મટર ભુર્જીનો સ્વાદ ચાખ્યો છે? જો નહિ તો આ રેસીપી તમારા માટે છે. 

મટર ભુર્જી (Matar Bhurji) ખાવામાં સ્વાદિષ્ટ જ નથી પણ પ્રોટીનથી પણ ભરપૂર છે, જે તમારા ભોજનને કંટાળાજનક નહિ પણ સુપર ટેસ્ટી બનાવી શકે છે. સૌથી મહત્વની વાત એ છે કે તેને તૈયાર કરવામાં ફક્ત 10 મિનિટ લાગે છે. અહીં જાણો મસાલેદાર મટર ભુરજી ની સરળ રેસીપી 

મટર ભુરજી રેસીપી 

સામગ્રી

1 કપ (બાફેલા અથવા છીણેલા) લીલા વટાણા
1 બારીક સમારેલી ડુંગળી
2 બારીક સમારેલ ટામેટા
2 બારીક સમારેલા લીલા મરચાં
1 નાનો ટુકડો છીણેલું આદુ
1/2 ચમચી જીરું 
1/4 ચમચી હળદર પાવડર
લાલ મરચું પાવડર - સ્વાદ મુજબ
1/2 ચમચી ધાણા પાવડર
મીઠું - સ્વાદ મુજબ
2 ચમચી તેલ 
કોથમીર સજાવટ માટે

ખાલી પેટ ભૂલથી પણ આ ખોરાક ખાવો નહિ, કરશે આ સ્વાસ્થ્ય સમસ્યા

મટર ભુરજી રેસીપી 

સૌ પ્રથમ લીલા વટાણાને બાફીને હળવા હાથે મેશ કરો અથવા મિક્સરમાં બારીક પીસી લો. એક કડાઈમાં તેલ ગરમ કરો અને તેમાં જીરું ઉમેરો.
હવે તેમાં ડુંગળી ઉમેરો અને તે આછા સોનેરી થાય ત્યાં સુધી સાંતળો. આદુ અને લીલા મરચાં ઉમેરો અને સુગંધ આવે ત્યાં સુધી સાંતળો.
હવે ટામેટાં અને મસાલા (હળદર, લાલ મરચું, ધાણા પાવડર, મીઠું) ઉમેરો અને સારી રીતે શેકો.
જ્યારે મસાલામાંથી તેલ છૂટવા લાગે, ત્યારે તેમાં વટાણા ઉમેરો અને સારી રીતે મિક્સ કરો. ધીમા તાપે 3-4 મિનિટ સુધી શેકો. ઉપરથી કોથમીર ઉમેરો અને ગેસ બંધ કરો અને સર્વ કરો.