શિયાળો પૂરો થાયએ પહેલા લીલાછમ સૂપની મજા માણો, જાણો પાલક મટર સૂપ રેસીપી

જીવનશૈલી | શિયાળામાં શરીરને ગરમ રાખવા માટે સૂપ પીવો એ એક લ્હાવો છે. ગરમ સૂપ દિવસનો થાક દૂર કરવામાં મદદ કરી શકે છે. શિયાળામાં લીલા વટાણા અથવા પાલક ઘરે ઘરમાં હોય જ છે, તેથી અહીં સ્વાદિષ્ટ સૂપની રેસીપી શેર કરી છે. 

તમે ઘરે ફક્ત થોડી સામગ્રી અને ઓછી મહેનતથી સરળતાથી પાલક મટર સૂપ બનાવી શકો છો. જે બધાને ભાવશે, અહીં જાણો પાલક મટર સૂપ રેસીપી 

પાલક મટર સૂપ રેસીપી

સામગ્રી   

2 કપ (ધોઈને સમારેલી) પાલક 
અડધો કપ લીલા વટાણા
1 બારીક સમારેલી ડુંગળી 
3-4 કળી (ઝીણી સમારેલી) લસણ
2 બારીક સમારેલ લીલા મરચાં
1 ચમચી તેલ 
સ્વાદ મુજબ મીઠું
અડધી ચમચી કાળા મરી પાવડર 
3 કપ પાણી
1 નાના  લીંબુનો રસ

ઓવન, મેંદો કે ખાંડ વગર બનાવો ઘરેજ હેલ્ધી અને ટેસ્ટી ખજૂર કોફી કેક બનાવો, આ રહી સરળ રેસીપી

પાલક મટર સૂપ રેસીપી

સૌપ્રથમ એક વાસણમાં તેલ ગરમ કરો. તેમાં ડુંગળી અને લસણ ઉમેરો અને હળવા સોનેરી થાય ત્યાં સુધી સાંતળો. લીલા મરચાં ઉમેરો અને ૧ મિનિટ માટે સાંતળો. 
સમારેલી પાલક અને વટાણા ઉમેરો અને થોડી મિનિટો માટે સાંતળો. પછી, મિશ્રણમાં 3 કપ પાણી ઉમેરો. મીઠું અને મરી ઉમેરો અને ધીમા તાપે 5 મિનિટ સુધી ઉકાળો.  
હવે તાપ બંધ કરો અને સૂપને ઠંડુ થવા દો. તેને મિક્સર અથવા બ્લેન્ડરમાં ટ્રાન્સફર કરો અને સ્મૂધ પેસ્ટ બનાવો. જો સૂપ ખૂબ જાડો લાગે, તો થોડું પાણી ઉમેરો અને ફરીથી બ્લેન્ડ કરો. તેને એક બાઉલમાં ટ્રાન્સફર કરો અને તેને ધીમા તાપે 5 મિનિટ માટે પાછું ગરમ ​​કરો. 
સૂપનો સ્વાદ વધારવા માટે તેમાં લીંબુનો રસ ઉમેરો. હવે, ગરમાગરમ સૂપને એક બાઉલમાં પીરસો અને તેને કાળા મરી પાવડર અને કોથમીરથી સજાવો.