BBC Incom Tax raid : આવકવેરા વિભાગે (Incom Tax) મંગળવારે દિલ્હી અને મુંબઈમાં બ્રિટિશ બ્રોડકાસ્ટિંગ કોર્પોરેશન (બીબીસી)ની ઓફિસો પર દરોડા પાડ્યા હતા. બંને ઓફિસમાં હજુ પણ દરોડાની કાર્યવાહી ચાલુ છે. ટીમ અનેક દસ્તાવેજો ઉપરાંત કોમ્પ્યુટરની તપાસ કરી રહી છે. સરકારે સ્પષ્ટ કર્યું છે કે, આવકવેરા વિભાગ દ્વારા બીબીસીનો સર્વે કરવામાં આવી રહ્યો છે. આ દરોડાથી અલગ કાર્યવાહી છે. સૂત્રોના જણાવ્યા અનુસાર BBC પર ટ્રાન્સફર પ્રાઇસિંગ નિયમોનું પાલન ન કરવાનો આરોપ છે. આખરે શું છે આ? ચાલો તેના વિશે વિગતવાર સમજીએ.
શું હોય છે ટ્રાન્સફર પ્રાઈસિંગ
એક પક્ષ કિંમત માટે અન્ય પક્ષને માલ અથવા સેવાઓ ટ્રાન્સફર કરી શકે છે, જે “ટ્રાન્સફર પ્રાઈસ” તરીકે ઓળખાય છે. આ પ્રક્રિયામાં, એક જ કંપનીના જુદા જુદા વિભાગો એકબીજામાં માલ અથવા સેવાઓ ખરીદે છે અને વેચે છે, તો તેને ટ્રાન્સફર પ્રાઇસિંગ કહેવામાં આવે છે. સાદી ભાષામાં કહીએ તો, જો કોઈ સેવા અથવા વસ્તુને પૈસાને બદલે ચુકવણી માટે બે વિભાગો વચ્ચે ટ્રાન્સફર કરવામાં આવે છે, તો તેને ટ્રાન્સફર પ્રાઇસિંગ કહેવામાં આવે છે.
ટ્રાન્સફર પ્રાઈસિંગ કેવી રીતે કામ કરે છે?
ઉદાહરણ તરીકે, ધારો કે કંપની A રૂ. 100માં માલ ખરીદે છે અને તેને બીજા દેશમાં તેની પોતાની કંપની Bને રૂ. 200માં વેચે છે, જે બદલામાં તેને ખુલ્લા બજારમાં રૂ. 400માં વેચે છે. જો કોઈ કંપનીએ આ વસ્તુને સીધી બજારમાં વેચી હોત, તો તેને 300 રૂપિયાનો નફો થયો હોત પરંતુ B કંપની દ્વારા તેને રૂટ કરીને, તેણે A કંપનીનો નફો 100 રૂપિયા સુધી મર્યાદિત કર્યો હતો.
આ પણ વાંચો – બીબીસીની માલિકી કોની છે અને તે કેવી રીતે કામ કરે છે?
BBC કેસમાં શું આરોપો છે?
સૂત્રોના જણાવ્યા અનુસાર બીબીસી આવકવેરા વિભાગના નિયમોનું પાલન નથી કરી રહી. જેના કારણે વિભાગને કરચોરીની આશંકા છે. આ અંગે સર્વે કરવામાં આવી રહ્યો છે. ટ્રાન્સફર પ્રાઈસિંગ નિયમમાં, કંપની અથવા એન્ટિટી પેટાકંપનીઓ અથવા સહયોગી કંપનીઓને આપવામાં આવે છે. આ મોટાભાગે ટેક્સ બચાવવા માટે કરવામાં આવે છે. આમાં, જે દેશમાં કોઈ વસ્તુનો ટેક્સ ઓછો હોય છે, તો તેને બીજી કંપનીમાં ટ્રાન્સફર કરવામાં આવે છે. આ સર્વેમાં આવકવેરા વિભાગ આ અંગે તપાસ કરી રહ્યું છે.
ઉલ્લેખનીય છે કે, બીબીસીના નાણાકીય વિભાગમાં કેટલાક દસ્તાવેજોની પુષ્ટિ થઈ રહી છે. સૂત્રોના જણાવ્યા અનુસાર, તપાસ દરમિયાન ઓફિસમાં હાજર તમામ લોકોના મોબાઇલ ફોન જપ્ત કરવામાં આવ્યા હતા. સાથે જ કમ્પ્યૂટરને પણ સ્કેન કરવામાં આવ્યા છે. વધુમાં ટીમ ટેબલેટ, મોબાઈલનું બેકઅપ લઈ રહી છે. સૂત્રો અનુસાર, તમામ માહિતી એકત્ર કર્યા બાદ તમામ વસ્તુ હેન્ડઓવર કરી દેવામાં આવશે.
બીબીસી ઓફિસમાં હાજર સૂત્રોએ જણાવ્યું કે, જ્યારે આઈટી અધિકારીઓએ બીબીસી દિલ્હી ઓફિસમાં પોતાનો સર્વે શરૂ કર્યો ત્યારે સંપાદકો અને આઈટી વિભાગના અધિકારીઓ વચ્ચે ઘર્ષણ થયું. સંપાદકોની IT અધિકારીઓ સાથે એ હકીકતને લઈને મૌખિક તકરાર થઈ કે તેઓ BBC દિલ્હી ઓફિસમાં તમામ સિસ્ટમ્સનો સર્વે કરશે. બીબીસીના સંપાદકોએ IT એક્ઝિક્યુટિવ્સને કહ્યું કે, તેઓ તેમની સિસ્ટમ પર કોઈપણ સંપાદકીય સામગ્રીની ઍક્સેસ આપશે નહીં. સૂત્રોએ જણાવ્યું હતું કે, આઇટી અધિકારીઓને ઓફિસ સ્ટાફના કમ્પ્યુટર્સમાં ‘શેલ કંપની’, ‘ફંડ ટ્રાન્સફર’, ‘ફોરેન ટ્રાન્સફર’ સહિતની સિસ્ટમ પર ચાર કીવર્ડ મળ્યા હતા.
