scorecardresearch

Covid-19 in India: કોરોના પ્રત્યે બેદરકાર ન રહો, કેસ વધવા લાગ્યા, 24 કલાકમાં 1300% વધારો

Covid-19 in India: કોરોના વાયરસ (Coronavirus) ના કેસ કૂદકે-ભૂસકે વધી રહ્યા છે. છેલ્લાલ 24 કલાકમાં ભારતમાં કોરોનાના કેસ (India Corona Case) માં 1300 ટકાનો વધારો જોવા મળ્યો છે. સરકારે દરેક લોકોને સાવચેત રહી કોવિડ નિયમો (corona guidelines) નું પાલન કરવાનું અને માસ્ક પહેરવાનું કહ્યું છે.

Covid-19 in India: કોરોના પ્રત્યે બેદરકાર ન રહો, કેસ વધવા લાગ્યા, 24 કલાકમાં 1300% વધારો
ભારતમાં કોરોના કેસમાં સતત વધારો (પ્રતિકાત્મક તસવીર)

આરોગ્ય અને પરિવાર બાબતોના મંત્રાલયે મંગળવારે જણાવ્યું હતું કે, ભારતમાં છેલ્લા 24 કલાકમાં કોવિડ (covid case) ના 2,582 નવા કેસ નોંધાયા છે જ્યારે 222 લોકો સાજા થયા છે. છેલ્લા 24 કલાકમાં આ લગભગ 1300 ટકાનો ઉછાળો છે. તમને જણાવી દઈએ કે, 1 જાન્યુઆરીએ 173 કેસ નોંધાયા હતા. છેલ્લા 24 કલાકમાં 1,51,186 કોવિડ ટેસ્ટ કરવામાં આવ્યા છે.

ભારતમાં છેલ્લા 24 કલાકમાં 45,769 રસીના ડોઝ આપવામાં આવ્યા છે અને રિકવરી રેટ હાલમાં 98.8 ટકા છે. અત્યાર સુધી દૈનિક હકારાત્મકતા દર 0.09 ટકા છે અને સાપ્તાહિક હકારાત્મકતા દર 0.13 ટકા છે.

રિકવરી રેટ 98.8 ટકા

સ્વાસ્થ્ય અને પરિવાર બાબતોના મંત્રાલયના જણાવ્યા અનુસાર, અત્યાર સુધીમાં કુલ 91.12 કરોડ કોવિડ ટેસ્ટ કરવામાં આવ્યા છે. જ્યારે કુલ રિકવરી (recoveries from Covid) ની સંખ્યા વધીને 4,41,45,667 થઈ ગઈ છે. 12-14 વર્ષની વય જૂથ માટે કોવિડ-19 રસીકરણ 16મી માર્ચ 2022ના રોજ શરૂ કરવામાં આવ્યું હતું. અત્યાર સુધીમાં, 4.12 કરોડ (4,12,35,971) કરતાં વધુ પુખ્તોને COVID-19 રસીનો પ્રથમ ડોઝ આપવામાં આવ્યો છે. તેવી જ રીતે, 10 એપ્રિલ 2022 થી 18-59 વર્ષની વય જૂથ માટે COVID-19 બૂસ્ટર ડોઝ શરૂ થયો.

એ નોંધવું અગત્યનું છે કે, દેશમાં સ્વાસ્થ્યની ચિંતા વધી છે કારણ કે વિશ્વ આરોગ્ય સંસ્થાના મુખ્ય વૈજ્ઞાનિક સૌમ્યા સ્વામીનાથને શુક્રવારે જણાવ્યું હતું કે, કોરોનાના 300 થી વધુ પેટા પ્રકારો છે, જેમાં XBB એક ઘટક વેરિઅન્ટ છે.

કોરોનાએ વિશ્વમાં હાહાકાર મચાવ્યો છે

તમને જણાવી દઈએ કે, ચીન સહિત ઘણા દેશોમાં કોરોના ફરી ફેલાઈ ગયો છે. તેને જોતા ભારતમાં ફરી એકવાર તેનાથી બચવા માટે તૈયારીઓ શરૂ થઈ ગઈ છે. ચીનમાં સ્થિતિ વધુ ખરાબ છે. આ દરમિયાન, ઓમિક્રોનના સબ-વેરિઅન્ટ BF.7 Omicronનું આ નવું વેરિઅન્ટ, જેણે ચીનમાં હાહાકાર મચાવ્યો છે, તેણે ભારતમાં પણ પ્રવેશ કર્યો છે.

આ પણ વાંચોCovid-19 in India: કોરોનાનું ખતરનાક XBB 1.5 વેરિઅન્ટ ભારતમાં મળી આવ્યો, જાણો તેની સાથે જોડાયેલી મોટી વાતો

ગયા અઠવાડિયે, કેન્દ્રીય આરોગ્ય પ્રધાન મનસુખ માંડવિયાએ ઓમિક્રોનના નવા સબ-વેરિઅન્ટ અંગે વરિષ્ઠ આરોગ્ય અધિકારીઓ સાથે ઉચ્ચ સ્તરીય બેઠક કરી હતી, જેમાં નિર્ણય લેવામાં આવ્યો હતો કે સમગ્ર દેશમાં માસ્ક ચાલુ રહેશે.

Web Title: Covid 19 in india not careless corona cases increasing in 24 hours

Best of Express