Ganga Vilas river Cruise : વિશ્વની સૌથી લાંબી લક્ઝરી રિવર ક્રુઝ ‘ગંગા વિલાસ’ 13 જાન્યુઆરીથી તેની યાત્રા પર નીકળી ગઈ છે. ગંગા વિલાસ વારાણસીથી બાંગ્લાદેશ થઈને આસામના ડિબ્રુગઢ જશે. ગંગા વિલાસનું ઈન્ટિરિયર ભારતની સંસ્કૃતિ અને વારસાને ધ્યાનમાં રાખીને તૈયાર કરવામાં આવ્યું છે. ક્રૂઝની શાહી ભવ્યતા જોઈને ગંગા વિલાસના સર્જક દ્વારા તેની પ્રશંસા કરવામાં આવી રહી છે.
ગંગા વિલાસ કોણે બનાવી?
ગંગા વિલાસનું નિર્માણ અંતરા લક્ઝરી રિવર ક્રૂઝ કંપની દ્વારા કરવામાં આવ્યું છે. કંપનીના CEO અને સ્થાપક રાજ સિંહ છે. રાજ સિંહે એક મીડિયા ઓર્ગેનાઈઝેશનને આપેલા ઈન્ટરવ્યુમાં જણાવ્યું કે, ગંગા વિલાસ અન્ય ક્રૂઝથી બિલકુલ અલગ છે.
ગંગા વિલાસ આઇલેન્ડ વોટરવેઝ ઓથોરિટી ઓફ ઇન્ડિયા દ્વારા સંચાલિત છે. તે શિપિંગ મંત્રાલય દ્વારા સપોર્ટેડ છે. રાજ સિંહ 15 વર્ષથી ક્રુઝ બનાવવાનો વ્યવસાય કરે છે. અત્યાર સુધી તેમની કંપની 9 લક્ઝરી ક્રૂઝ બનાવી ચૂકી છે. તે પ્રખ્યાત વાઈલ્ડ લાઈફ લેખક છે. રાજ સિંહ રાજસ્થાનના ભરતપુરના ઉદ્યોગપતિ છે.
કોનો વિચાર હતો?
ગંગા વિલાસનો વિચાર માત્ર રાજ સિંહનો હતો. વાસ્તવમાં રાજ સિંહને એક કાર્યક્રમમાં વક્તા તરીકે બોલાવવામાં આવ્યા હતા. યોગાનુયોગ એ કાર્યક્રમમાં જળમાર્ગ મંત્રી સર્બાનંદ સોનોવાલ પણ હાજર હતા.
કાર્યક્રમને સંબોધતા રાજ સિંહે વોટર ટુરીઝમ પર વાત કરી હતી. તેમણે કહ્યું કે, પ્રવાસનને પ્રોત્સાહન આપવા માટે વારાણસી અને ડિબ્રુગઢ વચ્ચે ક્રૂઝ શરૂ કરવી જોઈએ. કાર્યક્રમમાં હાજર રહેલા સર્બાનંદ સોનોવાલ પોતે દિબ્રુગઢના છે. તેમને રાજ સિંહનો વિચાર ગમ્યો. આ માટે તેમણે ખુદ પીએમ મોદી સાથે વાત કરી હતી. વડાપ્રધાનને પણ આ વિચાર ગમ્યો.
વડાપ્રધાનની સંમતિ બાદ આ વિચાર પર ઝડપથી કામ કરવામાં આવ્યું હતું. મંત્રાલયે ઝડપથી રૂટ અને પેપરવર્ક પતાવ્યું. પ્લાન મુજબ ક્રુઝ દોઢ વર્ષમાં તૈયાર થવાનું હતું પરંતુ કોરોનાને કારણે ત્રણ વર્ષ લાગ્યા. મીડિયા રિપોર્ટ્સ અનુસાર, ગંગા વિલાસ ક્રૂઝ બનાવવાનો ખર્ચ 68 કરોડ રૂપિયા છે.
માર્ચ 2024 સુધી ટિકિટો ફૂલ છે
વિશ્વની સૌથી લાંબી નદી ક્રૂઝ ગંગા વિલાસની 51 દિવસની મુસાફરીનો સરેરાશ ખર્ચ વ્યક્તિ દીઠ 20 લાખ રૂપિયા હશે. ગંગા વિલાસની ટિકિટ માર્ચ 2024 સુધી ફુલ છે. એપ્રિલ 2024 પછી ટિકિટ ઉપલબ્ધ છે. રાજ સિંહે પોતે આ હકીકતોની પુષ્ટિ કરી છે.
રાજ સિંહે માહિતી આપી છે કે, “દિબ્રુગઢની મુસાફરી દરમિયાન મુસાફરોને માત્ર શાકાહારી ભારતીય વાનગીઓ અને નોન-આલ્કોહોલિક પીણા જ પીરસવામાં આવશે. પ્રવાસીઓને સ્થાનિક ભોજન અને મોસમી શાકભાજી પીરસવામાં આવશે. અહીં કોઈ માંસાહારી ખોરાક અથવા દારૂ હશે નહીં.”
ગંગા વિલાસ ખાતે સુવિધાઓ
ત્રણ માળના ગંગા વિલાસ ક્રૂઝમાં 18 લક્ઝરી રૂમ છે. તે રૂમમાં કન્વર્ટિબલ બેડ, ફ્રેન્ચ બાલ્કની, એર કંડિશનર, સોફા, એલઇડી ટીવી, અટેચ્ડ બાથરૂમની સુવિધાઓ છે.
