ભારતનો પહેલો સંગીતમય રસ્તો... જો તમે 80 કિમી પ્રતિ કલાકની ઝડપે જશો તો 'જય હો' ગીત વાગશે! | India's First Musical Road

India's First Musical Road: મુંબઈ કોસ્ટલ રોડ ભારતનો પહેલો સંગીતમય રસ્તો બન્યો છે. છત્રપતિ સંભાજી મહારાજને સમર્પિત આ કોસ્ટલ રોડ પર ખાસ સંગીત લેન સ્થાપિત કરવામાં આવી છે. જ્યાંથી કોઇ વાહન નિયત કરાયેલ 80 કિમી પ્રતિ કલાકની ગતિથી પસાર થાય ત્યારે સ્લમડોગ મિલિયોનર ફિલ્મનું એ આર રહેમાનનું પ્રસિધ્ધ ગીત જય હો સંભળાય છે. આ વિશ્વનો પાંચમો અને ભારતનો પહેલો સંગીતમય રોડ છે. 

મહારાષ્ટ્રના મુખ્યમંત્રી દેવેન્દ્ર ફડણવીસે આ રોડને જનતા માટે ખુલ્લો મુકતાં ખુશી વ્યક્ત કરી કે, આંતરરાષ્ટ્રીય સ્તરની આ નવીનતમ ટેકનિક, ભારતીય સંસ્કૃતિ અને સંગીતનું એક સુંદર મિશ્રણ હોવાને લીધે આ સંગીતમય રસ્તો સમગ્ર દેશમાં જિજ્ઞાસાનું કારણ બનશે. 

धर्मवीर, स्वराज्यरक्षक छत्रपति संभाजी महाराज मुंबई कोस्टल रोड पर 'मेलोडी रोड' का उदघाटन समेत अन्य मुद्दों पर मीडिया से संवाद...

(मुंबई | 11-2-2026)#Maharashtra#Mumbai#MelodyRoadpic.twitter.com/cnoziVVYoF

— Devendra Fadnavis (@Dev_Fadnavis) February 11, 2026

આ નવીન પ્રયોગ મ્યુનિસિપલ કોર્પોરેશનના મુંબઈ કોસ્ટલ રોડ પર નરીમાન પોઈન્ટથી વરલી સુધીના ઉત્તરીય રુટ પર કરવામાં આવ્યો છે. વરલી તરફ જતી ભૂગર્ભ ટનલમાંથી બહાર નીકળ્યા પછી ડિવાઈડરને અડીને આવેલ પહેલી લેનથી 500 મીટર આગળ સંગીત પટ્ટીઓ લગાવવામાં આવી છે. જો આ પટ્ટીઓ પરથી 70 થી 80 કિમી પ્રતિ કલાકની ઝડપે વાહન ચલાવવામાં આવે તો જય હો ગીતની ધૂન સાંભળી શકાય છે. 

मुंबई को मिली म्यूजिकल रोड -

CM फड़नवीस ने आज किया उद्घाटन, विदेशों के तर्ज पर मुंबई कोस्टल रोड को मेलोडी रोड में तब्दील किया गया !! pic.twitter.com/Uyf0diz5AJ

— Gaurav Singh Sengar (@sengarlive) February 11, 2026

રસ્તા પર કેવી રીતે વાંગે છે ગીત

જ્યારે કોઇ વાહન નિયત કરાયેલ ચોક્કસ ગતિથી રસ્તા પર લગાવેલી આ સંગીત પટ્ટીઓ પરથી પસાર થાય ત્યારે વાહનથી સંગીત પટ્ટીઓ સાથે પેદા થતા ઘર્ષણથી આ ગીત સંભળાય છે. સંગીત પટ્ટીઓ પર વાહનના ટાયરથી ઘર્ષણ ઉત્પન્ન થતા ધ્વનિ તરંગો પર જય હો ગીતની ધૂન સેટ કરવામાં આવી છે. 

આ પણ વાંચો | ગગનયાન મિશન શું છે? આકાશમાં ક્યારે અને કેવી રીતે લહેરાવશે તિરંગો!

ભારતમાં પ્રથમ પ્રયોગ

સંગીતમય રોડ બનાવવાનો આ નવીન વિચાર 2007 માં જાપાનમાં લોકપ્રિય થયો હતો. જાપાની એંજિનિયર શિઝુઓ શિનોદાએ બુલડોઝરની મદદથી રસ્તા પર કામ કરતી વખતે આ ધ્વનિ અસર શોધી હતી. બાદમાં આ પ્રયોગથી મેલોડી રોડ બનાવવાની ટેકનિક વિકસાવવામાં આવી. અત્યાર સુધી વિશ્વમાં જાપાન, હંગેરી, દક્ષિણ કોરિયા અને સંયુક્ત આરબ અમીરાત આવા પ્રયોગો કરી ચૂક્યા છે. ભારતમાં મુંબઈ ખાતે આ પહેલો પ્રયોગ છે.