ISRO PSLV-C62 Launch Update: 2026 ના પ્રથમ મિશનમાં સર્જાઈ ખામી, જાણો શું કહ્યું ઇસરો ચીફે

ISRO પ્રથમ મિશન PSLV-C62 : ભારતીય અવકાશ સંશોધન સંસ્થા (ISRO) એ વર્ષ 2026 ના પ્રથમ મિશન તરીકે PSLV-C62 રોકેટ લોન્ચ કર્યું છે. આ મિશન દ્વારા અન્વેષણ (EOS-N1) નામના અર્થ ઓબ્ઝર્વેશન સેટેલાઇટ અને અન્ય 14 સહ-પેસેન્જર સેટેલાઇટ્સને ભ્રમણકક્ષામાં સ્થાપિત કરવાનો લક્ષ્યાંક રાખવામાં આવ્યો હતો. જોકે, લોન્ચિંગના ત્રીજા તબક્કામાં કેટલીક ટેકનિકલ સમસ્યાઓ સર્જાઇ હોવાનું સામે આવ્યું છે. અહીં જાણો ઇસરો ચીફે શું કહ્યું.

PSLV-C62 લોન્ચિંગમાં અવરોધ: માર્ગ પરથી ભટક્યું રોકેટ

ISRO ચીફ વી. નારાયણને માહિતી આપતા જણાવ્યું હતું કે, "PSLV-C62 રોકેટ તેના નિર્ધારિત ફ્લાઇટ પાથ (માર્ગ) પરથી વિચલિત (Deviated) થયું છે. લોન્ચિંગના ત્રીજા તબક્કા (Third Stage) દરમિયાન આ ખામી સર્જાઈ હતી. ઉલ્લેખનીય છે કે, અગાઉ 18 May 2025 ના રોજ PSLV-C61 મિશનમાં પણ ત્રીજા તબક્કાની ખામીને કારણે મિશન પૂર્ણ થઈ શક્યું ન હતું.

The PSLV-C62 mission encountered an anomaly during end of the PS3 stage. A detailed analysis has been initiated.

— ISRO (@isro) January 12, 2026

ISRO મિશનની મુખ્ય વિગતો

• રોકેટનું નામ: PSLV-C62 (PSLV નું 64 મું મિશન)
• મુખ્ય સેટેલાઇટ: EOS-N1 (અન્વેષણ)
• કુલ પેસેન્જર સેટેલાઇટ્સ: 14 (ભારતીય અને આંતરરાષ્ટ્રીય)
• લોન્ચ સમય: 12 January 2026, સવારે 10.18 વાગ્યે
• લોન્ચ સ્થળ: સતીશ ધવન સ્પેસ સેન્ટર, શ્રીહરિકોટા
• રોકેટનું વજન: 260 Tonnes

શું હતું આ મિશનનું લક્ષ્ય?

આ મિશન ISRO ની કોમર્શિયલ શાખા NewSpace India Ltd (NSIL) દ્વારા સંચાલિત કરવામાં આવ્યું હતું. રોકેટના ઉડાન ભર્યાની 17 મિનિટ બાદ અર્થ ઓબ્ઝર્વેશન સેટેલાઇટ અને અન્ય 13 સેટેલાઇટ્સને સૂર્ય-સમકાલીન ભ્રમણકક્ષા (Sun-Synchronous Orbit) માં મુકવાના હતા. આ સેટેલાઇટ્સમાં થાઈલેન્ડ અને યુનાઇટેડ કિંગડમ દ્વારા નિર્મિત ઉપગ્રહોનો પણ સમાવેશ થાય છે.

KID કેપ્સ્યુલનું ટેકનોલોજી પ્રદર્શન

આ મિશનમાં એક વિશેષ પ્રયોગ પણ સામેલ હતો. રોકેટના ચોથા તબક્કા (PS4) ના અલગ થયા બાદ સ્પેનિશ સ્ટાર્ટ-અપ દ્વારા વિકસિત 25-kg વજનના 'કેસ્ટ્રેલ ઇનિશિયલ ટેકનોલોજી ડેમોન્સ્ટ્રેટર' (KID) કેપ્સ્યુલનું પ્રદર્શન કરવાનું હતું.

ALSO READ | AI ની દુનિયા કેવી રીતે બદલાઈ? આ 5 ટેકનિકલ સફળતાઓ 2026 માટે બનશે ગેમ ચેન્જર

વૈજ્ઞાનિકો ચોથા તબક્કાના એન્જિનને ફરીથી ચાલુ કરી તેને પૃથ્વીના વાતાવરણમાં પુનઃપ્રવેશ કરાવી દક્ષિણ પ્રશાંત મહાસાગરમાં સ્પ્લેશડાઉન કરાવવાની યોજના ધરાવતા હતા.

PSLV નો ભવ્ય ઇતિહાસ

PSLV રોકેટ ભારતનું સૌથી વિશ્વસનીય રોકેટ ગણાય છે. તેણે અત્યાર સુધીમાં 63 મિશન સફળતાપૂર્વક પૂર્ણ કર્યા છે, જેમાં Chandrayaan-1, Mars Orbiter Mission (MOM) અને Aditya-L1 જેવા ઐતિહાસિક મિશનનો સમાવેશ થાય છે.

ALSO READ | વિક્રમ સારાભાઇ જેમના વિના ભારતીય અંતરિક્ષ સફર અધુરી છે...

જોકે, તાજેતરના બે મિશનમાં ત્રીજા તબક્કાની સમસ્યાએ વૈજ્ઞાનિકો માટે ચિંતા જગાવી છે.