મહારાષ્ટ્ર રાજકારણઃ ઉદ્ધવ ઠાકરે અને રાજ ઠાકરેએ ગઠબંધનની જાહેરાત કરી, મુંબઈના મેયર મરાઠી અને અમારા જ હશે

Uddhav Thackeray and Raj Thackeray alliance: શિવસેના, યુબીટી અને મનસેએ બીએમસી ચૂંટણી માટે ગઠબંધનની જાહેરાત કરી છે. મનસેના વડા રાજ ઠાકરે સાથે પત્રકાર પરિષદને સંબોધતા ઉદ્ધવ ઠાકરેએ કહ્યું, "અમે સાથે રહેવા માટે ભેગા થયા છીએ." ઉદ્ધવ ઠાકરેએ જણાવ્યું હતું કે મરાઠી લોકોના હિતોનું રક્ષણ તેમની પ્રાથમિકતા રહેશે અને મહારાષ્ટ્રના હિત સર્વોપરી રહેશે. 

પત્રકાર પરિષદ દરમિયાન રાજ ઠાકરેએ કહ્યું, "મહારાષ્ટ્ર કોઈપણ પરસ્પર મતભેદો કરતાં મોટું છે. અમે જાહેર કરીએ છીએ કે અમારું ગઠબંધન થયું છે, અને મુંબઈના મેયર મરાઠી હશે અને અમારા."

ગઠબંધનની જાહેરાત કરતા પહેલા, બંને નેતાઓએ શિવસેનાના સ્થાપક બાળાસાહેબ ઠાકરેને શ્રદ્ધાંજલિ આપી અને પછી જાન્યુઆરીમાં યોજાનારી બૃહન્મુંબઈ મ્યુનિસિપલ કોર્પોરેશન (BMC) ચૂંટણી માટે ગઠબંધનની સત્તાવાર જાહેરાત કરી.

રાજ ઠાકરેએ કહ્યું, "મહારાષ્ટ્ર લાંબા સમયથી શિવસેના અને મનસેના સાથે આવવાની રાહ જોઈ રહ્યું હતું. આજે, અમે સત્તાવાર રીતે તેની જાહેરાત કરી રહ્યા છીએ."

UBT-MNS ગઠબંધનથી ઉત્સાહિત સમર્થકો

શિવસેના (UBT) ના સાંસદ અરવિંદ સાવંતે આ પ્રસંગે કહ્યું, "આ ખૂબ જ શુભ ક્ષણ છે, અને મહારાષ્ટ્રના લોકો લાંબા સમયથી આ ક્ષણની રાહ જોઈ રહ્યા છે. મુંબઈ દરેકને સમાવે છે. અમે ક્યારેય જાતિ કે ધર્મના આધારે ભેદભાવ કર્યો નથી. અમે હંમેશા મરાઠીઓ અને આ ધરતીના પુત્રોની વાત કરી છે."

પવાર પરિવાર સમાધાન તરફ આગળ વધી રહ્યો છે?

બીજી બાજુ, 15 જાન્યુઆરીએ યોજાનારી મ્યુનિસિપલ ચૂંટણીઓ પહેલા પવાર પરિવારમાં અણબનાવ હોવા છતાં, બંને પક્ષો પરસ્પર કરાર તરફ આગળ વધી રહ્યા છે. 

UddhavSaheb Thackeray #LIVE | शिवसेना (उद्धव बाळासाहेब ठाकरे) आणि महाराष्ट्र नवनिर्माण सेना ह्यांची संयुक्त पत्रकार परिषद | हॉटेल ब्लू सी, वरळी, मुंबई https://t.co/HWtbiMJf3Z

— Office of Uddhav Thackeray (@OfficeofUT) December 24, 2025

બંને પક્ષો પુણે અને પિંપરી-ચિંચવડ મ્યુનિસિપલ ચૂંટણીઓ માટે જોડાણની શક્યતા પર ચર્ચા કરી રહ્યા છે. "અમારા પક્ષના નેતાઓ અને કાર્યકરોએ અભિપ્રાય વ્યક્ત કર્યો છે કે આપણે પુણે અને પિંપરી-ચિંચવડમાં અજિત પવારની આગેવાની હેઠળની NCP સાથે જોડાણ કરવું જોઈએ," 

શરદ પવારની આગેવાની હેઠળની રાષ્ટ્રવાદી કોંગ્રેસ પાર્ટી (SP) ના પ્રદેશ પ્રમુખ શશિકાંત શિંદેએ મુંબઈમાં પાર્ટીની બેઠક બાદ જણાવ્યું. "ગઈકાલે જ્યારે હું તેમને મળ્યો ત્યારે નેતાઓએ પણ આ જ અભિપ્રાય વ્યક્ત કર્યો હતો. અમે આ મુદ્દા પર ચર્ચા કરી છે અને ટૂંક સમયમાં નિર્ણય લેવામાં આવશે."

સુપ્રીમ કોર્ટની સમિતિએ અરવલ્લીની નવી પરિભાષાનો વિરોધ કર્યો હતો છતાં કોર્ટો આપ્યું ગ્રીન સિગ્નલ

મુખ્યમંત્રી અને ભાજપના નેતા દેવેન્દ્ર ફડણવીસે પહેલેથી જ જાહેરાત કરી દીધી છે કે તેમનો પક્ષ પુણે અને પિંપરી-ચિંચવડ મ્યુનિસિપલ કોર્પોરેશનોમાં નાયબ મુખ્યમંત્રી અજિત પવારની NCP સાથે જોડાણ નહીં કરે. તેમનો દલીલ છે કે જોડાણ સ્થાનિક સ્વરાજ્યની ચૂંટણીમાં વિરોધ પક્ષો માટે જગ્યા ખોલશે.